Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROMA 7:7 - Allah Wene Fano Wene Hupla Inane

7 Andi halok he, niren ninggi'nogo ugun. Wene Allah nen komotninafikhe wene andi weak ugun nogo? Mondok lego. Mene re, wene a'nogo komotninafi'lek logoilepma re, weak hilingitarek andi ninggi'nogo heat, nonggorat logoile o. Allah nen wene komotninafikhe wene andiba ikhi logolik he, ”Afuni ekhe inagarek mene, Namolo e, iluk hinendawimo anggagubo,” iluk igi'lek logoilepma re, afuni ekhe inagarek mene, namolo e, anggigirek andi nonggorat logoile o.

အခန်းကိုကြည့်ပါ။ ကော်ပီ




ROMA 7:7
30 ပူးပေါင်းရင်းမြစ်များ  

A'nogo yagatikhemo, at he a'nogo nen e a'nogo eilenggen kwelakhasikhe re, fano mondok were'ma hasikhe. A'nogo hasikhesik, endawimo nen he, ”E ari enggen inendawinggen palu hak werek ari re, afuni inobabut hebelinabu hak higi,” iluk anggasikhesik, e enggen a'nogo palhikhesik he, nasikhesik, fena agun wogetikhemo nasikheat.


A'nogo logolik inenggi ekhe sambul he, at Daud linggene nogo isikhesik eluk agaikhesik he, awi wa'lengge awi wuri'mo obuluk liokse'ma andoma lagasikhesik yethasikhe re, he ekhe mondok fano mene kume watunem eilenggen yethasikhe.


Haren huli-huli warogo fesiginkwe omanogo an neilenggen hikhi lagimo re fano higirenek hilingik, oba nen he we Hat hawene melalek andi nek he mondogat langfangsek.


Afuni ekhe inawi wurik inom, inagagwi inom, inamingmingengge inom, inanggo inom, inangge yi mene ti mene inom, namolo e, iluk hinendawimo anggagubo,” iluk yagaisasikhe.


Iren inendawimo ebeti logolik, afuni nen yabu helagarek mene faget ebe'luk halok he, yabu a'nogoat teligik, nen o wurik faget inendawimo inamolo anggaluk halok he, o a'nogo tolulurogo kwi lagik, hilingitaresik he, o a'nogoba yi mene ti mene werek mene omanogo inom, afuni inebe inom, mondogat inenggi abisak helagarek andi.


Meneat he, an nen wene yi yagahisak. Ap sa nen, he ekhe eilenggen yethaluk endawimo nen he, ”Eige. An he andi pailak hilingi'le e,” iluk anggikhe halok, endawimo nen pailak eberogoat hiliingite o.


afuni hokhorogo omanogo mel yagaisasikhe: ”Afuni inagarek hokhorogo welagarek andiba ineluk welagaikharek lego. Yi mene ti mene an mene nek logoilep, iluk inendawimo anggikhi logoinogo iluk hinebe hebelogo logoino o,” iluk a'nogo yagaisasikhesik he,


At ebe wesimbik he, it andi inebe mondogat warogo wulakfisambik he, inobali'mo yabu anggur yabu a'nogo kagalek logouwageluk he, ap ekhe hunogoat mene menfisagain aro,” iluk yagaisasikhemo, it omanogo nen he: ”Eige! A'nogo hilingisigin lego!” iluk yagatukwama,


An nendawimo nen, hit hinagarek uang emas mene inom, perak mene inom, hinasu inom, namolo e, iluk ekhe anggigi'lek.


Wene andi komotninafi logolik he, mel isikhe: ”Pailak fakfisigik, it ekhe hilingisuageluk ugun lego. Afuni inebe inoasugun lego. Yogot wanugun lego. It ekhe inagarek mene hinendawimo nen he: Namolo e, iluk anggogoin lego,” iluk wene komotninafikhe andi inom, ekhe komotninafikhe mene inomat he, misigat lambukhogo wene esin hangge re, mel isikhe: ”Hit he, hinonggwarek hinebe hinendawinggen hundik welagep andi hak, it afuni ekhe hinom welagep mene andi, hinendawinggen hundik logoino o,” iluk isikhe andi.


Wene Allah nen komotninafikhe wene andiba re, nit afuni weak hilingitorek mene fagikherek andi nen he, nit mondogaren wene aren komotninafikhe wene andi hologo logolik, at eilhanem higithogo hilingisugun elo'lego. Hologo hilingiti logoumo, aren hobuk ninom hunisogo ninobagau meneat he, elo'lego.


Menere, nit afuni nen he, ninobabut weak hilingitorek andiba nen he, Allah obabut higithogo hilingiterek iluk enegat hilinglagu halok, ninggi'nogo ugun. Afuni nen agarek hak ekhe ik. At Allah a'mage lagaluk weagerinaferek andi weak nogo?


