ROMA 8:4 - Allah Wene Fano Wene Hupla Inane

⁴ Attak he, nit higithogo hilingiti logouwageluk, wene Allah nen komotninafikhe meneat he, weak hilingiti lagagu andi. Weak hilingiti lagagusi'mo re, hobuk nit afuni inobabut wanhi'lek logolik Allah Areagun obabut waganogo higithogo hilingiti lago mene halok, aren isikhe hak hilingiti logouwageluk, weak hilingitarek andi arat sebelfisasikhe andi.

ROMA 8:4 ပူးပေါင်းရင်းမြစ်များ

LUKAS 1:6

At agwe emberek andi re, nineisena Tuhan nen he, ”Yi'nogo hilingi'no, ti'nogo hilingi'no,” iluk, yaganisigik, komotninafik, isikhe mene a'nogo, mondok higithogoat hilingiti lagaukwama re, at Allah nen he, ”It andi inobabut fano mondok,” iluk, enegat eilenggen isikhi lagaikhe.

ROMA 2:26

Nen, it afuni ekhe inagap inenggalimo mene palek lek logolik, wene Allah nen komotninafikhe wene a'nogo hologo hilingitu halok he, at Allah nen he, inagap inenggalimo mene palek lek meneat he, palek mene hangge igin lek nogo? Palek mene hanggeat igin o.

ROMA 3:31

Halok he, ninendawinggen at Yesus oba eberogoat himbiret fikhi logolik, wene Allah nen komotninafikhe wene a'nogo sebelhi lago he a? Lego. At ane andiat legeisogo fikhi lago.

2 KORINTUS 10:3

Nit ninebe kweangma logolik afuni sikhe sigeba weim yafarek hak yafi lago lego.

GALATIA 5:16

An nendawimo yi'nogo anggigirigen igin. Ninobabut ninetogat logolik hilingitorek mene andi nen, Allah Areagun endawimo amolo anggikherek mene andi warogo wulabigeluk hilingitik, nen, at Allah Areagun en, nit ninobabut andi mene warogo wulabigeluk hilingitik, ikhi logolik, emberek weim palek mondok hilingitarek. Emberek a'nogo hilingitaresik hiren, ”Yi'nogo hilingi'lo e,” iluk, hundik-handik, anggikhi lagep meneat he, ebe hilingiti lagep lek andi. Andi nen he, Allah Areagun hinom hundik logolik fano hilingiti logoino o. A'nogo hilingiti logogun halok, hinobabut hinetogat logolik, yi mene ti mene hinamolo nen hilingiti lagep mene andi, hobuk a'nogo hilingiti logogun lego.

KOLOSE 1:22

A'nogo meneat he, hit hinebe at Allah onggwarek faget fakhaluk, at eilhanem enekhogo wene hinoba legengge fano tegelek logouwageluk, amlogo ebe wa'lagaikhe andiba, onggwarek hinom lambulogo hinobagasikhemo welagep andi.

IBRANI 12:23

Allah againafuri manggusa mene, inenu pogoroba lisu palek were'ma, andogorek logolik inendawimo inagaiyegetarek mene inom, it afuni fano hilingiti lagaukwama, Allah nen katokhogo fanorinafikhe mene inareagun inom, Allah ebe afuni mondogat wene inoba figik, kotik, ikherek mene a'nogo inom were'ma oba wagebo.

1 YOHANES 3:2

Nerugwi nagaila'lak, nendawilage. Yogondak nit ninebe Allah againafuri welago meneat he, hobuk ninebe logogun mene weinamet figi'lek oan hinago werego. A'nogo meneat he, nit ninelu re, Yesus ebe yogondak werek mene nineilenggen furogo hogoin andi nen, at wesigin andi sambul ebe wagunem, nit ninebe at ebe werek andi hak hilinglasuguno.

YUDAS 1:24

Hit nineisena Allah omame logolik elok fethinarek logogin mene a'nogo oba lagunem, hineisok peikhogo warigi'lek fanorogo fethinarek logombik he, at ebe fogerari'lagwiba andoma, wene hinoba figi'legat, hinendawimo hinagaiyek anggugu kwelek, at elokhoma hinobagai lagain mene andi, hai wati logouwogo.