ROMA 8:2 - Allah Wene Fano Wene Hupla Inane

² An attak he, weak hilingitaresik wurep oba inebe mondok wa'lagaikharek andi mene nen hele warogo hak fetnarek welagaikhe. A'nogo were'ma, hobuk Allah Areagun en Kristus Yesus ninom hunogo ninobagakhi logolik nineluget ninaferek mene a'nogo nen, hele fikhalogo nobagaikhemo welagi.

ROMA 8:2 ပူးပေါင်းရင်းမြစ်များ

MAZMUR 51:12

Neisena Allah, Haren an nendawinggenma fano horek mene hilingisogo nobagain o. Hoba lomborogo mondok logouwageluk, hareagun nendawimo peterogo fembik, nobabut ket mene hilingisogo nobagain o.

YOHANES 4:10

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

YOHANES 4:14

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

YOHANES 6:63

Allah Areagun nenat afuni inelugerinaferego. Afuni kweangma mene inomameba ekhe hilingisu elo'lego. Menere, wene an nen yagahisikhi lagi andi, Allah Areagun nenat ikherek mene andi nen he, inelugerinaferek wene yagahisikhi lagi andi o.

YOHANES 8:32

wene ebe wene hinelu asigin o. Hinelu asumo, wene ebe wene andibaat hinebe hele fikhalogo hinale'ma hinobagagin o,” iluk yagaisikhi lagaikhemo,

YOHANES 8:36

Andi hak he, an Allah ebe amlogo nen, hit hele fikhalogo hinale'ma hinobagagi mene halok, eberogo nen hele fikhalek mene hinale'ma logogun o,” iluk yagaisasikhe.

ROMA 16:3

Nen, ekhe re, he Priskila agun Akwila emberek ninom Kristus Yesus faget hilingiti lagosik wagaikha a'naga Paulus nen hai wathinafe iluk yagaisano o.

ROMA 3:27

A'nogo hilingninaferek andi nen he, ninonggwaregen fogerakhikhi logogun nogo? Fogerakhogoin mondok legaga o. Ninggi'nogo nen nogo?. Nit ninonggwaregen wene Allah nen komotninafikhe wene higithogo hilingirikhi lago andi nen ninambotkwe hunogo ninobagasikhe nogo? Lego. Ninendawinggen at oba himbiret fugunem, arenat hunogo ninobagaikherek andi nen, fogerakhogoin elo'lego.

ROMA 5:21

Weak hilingitaresik wa'lagaikharek andiba, weak hilingitarek mene omame agaikhe andi hak, ninoe Enupogoren wene ninoba mene korogo wokhaluk, Allah ninom hunogo ninobagasikhe andiba, Allah obabut fano nen endawitninaferek mene andi omame agaikhemo re, nineluk mondok logogun andi.

ROMA 6:14

Hit he, wene Allah nen komotninafikhe wene a'nogo oba himbirik welagep lek. We, Allah obabut fano nen endawitninaferek mene andi oba himbirik welagep andi nen he, weak mene awe a'ma logogun lego.

ROMA 6:18

Hit he, weak hilingitarek andi mene nen fethinarek were'ma, Allah nen hele fikhalogo hinobagaluk, at faget higithogo hilingiti logouwageluk, awe a'ma hinobagasikhemo welagep.

ROMA 6:22

Mene re, hit weak hilingitu kwelek, weak mene nen fethinarek were'ma, Allah nen hele fikhalogo wulakhinobagasikhemo re, yogondak he at awe a'ma kuluk welagep andi. Logolik he, hinebe at faget fisaluk welagep andi mene helegebo. A'nogo logombik, wurep oba hineluk mondok logogun aro.

ROMA 7:21

An nobabut hilingitirek igi andi re, ebe yi'nogo hikhi lagi. Fano hilingisigeluk ugunem he, weak hilingisu hak enek hilingnaferego.

ROMA 7:23

nenggi neisok nebe abirenggeat he, hunogo mene hilingiti logolik, wene Allah nen komotninafikhe wene a'nogo nendawimo nen fano anggigirek mene andi sebeligeluk ikherek. Nenggi neisok nebe abirenggeat yoma weak enek hilingitirek andi nen he, nebe weak hilingisuageluk hele warogo hak nobagaikherek andi.

