ROMA 8:1 - Allah Wene Fano Wene Hupla Inane

¹ Yogondak nit Kristus Yesus ninom hundik welago mene halok Allah nen wene ninoba fuluk weagetninabigin lego.

ROMA 8:1 ပူးပေါင်းရင်းမြစ်များ

YESAYA 54:17

Oba nen he sikhe andoma mondogat hat hoatu mene faget wusugun meneba nen ambisangma yalok ikhi logogin lek. Nen, wene katokhogo tegetarek aiba nen hoba hikhip heogoin mene re haren an weak hilingiti lek iluk fakhogo nek ikhi logogin. An namingmingengge mene re inomame aga logolik welagaikharek mene onggo wogisagain o,” iluk Tuhan nen a'nogo ikhe, isikhe.

YEHEZKIEL 18:9

Aren he An nane yi'nogo hilingi'no ti'nogo hilingi'no iluk isigi mene inom, An nawene melalek inom holfuluk tiphogo nek hilingiterek. Ap ariginik mene andi re higithogo nek hilingiterek mene hilingi'mo re at ebe eluk logogin o. Iluk An Tuhan Lego Mondok welagirek mene a'nogo nen nane mondogat igi.

YOHANES 14:20

A'nogo hineilenggen neogoin andi sambul, an neisena nemberek hundik welago, nen, hit an hinom hundik, nen, an hit ninom hundik welago mene andi, hinelu asigin o.

YOHANES 15:4

A'nogo hinawulfuk hangge palek welagep andi re, hit an ninom hundik, an hit ninom hundik logouwogo. Hele enggisok andi re, ebeba hundik lek halok, enggen isu mondok elo'lego. We ebeba hundik halok, enggen iterek andi hak he, hit an ninom hundik logogun lek halok he, fano mene hilingisu elo'lego. We, an nebeba hundik halogat, fano hilingisugun o.

YOHANES 5:24

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

ROMA 16:3

Nen, ekhe re, he Priskila agun Akwila emberek ninom Kristus Yesus faget hilingiti lagosik wagaikha a'naga Paulus nen hai wathinafe iluk yagaisano o.

ROMA 16:7

At Andronikus, Yunias emberek, ”Aren hai wathinafe,” iluk yagaisano aro. It he, an ninom ninunggulenu misigat mene ninenggi hele warek ninomat warek welagagusik. Afuni hokhorogo hak Kristus nen inayonggo fesikhesik lakfisa wagaikhe meneat he, inenu werek he, iraro. It tak inendawinggen Kristus oba himbiret fesukwasi'mo nen, an hobuk himbiret fesigi.

ROMA 5:1

Yogondak he, nit ninendawinggen Allah oba himbiret fesugu andi nen, wene ninoba mene korogo wokhaluk ninom ninambotkwe hunogo ninobagaikhemo, ninoe Enupogot Yesus Kristus nen hilingitikhe andiba Allah ninom lambulogo fano liokhogo welago.

ROMA 5:16

Ap misigaren Allah ane sebelogo weak hilingitikheba, Allah nen he, wene oba fesikhesik weagetfesikhe andi. A'nogo weagetfesikhemo re, hobuk afuni weak mondok hilingirik wagaukwa meneat he, at Allah obabut fano nen weat onggolek yaganisikhi logolik he, ”Wene hinoba lego,” iluk korogo wokhasikhe.

ROMA 7:17

An nobabut a'nogo hilingiti lagi andi re, an nen hilingiti lagi fuk. We, weak hilingitarek mene nendawimo logolik hilingiri'logo.

ROMA 7:20

Nendawimo nen namolo anggigi'lek. Nabit anggigirek mene hilingiti lagi halok he, an nebe nen hilingiti lagi lek higi. We, weak hilingitarek mene nendawimo welagarek mene andi nenat hilingiri'logo.

ROMA 8:11

At Allah nen he, Kristus Yesus wa'lagaikhemo eluget fesikhemo re, at Areagun hinendawimo logolik he, hinebe hinagap wa'laga lagep mene yi hinelugethinabiginat. Andi re, at Areagun en Kristus ebe wa'lagaikhemo eluget fesikhe a'nogo hinendawimo welagarek andi nen hinelugethinabigin o.

ROMA 8:14

Allah nen Areagun wokhisikherek andi re, afuni inebe it ekhe inamingmingengge logolik inobabut inailorogo hilingitarek andi hak, hilinghinafi logouwageluk wokhisikherek fuk. We, at Allah onggwarek againafuri hilinghinapluk kulhinabuageluk wokhisikherek. Andi nen he, it afuni Allah Areagun en woginarek nikherek mene halok, inebe lombok he, inebe Allah againafuriat werego. A'nogo logolik ninebe Allah Areagun oba himbiret fuluk logolik he, mel ikhi lago: ”Neisena Allah, neisena Allah,” iluk ninane fakhogo ikhi lago andi.

