ROMA 7:4 - Allah Wene Fano Wene Hupla Inane

⁴ Andi hak he, nerugwi nagaila'lak. Hit attak he, hemi inaguni inom hele homago hangge welagaikharek ogo andi hak, wene Allah nen komotninafikhe wene a'nogoba homago were'ma, at Kristus ebe watukwama wa'lagaikhe andi, hinomat wa'laga logolik, hele hangge homago welagagip mene andi arat fikhalagaikhe andi. Andi nen he, hemi inaguni wa'lagunem ekhe elok woginabugun andi hak, hit Allah faget fano hilingiti logouwageluk, at Yesus wa'lagaikhemo Allah nen eluget fesikhe mene a'nogo nen wokhinafikhemo welagebo.

ROMA 7:4 ပူးပေါင်းရင်းမြစ်များ

YESAYA 54:5

Hebe elalhafe mene andi re hagun higit asigin, Israel ineisena Allah amu horek mene andi re hagap telhafu mene asigin. Tuhan Omame Mondok Hokho mene iluk enure andi, At he Allah o kweangma yoma mondogat Enupogot welagarek mene.

YESAYA 62:5

Ap souge mene nen hele tugum mene ekhe helageluk hilingiterek hak, Elalhafe agun a'nogo nen hat hobaget agweap habigin, Ap agun ekhe nen agwe helugu mene a'nogo eilenggen haluk agaiyek hikherek hak, Allah nen hat hobaget agaiyek asigin.

MATIUS 26:26

At Yesus nen wene a'nogo yagaisasikhesik, sumburu ninggi logolik, roti mene enggim wanhikhesik he, Allah hai warogo, ebe kurogo it omanogo sumburisikhi logolik he, mel yagaisasikhe: ”Yi an nebe aro. Wanimbik he nani o,” iluk yagaisasikhesik,

MARKUS 4:20

Nen, awi feik ekhe kweang muli fanoma lakfesikhe andi ebe re, it afuni ekhe Allah ane andi inesanggo holiluk wanharesik he, wene andi inendawimo enggen iterego. Ero ekhe nen enggen 30 itik, ero ekhe nen enggen 60 itik, ero ekhe nen enggen 100 itik, iterek andi aro,” iluk yagaisasikhe.

YOHANES 15:8

Hit hinenggen hokhorogo isu hak fano mene hokhorogo hilingisugun halok, afuni nen an neisena fogerasugun o. Hit hinebe nagoromi ebe mene nane wanhi lagep mene logolik, a'nogoat hilingiti logogun o,” iluk yagaisasikhe.

YOHANES 3:29

Nen, ap ekhe agwe ikhikhe halok he, he andi ebe agun ap andi aro. Nen ap agwe ikhagain mene werek andi agailak ekhe era'lu mendek logolik, at ane ugunem esanggo hologo logolik endawimo nen agaiyek hikherek hak, an yogondak a'nogo nendawimo nagaiyek hokhorogo hikhi lagi o.

YOHANES 6:51

Sumburu inelugerinaferek mene pogoroba nen pi wagarek andi re, an nebe aro. Sumburu an nen wogisagain mene andi, ap sa nen nunggu halok, at ebe eluk mondok logogin o. Afuni kweangma mene ineluk logouwageluk an nebe it faget wa'lasigin andi, an nebeat wogisagain,” iluk yagaisasikhe.

ROMA 6:11

Andi hagat he, hit hinendawimo nen he, ”Weak hilingiti logogun mene faget waregat logolik, Kristus Yesus ninom hundik logolik he, Allah fagerat nineluk logogun,” iluk hinendawimo anggikhi logoino o.

ROMA 6:14

Hit he, wene Allah nen komotninafikhe wene a'nogo oba himbirik welagep lek. We, Allah obabut fano nen endawitninaferek mene andi oba himbirik welagep andi nen he, weak mene awe a'ma logogun lego.

ROMA 6:2

Mondok elo'lego. Nit weak hilingiti lagagu andi faget he, arat wa'lagagusigat he, hobuk weak hilingiti logogun nogo? Elo'lego.

ROMA 6:22

Mene re, hit weak hilingitu kwelek, weak mene nen fethinarek were'ma, Allah nen hele fikhalogo wulakhinobagasikhemo re, yogondak he at awe a'ma kuluk welagep andi. Logolik he, hinebe at faget fisaluk welagep andi mene helegebo. A'nogo logombik, wurep oba hineluk mondok logogun aro.

ROMA 7:3

He ekhe nen he, agun eluk werek kwelegat he, ap ekhe wanhe halok, afuni nen he, ”Pailagat wanhe o,” iluk abok weak ugun o. Mene re, agun ebe wa'laga halok he, wene Allah nen komotninafikhe wene andiba hele homago hak welagaikha a'nogo, arat fikhalaga iluk, ap ekhe elok wanugun aro. Wanhunem he, ”Pailak wanhe,” ugun lego.

ROMA 7:6

Attak he, wene Allah nen komotninafikhe wene a'nogoba hele warek hak welagagu mene, Kristus wa'laga logolik nit ninomat wa'lagagu andiba, Allah nen hele fikhalninafikhemo welago. Yogondak he, Allah amingmingengge logolik, wene aren komotninafikhe wene lisu palek mene nineilenggen enek kwelakhikhi logolik, hilingiti lagagu andi hak he, hilingiti lago lek. We, Allah Areagun en ninobabut ket mene hilingninafu kwelek, hilingiti lago.