ROMA 7:4

Andi hak he, nerugwi nagaila'lak. Hit attak he, hemi inaguni inom hele homago hangge welagaikharek ogo andi hak, wene Allah nen komotninafikhe wene a'nogoba homago were'ma, at Kristus ebe watukwama wa'lagaikhe andi, hinomat wa'laga logolik, hele hangge homago welagagip mene andi arat fikhalagaikhe andi. Andi nen he, hemi inaguni wa'lagunem ekhe elok woginabugun andi hak, hit Allah faget fano hilingiti logouwageluk, at Yesus wa'lagaikhemo Allah nen eluget fesikhe mene a'nogo nen wokhinafikhemo welagebo.

ROMA 8:1

Yogondak nit Kristus Yesus ninom hundik welago mene halok Allah nen wene ninoba fuluk weagetninabigin lego.

1 KORINTUS 15:45

Wene a'nogo iluk, Allah ane lisu palhi logolik he: ”Ap Adam attak mene andi, ebe eluk mene elalhikhe,” iluk lisu palogo fesukwa. Meneat he, ap Adam hobuk mene andi, Areagun nen inelugerinaferek mene wagaikhe.

2 KORINTUS 3:17

”Ninoe Enupogot,” iluk igi andi re, Allah Areagun fageraro. Afuni ninoe Enupogot Areagun inendawimo were'ma re, hele fikhalek inale'ma welagaikharek andi.

2 KORINTUS 3:6

Allah nen wene ket mene ninoba watikhe andi, niren waluk loageluk, arenat ninomamet ninafikhemo elok waluk logoin welago. Wene attak komorinafikhe mene lisu palogo fesukwa higithogo hilingiti'lek halok, andiba inebe inoaterek. Meneat he, Allah Areagun en inelugerinaferek andi nen, nit wene attak lisu palek mene waluk lagi'lek, we, at Areagun en yaganisili'logo mene waluk laga lago andi.

GALATIA 2:19

Mene re, wene Allah nen komotninafikhe wene andi nen nebe warek mene hangge hilingnafikhemo re, an nebe neluk logolik Allah faget hilingiti logoigeluk, wene andi faget warek hak welagi. Andi re, Kristus ebe eba menfuluk watukwa andi nemberegat ninoatukwa andi.

GALATIA 5:1

Nit Kristus nen ninale'ma ninobagasikhemo yogondak ninale'ma welago. Andi nen he, yi mene ti mene enggin weak mene it afuni inamingmingengge mene nen e yerogo waluk loageluk inomoloba fagarek hak, enggin mene andi hobuk hinoba feinogo iluk, ninghogo mendek logoino.

GALATIA 6:2

Hit-hit hinoba enggin werek halok, hinebe lombok ekhe nen ekhe lebet-lebet hilingiti logoino o. A'nogo hilingiti logogun andiba nen, wene Kristus nen komorogo yaganisasikhe wene a'nogoat higithogo hilingiti logogun andi.

YAKOBUS 1:25

Nit afuni ninenggi hele warek hak were'ma, nineisena Allah nen fano weneba komotninaferek andiba fikhalninaferek. Halok, sa nen wene andi esanggo nek holfuluk he, onggot agarek fuk. We, higithogo futfuluk, oba eberek mondok logolik, wene andi higithogo hilingite halok, yi mene ti mene hilingitunem, Allah nen endawinggen agaiyekhogo lebethikhi logogino.

WAHYU 11:11

Inenggi henagan oba re a'nogo hilingiti logombik, inenggi ekhe linggene a'nogo hilingitu were'ma, Allah Areagun inelugerinaferek mene a'nogo it ap pire andem inendawimo kugunem ineluget fisamo menlasumore, afuni mondogat ineilenggen isambik he, inailo hokhorogo asugun o.

WAHYU 22:1

A'nogo yaganetemo higiri'mo nen ombo'ne re, Allah inom, Domba Eak inom, emberek kain welagaikharek oba inobulu'mo nen, i inelugerinaferek mene eil wurik weak inafumak hangge mene elesi wulibisogo re,