ROMA 8:2

An attak he, weak hilingitaresik wurep oba inebe mondok wa'lagaikharek andi mene nen hele warogo hak fetnarek welagaikhe. A'nogo were'ma, hobuk Allah Areagun en Kristus Yesus ninom hunogo ninobagakhi logolik nineluget ninaferek mene a'nogo nen, hele fikhalogo nobagaikhemo welagi.

ROMA 8:34

Nen, wene ninoba fembik he, sa nen weagetninabigin nogo. At Kristus Yesus wa'lagaikhemo Allah nen eluget fesikhemo re, pogoroba lagasikhesik, at era'lu enggi ebekwe kain logolik he, nit faget Allah ayonggo fugu werek.

ROMA 8:4

Attak he, nit higithogo hilingiti logouwageluk, wene Allah nen komotninafikhe meneat he, weak hilingiti lagagu andi. Weak hilingiti lagagusi'mo re, hobuk nit afuni inobabut wanhi'lek logolik Allah Areagun obabut waganogo higithogo hilingiti lago mene halok, aren isikhe hak hilingiti logouwageluk, weak hilingitarek andi arat sebelfisasikhe andi.

ROMA 8:9

A'nogo meneat he, hit enek he, Allah Areagun eberogoat hinendawimo werek halok he, hinobabut afuni inobabut inetogat logolik hilingitarek hak hilingiti'lek. We, Allah Areagun obabut waganogo hilingiti lagep andi. Nen, sa nen Kristus Areagun endawimo lek halok he, at andi ebe Kristus mene lego.

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

1 KORINTUS 15:22

At Adam ninom hundik logolik he, ninebe mondogat wa'lagorek andi hak, nit Kristus ninom hundik were'ma re, Allah nen ninebe mondogat nineluget ninabigin aro.

2 KORINTUS 12:2

An 14 tahun attagat neilenggen hasigi mene it ekhe inoba lirogo igin o. Ap ekhe Kristus emberek hundik welagaikhe mene Allah nen pogot huli pire senggelek hebisaluk huli ekhe ponggwe andomaba liakfesikhe andi nelu o. At andi ebeat liakfesikhe he a? Areagun liakfesikhe he a. An nonggot. Neisena Allah at elu o.

2 KORINTUS 5:17

Afuni inebe Kristus inom hundik werek halok he, inobabut ket mene elalinafemo werego. Attak mene legat aga. Hobuk ket mene hilinglaga.

GALATIA 3:13

Allah aneba lisu palogo fikhi logolik he, mel isukwa: ”Inebe eba menfisaluk inoasumo, it inebe wa'lasugun mene andi, Allah nen homan inobagagin werego,” iluk, lisu palogo fesukwa hagat, wene Allah nen komotninafikhe wene andiba re, homan inoba feigiluk were'ma, at Kristus nen ninonggo palogo telninabigeluk wene nit ninoba mene korogo at oba fakhasikhe andi.

GALATIA 3:26

Hit hinendawinggen Kristus Yesus oba himbirik welagep andi nen hinebe mondogat he, Allah againafuri welagep andi.

GALATIA 3:28

Wanhigipsik, hobugen he, hit mondogat he, Kristus Yesus hinom hundik logolik hinebe misigat mene welagep andi nen he, hit fena Yahudi mene, fena Yunani mene igik, fena inamingmingengge mene, fena inale'ma mene igik, fena hemi, fena ap igik, ikhi logogun lek.

GALATIA 5:16

An nendawimo yi'nogo anggigirigen igin. Ninobabut ninetogat logolik hilingitorek mene andi nen, Allah Areagun endawimo amolo anggikherek mene andi warogo wulabigeluk hilingitik, nen, at Allah Areagun en, nit ninobabut andi mene warogo wulabigeluk hilingitik, ikhi logolik, emberek weim palek mondok hilingitarek. Emberek a'nogo hilingitaresik hiren, ”Yi'nogo hilingi'lo e,” iluk, hundik-handik, anggikhi lagep meneat he, ebe hilingiti lagep lek andi. Andi nen he, Allah Areagun hinom hundik logolik fano hilingiti logoino o. A'nogo hilingiti logogun halok, hinobabut hinetogat logolik, yi mene ti mene hinamolo nen hilingiti lagep mene andi, hobuk a'nogo hilingiti logogun lego.

GALATIA 5:25

Mene re, yogondak Allah Areagun nenat ninobabut ket mene hilingisogo ninobagaikhemo nineluk logolik, aren yaganisikherek mene andi nek higithogo hilingiti logogun o.

EFESUS 1:1

Hit Allah againafuri o Efesus andogoti lagep mene hinendawinggen Kristus Yesus oba himbiret fuluk hinom hundik welagep mene, nerugwi nagaila'lak. An Paulus, Allah endawimo anggasikheba, at Kristus Yesus nen nayonggo fesikhesik laknobagai wagaikhe mene a'nogo nen wene yi lisu palogo hinoba lakfei wagi andi.