ROMA 8:9 - Allah Wene Fano Wene Hupla Inane

⁹ A'nogo meneat he, hit enek he, Allah Areagun eberogoat hinendawimo werek halok he, hinobabut afuni inobabut inetogat logolik hilingitarek hak hilingiti'lek. We, Allah Areagun obabut waganogo hilingiti lagep andi. Nen, sa nen Kristus Areagun endawimo lek halok he, at andi ebe Kristus mene lego.

ROMA 8:9 ပူးပေါင်းရင်းမြစ်များ

YEHEZKIEL 11:19

It he an nen inendawinggen ket mene inom, inobabut ket mene inom hilingfisambik, inungguloak helep hangge werek mene andi re, An nen waganogo wanimbik obali'mo An nane hologo hilingitarek mene wogisagain.

LUKAS 11:13

Hit hinobabut weak hilingiti lagep meneat he, hinagainafuri andi fano mene wogisikhi lagep hinelumo re, fano meneat wogisikhi lagep andi. Andi hangge, hineisena Allah pogoroba mene yagati logolik, hareagun andi wo'nisan o, iluk, kino yagatep halok he, wokhisagain lek nogo? Wokhisagain aro,” iluk yagaisasikhe.

YOHANES 14:23

at Yesus nen he, mel yagaisasikhe: ”At sa nen an nebe endawinggen hundik halok he, nane hologo hilingiti logogin o. Nane hologo hilingiti logoumo, neisena nen at andi endawinggen hundik logogin o. A'nogo logolik, an neisena nemberek ap andi oba we'luk, at ninom mondok logogun o.

YOHANES 3:34

At Allah nen lakfei wagaikhe mene andi, Allah Areagun elele wanhi'lek mondogat wogetikhe andi nen Allah aneat yaganisikherego.

YOHANES 3:6

Nen, afuni nen taginaferek andi, afuni meneat ta'lagaikharego. Nen Allah Areagun en taginaferek andi, Allah Aregun nenat ket taginaferego.

KISAH PARA RASUL 16:7

O Misia wagaukwasik andoma nen, o Bitinia louwogeluk isukwa meneat he, Allah Areagun en, ”O andoma logoin lego,” iluk inendawimo kagalhikhe.

ROMA 7:5

Attak he, nit ninobabut he, afuni inobabut ninetogat welagagu. A'nogo logolik, wene Allah nen komotninafikhe wene a'nogo werek kwelek ninoba aigage lagagunem he, ninenggi nineisok ninebe mondogaren weak hilingitunem wurep oba re, mondok wa'laga lagagu andi.

ROMA 8:1

Yogondak nit Kristus Yesus ninom hundik welago mene halok Allah nen wene ninoba fuluk weagetninabigin lego.

ROMA 8:11

At Allah nen he, Kristus Yesus wa'lagaikhemo eluget fesikhemo re, at Areagun hinendawimo logolik he, hinebe hinagap wa'laga lagep mene yi hinelugethinabiginat. Andi re, at Areagun en Kristus ebe wa'lagaikhemo eluget fesikhe a'nogo hinendawimo welagarek andi nen hinelugethinabigin o.

ROMA 8:2

An attak he, weak hilingitaresik wurep oba inebe mondok wa'lagaikharek andi mene nen hele warogo hak fetnarek welagaikhe. A'nogo were'ma, hobuk Allah Areagun en Kristus Yesus ninom hunogo ninobagakhi logolik nineluget ninaferek mene a'nogo nen, hele fikhalogo nobagaikhemo welagi.

1 KORINTUS 15:23

A'nogo meneat he, Allah nen ninobali'mo lombok higit-higit nineluget ninabigin. Yi mene ti mene attak mene tak wanharek hak, at Kristus tak eluget fesikhemo andi nen he, at ebe wesigin andi sambul, nit Kristus agoromi mene halok nineluget ninabigin.

1 KORINTUS 3:16

Nit ninebe Allah awi wurigat, iluk he, hinonggot nogo? Allah Areagun ninendawimo awi wurogo welagarek, iluk he, hinonggorat nogo?