Halok he, nit afuni Yahudi mene nen ninomba Abraham obabut hilingiti lagaikhe mene faget abok ninggi'nogo ugun.


Wene Allah nen komotninafikhe mene andiba re, Allah a'mage ninoba fikherek. Meneat he, wene komotninabilep le'ma re, wene sebelogo weak hilingiri'lagwi, iluk ilep legaro.


Mene re, at ekhe weak hilingitikhesik oba Allah ane sebelogo weak hilingitarek mene enggin asuageluk, Allah nen wene komotninafikhe wene hobuk wo'nisasikhe. Weak hilingitarek andi wialarik lagu kwelegat he, Allah obabut fano nen endawitninaferek andi, yi mene ti mene oba heilarogo nenggarek hak, endawitninafunem hokhorogo wialarik lagarek andi.


Halok he, wene andi wurep oba re, ninggi'nogo ugun? Nit ninebe wene Allah nen komotninafikhe wene a'nogoba himbirik welago lek. We, Allah obabut fano nen endawitninaferek andi oba himbirik welago andi nen he, weak hilingiti logogun nogo? Mondok lego.


Allah nen komotninafikhe wene andiba re weak hilingitarek andi nendawimo kagalogo lalnafikhesik he, nebe noatikhe andi.


Halok he, wene andi fano mondok isikhe mene andi nen an nebe wa'lagagi nogo? Mondok lego. Weak hilingitarek andi nen aro. Weak hilingitarek andi nen, fano mene andiba warogo nobagasikhemo re, enegat agaikhe. Wene Allah nen komotninafikhe andiba athe, inobabut weak hilingitarek andi mondok weak, iluk enegat hilinglagaikhe andi.


Attak he, nit ninobabut he, afuni inobabut ninetogat welagagu. A'nogo logolik, wene Allah nen komotninafikhe wene a'nogo werek kwelek ninoba aigage lagagunem he, ninenggi nineisok ninebe mondogaren weak hilingitunem wurep oba re, mondok wa'laga lagagu andi.


Andi nenat, wene Allah nen komotninafikhe wene andiba, weak mene nen he, an weak hilingisuageluk, ”Yi mene ti mene afuni inagarek mene, hendawimo nen, hamolo anggano,” iluk nendawimo kagalhi lagaikhe. Wene Allah nen komotninafi'le'ma andem he, weak hilingisugun iluk he, ninonggot welagagu.


Wa'lagaikharek mene ero aigen libilninaferek andi ebe re, nit weak hilingitorek andiba aigen libilninafunem wa'lagorek andi aro. Nen, weak hilingitorek mene omame agaikhe andi ebe re, wene Allah nen komotninafikhe wene andiba omame agaikhe o.


Hinebe Allah againafuri logolik hinobabut hilingiti logou meneat higithogo hilingiti logogun. Halok he, pailak fakfisigik, inenggali lek weak hilingitik, ”Yi mene ti mene an enek wo'ne'lep,” iluk inendawimo nen anggigik, agarek andi mene, afuni ekhe nen he, ”It ekhe a'nogo weak hilingiri'lagwi,” iluk, hinabok weak sagerasinogo iluk, weak ekhe hilingitubo.


Afuni amu mene inangge inom, inawi inom, inanggweang inom, inagagwi inom, inamingmingengge inom, inanggo takhagarek mene inom wam keledai inom, yi mene ti mene fet taluk welagaikharek mene andoma inom, ’Namolo e, iluk u fugo.’


Andi nen he, hinobabut hinetogat logolik, hinendawimo nen yi namolo ti namolo anggikhi lagep mene andi mondogat watfisikhi logoino o. Hinobabut andi re, pailak hilingitarek mene andi inom, inendawimo nen namolo iluk anggagarek mene andi inom, inendawinggen nenggaresik inoba aigage lagaikherek andi inom, ineilenggen yerisaluk inendawimo nen namolo e anggagarek andi inom, tugwi kembuba himbirik hak, inendawimo nen: ”Yi mene ti mene an mene nek logoilep,” iluk anggagarek andi inom, hinobabut andi mene mondogat warogo herakfisikhi logoino o.


It afuni endakwe mene an nebe inonggot logolik inoba agasabu lagagunem hesangge hilingiri'lagwi andi hak, nit a'nogo hilingiti logogun lek.


Yi mene ti mene niren teli kogo mene omanogo anggele'ma nen he su jubah misik mondok fano mene o Babylonia mene nen itukwa mene ekhe higi, andi nen perak he dua kilogram hak inom, nen emas eil misik setengah kilogram hak inom higi. A'nogo higirik he, nendawinggen ninggemo re, an nen wanhirik he, nawi sabumo kweang a'ma andoma hinakfigi. Nen no perak he mondok fem a'ma hakhogo figimo werego.” iluk isikhe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