ROMA 8:2

An attak he, weak hilingitaresik wurep oba inebe mondok wa'lagaikharek andi mene nen hele warogo hak fetnarek welagaikhe. A'nogo were'ma, hobuk Allah Areagun en Kristus Yesus ninom hunogo ninobagakhi logolik nineluget ninaferek mene a'nogo nen, hele fikhalogo nobagaikhemo welagi.

1 KORINTUS 10:16

Amusu ninggi logolik Allah hai warogo ninggi lago andi re, Kristus amep wulagaisogo watukwa andi ninom hundik welago iluk ninggi lago lek nogo? Nen, sumburu kurogo ninggi lago andi re, Kristus ebe ninom hundik logolik ninebe misigat welago, iluk, kurogo ninggi lago lek nogo?

2 KORINTUS 11:2

Helime yenggerugwi inobabut ap inom nogo igi'lek mene, inaguni inoba lombologo fisagarek hak, an nen he, hit Kristus oba lombologo hinobagagi meneat he, hiren ap hunogo mene ekhe lombolhep halok he, Allah a'mage lagagik, an na'mage lagagik u hagaro.

GALATIA 3:13

Allah aneba lisu palogo fikhi logolik he, mel isukwa: ”Inebe eba menfisaluk inoasumo, it inebe wa'lasugun mene andi, Allah nen homan inobagagin werego,” iluk, lisu palogo fesukwa hagat, wene Allah nen komotninafikhe wene andiba re, homan inoba feigiluk were'ma, at Kristus nen ninonggo palogo telninabigeluk wene nit ninoba mene korogo at oba fakhasikhe andi.

GALATIA 5:18

Allah Areagun en, ”Yi'nogo hilingi'no,” iluk, yagahisugunem hilingiti logogun halok, wene Allah nen komotninafikhe wene a'nogoba hobuk wene hinoba fagain lego.

EFESUS 2:15

At Kristus nen, ninunggul enu Yahudi mene inom, endakwe mene inom, pire andem welagaikhe meneat, at ninom hunogo misigat ninobagaluk ninunggulenu misigat ket mene lambulogo ninobagaigeluk he, wene Allah nen komorogo ”Yi'nogo hilingi'no, ti'nogo hilingi'no,” iluk yaganisasikhemo wene palek werek mene andi sebelfisikhi logolik, ninom hunogo ninobagasikhe andi.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

FILIPI 4:17

Mene re, a'nogo lebetniikhi lagep meneat he, laknobagai wagunem wanhu mene andi faget esinet fikhi lagi fuk. We, hit onggo hela hak he, Allah nen ebe mene wokhisugunem hit eisewerek asubagaigeluk esinet fikhi lagi o.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

KOLOSE 1:22

A'nogo meneat he, hit hinebe at Allah onggwarek faget fakhaluk, at eilhanem enekhogo wene hinoba legengge fano tegelek logouwageluk, amlogo ebe wa'lagaikhe andiba, onggwarek hinom lambulogo hinobagasikhemo welagep andi.

KOLOSE 2:14

Wene at Allah nen komotninafikhe wene a'nogo, niren herakfisaluk weak hilingitu mondok welagagu mene andi, palegengge ninoba welagarek andi hak yi wene ti wene enggin mene ninoba were'ma, Yesus ebe eba menfuluk wati logolik posiemanggen warogo fesukwa andiba, Allah nen wene andi wurep kobokhogo arat legetfesikhe.

KOLOSE 2:20

Hit Kristus hinom hundik logolik wa'lagagip andi nen, munggwarengge obabut weak mene kweangma yoma enggi fisogo welagarek mene a'nogo nen hinebe hele warogo fethinarek were'ma, Allah nen hele fikhalhinafikhe andi. Meneat he, hit hinobabut it ekhe kweangma inobabut inetogat logolik hilingitarek hagat hilingiti lagep andi nenahalok? It andi nen he, ”Yi mene ti mene ekhe hinenggi ninghogo fakfigik, uphogo fakhigik, ekhe enduk mikhigik, ugubo,” iluk komorinafunem nenahalok hologo hilingiti lagep?

IBRANI 10:10

Nen, at Yesus Kristus Allah endawimo amolo mene andi hilingiti logolik, at ebe misigam faget wa'laga logolik, Allah wogetikhe andiba, nit ninebe Allah faget mondok-mondok ninobagaikhemo welago.

1 PETRUS 2:24

Nit ninobabut weak hilingiti lagagu mene andi, afuni wa'la'luk yi mene ti mene hilingitarek lek andi hak, nit weak mene herakfisaluk, nineluk logolik Allah amolo mene hilingiti logouwageluk, nit weak hilingiti lagagu mene korogo, at Kristus oba fakhasikhemo, ebe eba menogo fuluk watukwa andi. At ebe hit faget oumo agambut telerogo watukwa andiba, hit fanothinafikhe andi.

WAHYU 19:7

A'nogo logolik, Domba Eak agwe ikhageluk awi arat wei ikhemo, at agwe a'nogo onggwaregen arat lombologo fakhikhemo andi nen he, ebe arat isigiluk logolik ninendawimo ninagaiyegen ninanggilukhogo at fogerati logouwogo.

WAHYU 21:9

A'nogo yaganetesi'mo nen ombo'ne re, Allah nen wurep kobokhogo afuni weagerinabuageluk, it malaikat inebe 7 nen Allah a'mage i hak hinago waluk kweisali wagaikha mene omanogo mene ekhe wagasik mel yaganete: ”Domba Eagen agwe ikhikhe mene andi ebe yagahesumo heilenggen yethanogen eme o,” iluk yaganete.