1 KORINTUS 6:17

Nit ninebe faget a'nogo hilinglagorek meneat he, ninoe Enupogot ninom huni'luk he, at ninom ninendawinggen misigat agorek andi.

1 KORINTUS 6:19

Hiren he, ”Allah nen, Areagun wo'nisasikhemo, ninebe at awi wurik welago,” iluk he, hinonggot nogo? Hinebe hinonggwarek eisewerek fuk. Allah eisewerego.

2 KORINTUS 10:7

An nen wene weinam mene igin yi re, futfenio. At ekhe endawimo nen he: ”An nebe re, Kristus mene welagi,” iluk futfikhe halok he, onggwaregen obabut palikhi logolik, ”An nebe re Kristus amlogo welagi hak he, it Paulus lak andi ogo a'nogoat werek,” iluk futfouwago.

2 KORINTUS 6:16

At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,

GALATIA 4:6

A'nogo hele fikhalogo ninobagasikhemo, ninebe Allah againafuri welago andi nen he, at amlogo Areagun ninendawinggenma ninobagai wagaikhemo logolik, at Allah faget he, niren, ”Neisena, neisena e,” ikhi logouwageluk ikherek andi.

GALATIA 5:24

Ninebe Kristus Yesus agoromi mene halok ninobabut ninetogat logolik, yi mene ti mene ninamolo anggikhi lagagu mene andi, Kristus Yesus ebe eba menfuluk watukwa andiba warogo fesugu.

EFESUS 1:13

Andi hagat he, hiren wene ebe wene, fanotninaferek wene a'nogo hinesanggo holhigipsik he, eberogoat iluk hinendawinggen Kristus oba himbiret fesigipmo Allah nen he, ”Nareagun wokhisagain,” iluk, abok yaganisasikhe higithogoat, ”It an nonggwarek nagainafurio,” iluk Areagun wokhisasikhe andi.

EFESUS 2:22

Andi hak he, hit Kristus hinom hundik were'ma, it ekhe hinom o misigat Allah awi wuri'mo Areagun logouwageluk, wurogo hinobagali'logo andi.

EFESUS 3:17

Hinendawinggen at Kristus oba himbiret foumo, at ebe hinendawimo awi wurogo were'ma re, yi mene ti mene awi yatunem omanggen yatik, o tik ninghogo watik, agarek hak, hinobabut he, afuni ekhe inebe inendawirogo welagaikharek andi meneba hinomanggen yakfuluk ninghogo logobagaigen iluk, Allah ayonggo fikhi lagi aro.

2 TIMOTIUS 1:14

Allah nen he, ”Wene fano mene andi afuni ekhe nen weagetfeinogo iluk, fanorogo fetnarek logoino,” iluk, ninoba fesikhe mene andi, at Areagun ninendawimo fesikhemo werek mene andi omameba fanorogo fisogo logoino.

1 PETRUS 1:11

A'nogo yagaisikhi lagaukwa andi, at Kristus Areagun inendawimo logolik yagaisikhi logolik he, mel yagaisasikhe: ”Kristus enggin hilik-hilik wa'lasigin. Wa'lasimbigen, hobuk eluk agunem fogerati logogun,” iluk yagaisasikhemo iren ikhi logoligat he, ”Ninggi'nogo hilinglasigin. Mera nen hilinglasigin,” iluk heinok furogo wanhi lagaukwa.

1 YOHANES 3:24

Nit Allah nen wene komotninafikhe wene andi hologo higithogo hilingiti lago halok he, at Areagun wo'nisasikhemo ninendawimo werek, andiba, nit at ninom hundik, nen, at nit ninom hundik welago, iluk futfikhi lago.

1 YOHANES 4:13

Allah nen Areagun wo'nisasikhe andiba, niren anggikhi logolik, ”At nit ninom hundik werek. Nen, nit at ninom hundik welago,” iluk futfikhi lago o.

1 YOHANES 4:4

Mene re, nagainafuri e. It afuni kweangma mene inendawimo welagarek mene andi omame lek meneat he, hit enek he, hinebe Allah againafuri hilingi'mo at Areagun omame mondok hokho mene hinendawimo werek andi nen he, it ap andi mabenetfisaluk welagep andio.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.