ROMA 7:8 - Allah Wene Fano Wene Hupla Inane

⁸ Andi nenat, wene Allah nen komotninafikhe wene andiba, weak mene nen he, an weak hilingisuageluk, ”Yi mene ti mene afuni inagarek mene, hendawimo nen, hamolo anggano,” iluk nendawimo kagalhi lagaikhe. Wene Allah nen komotninafi'le'ma andem he, weak hilingisugun iluk he, ninonggot welagagu.

ROMA 7:8 ပူးပေါင်းရင်းမြစ်များ

YOHANES 15:22

An wagagisik, wene mondogat andi it yagaisigi'lek logoilema re, it weak iluk wene inoba fuluk logoilep lek anggigi. Meneat he, yogondak, wene yagaisa wagi andi nen, iren an weak hilingiti'lek, iluk, wene inoba mene nonggologoin elo'legat aga o.

YOHANES 15:24

It afuni fenakwe nen hilingitarek mondok lek mene, yi wene ti wene ineilhanem hilingiti lagagi a'nogo hilingiti logoile le'ma re, it weak, iluk ile lego. A'nogo meneat he, an nen wene andi mondogat hilingitunem ineilenggen neasukwasigen, an neisena nemberek inabiret ninobagali'lagwi o.

ROMA 3:20

Wene Allah nen komotninafikhe wene andiba re, nit afuni weak hilingitorek mene fagikherek andi nen he, nit mondogaren wene aren komotninafikhe wene andi hologo logolik, at eilhanem higithogo hilingisugun elo'lego. Hologo hilingiti logoumo, aren hobuk ninom hunisogo ninobagau meneat he, elo'lego.

ROMA 4:15

Wene Allah nen komotninafikhe mene andiba re, Allah a'mage ninoba fikherek. Meneat he, wene komotninabilep le'ma re, wene sebelogo weak hilingiri'lagwi, iluk ilep legaro.

ROMA 5:20

Mene re, at ekhe weak hilingitikhesik oba Allah ane sebelogo weak hilingitarek mene enggin asuageluk, Allah nen wene komotninafikhe wene hobuk wo'nisasikhe. Weak hilingitarek andi wialarik lagu kwelegat he, Allah obabut fano nen endawitninaferek andi, yi mene ti mene oba heilarogo nenggarek hak, endawitninafunem hokhorogo wialarik lagarek andi.

ROMA 7:11

Allah nen komotninafikhe wene andiba re weak hilingitarek andi nendawimo kagalogo lalnafikhesik he, nebe noatikhe andi.

ROMA 7:13

Halok he, wene andi fano mondok isikhe mene andi nen an nebe wa'lagagi nogo? Mondok lego. Weak hilingitarek andi nen aro. Weak hilingitarek andi nen, fano mene andiba warogo nobagasikhemo re, enegat agaikhe. Wene Allah nen komotninafikhe andiba athe, inobabut weak hilingitarek andi mondok weak, iluk enegat hilinglagaikhe andi.

ROMA 7:17

An nobabut a'nogo hilingiti lagi andi re, an nen hilingiti lagi fuk. We, weak hilingitarek mene nendawimo logolik hilingiri'logo.

ROMA 7:9

An attak he, wene Allah nen komotninafikhe wene andi nonggot logolik he, neluk fano welagi hangge welagagi. Mene re, wene komotninafikhe wene a'nogo nelu agagisik oba nen he, weak hilingitarek andi mene omame agaikhemo,

1 KORINTUS 15:56

Wa'lagaikharek mene ero aigen libilninaferek andi ebe re, nit weak hilingitorek andiba aigen libilninafunem wa'lagorek andi aro. Nen, weak hilingitorek mene omame agaikhe andi ebe re, wene Allah nen komotninafikhe wene andiba omame agaikhe o.