ROMA 7:18 - Allah Wene Fano Wene Hupla Inane

¹⁸ Higithogo hilingisigeluk namolo anggigirek meneat he, ebe an nen hilingisigin he, elo'lego. Andi re, an nobabut he, fano mene ekhe hilingitirek fuk. We, nobabut afuni inobabut mene netogat logolik hilingiti lagi, iluk nelu o.

ROMA 7:18 ပူးပေါင်းရင်းမြစ်များ

YOHANES 3:6

Nen, afuni nen taginaferek andi, afuni meneat ta'lagaikharego. Nen Allah Areagun en taginaferek andi, Allah Aregun nenat ket taginaferego.

AYUB 14:4

Afuni weak hilingitarek mene nen fano katokhogo ekhe hilingitarek nogo? Mondok elo'lego.

GALATIA 5:24

Ninebe Kristus Yesus agoromi mene halok ninobabut ninetogat logolik, yi mene ti mene ninamolo anggikhi lagagu mene andi, Kristus Yesus ebe eba menfuluk watukwa andiba warogo fesugu.

KEJADIAN 6:5

A'nogo logolik, afuni kweangma mene inobabut mondok weak, hundik-handik inendawimo weak mene nek ebetu were'ma Tuhan en eilenggen isasikhe.

TITUS 3:3

It a'nogo hilingiti logogun andi re, nit attak ninendawinggen lek ninobabut kembu hak, komore'legat nong-honghogo hilingiti logolik he, afuni inogogwi kaindek inawe a'ma welagaikharek hak, inoba aigage lagagik, inendawimo nen yi mene ti mene ninamolo anggigik, agarek andi mene awe a'ma hak welagagu. A'nogo logolik, it ekhe weagerinafik, wene palhik, it ekhe nit inabiretninobagagik, niren it ninabiret fisigik, ikhi lagagu.

ROMA 7:19

Fano mene hilingisigeluk anggigirek meneat he, ebe hilingiti lagi lek. We, weak mene hilingisigeluk anggigi'lek meneat he, andi meneat hilingiti lagi.

ROMA 7:15

Andi nen he, nendawimo nen: ”Yi mene ti mene fano mene hilingi'le,” iluk namolo anggigirek mene andi, ebe hilingitirek lek. Meneat he, nabit anggigirek mene andiat hilingitirek andi nen he, an hilingiti lagi mene andi futfigi'lek welagi o.

MATIUS 15:19

Inendawimo nen wene weak mene ebetik, afuni inoatik, hemi ap inagagwi mene pailak fakfisigik, helimenggerugwi pailak fakfisigik, yogot wanhik, ineranenat it ekhe wene inoba figik, inabok wiik-weakhogo palhik, agarek andi re, inendawimo nenat kagalogo lagai wagunem wulafarego.

KEJADIAN 8:21

A'nogo warogo noletikhemo amben fano mondok lagasikhemo re, Allah endawimo fano agaikhesik, yi'nogo anggasikhe: ”It afuni inobabut a'nogo hilingiti logogun andiba, An nen kweang andi hobuk homan fagain lego. It afuni andi inebe oan oba nen inobabut weak hilingisuogeluk ebeti logogun nelu meneat he, yogondak afuni inebe inom, yi mene ti mene eluk welagarek mene ekhe inom, legetfisigi andi hak hobuk legetfisagain mondok lego.

1 PETRUS 4:2

Andi nen hiren he, afuni yi mene ti mene inamolo nen inendawinggen en ninggerek andi mene herakfisaluk, huli yogondak huli nen he, hineluk logolik Allah endawimo amolo anggikherek mene andi higithogo hilingiti logoino o.

FILIPI 3:12

Menere, an yogondak ya, nendawinggen mondok wurik agik, ebe fano mene andi arat heligik, igi fuk. Oano. Fano mene andi an heloageluk, Yesus Kristus nen nebe wo'nafikhe andi nen, ebe hela lageluk nomamerogo hilingiti lagi.

LUKAS 11:13

Hit hinobabut weak hilingiti lagep meneat he, hinagainafuri andi fano mene wogisikhi lagep hinelumo re, fano meneat wogisikhi lagep andi. Andi hangge, hineisena Allah pogoroba mene yagati logolik, hareagun andi wo'nisan o, iluk, kino yagatep halok he, wokhisagain lek nogo? Wokhisagain aro,” iluk yagaisasikhe.

MAZMUR 119:176

An he domba longgo ikherek hak longgo igirik logolik, Hat hawene melalek a'nogo taganet figi'lek welagi andi nen he, Hat hebe we'luk an hamingmingengge yi herak nabime o.

MAZMUR 119:40

Haren wene tekhogo fesigin mene a'nogo nek hologo hilingiti logogin iluk nendawimo omamet figimo re, Haren neluk ket mene wo'nomo.

AYUB 25:4

At Allah eilhanem he afuni ekhe inaweak lek mene mondok fanorogo nek logou hak anggegen a?

ROMA 13:14

Hit hinobabut he, afuni inobabut inetogat logolik, yi wanile, ti wanile, iluk agarek andi hak hinendawimo kagalhi'lek he, we, sikhe sige wanharek hak, ninoe Enupogot Yesus Kristus obabut andiat wanino o.

ROMA 7:5

Attak he, nit ninobabut he, afuni inobabut ninetogat welagagu. A'nogo logolik, wene Allah nen komotninafikhe wene a'nogo werek kwelek ninoba aigage lagagunem he, ninenggi nineisok ninebe mondogaren weak hilingitunem wurep oba re, mondok wa'laga lagagu andi.

MAZMUR 119:173

An he Hat hawene melalek andi nek murok laga logogin iluk wenakhasigimo re, Hat hendawi fano nen an lebetniikhi logogin logouwak.

YESAYA 64:6

Nit afuni ninebe mondogat he emerek mene nek hilinglagosik welago andiba re, niren fano mene hilingiti lago meneba nen ogore mondok weak hilingi'mo elokhe mondok weagat andi. Engga puk agunem sogoien furogo waluk lagarek andi hak, nit ninobabut weak mene nek hilingitorek andiba ninebe mondok lek asugun andi.

MAZMUR 119:5

An nendawinggen hambukhogo logolik, Hat hawene melalek a'nogoba nek higithogo hilingirik laga logogin logouwak.

MAZMUR 119:32

Haren an wene ekhe inom futfouwageluk hilingnobagakhi lagenma re, nendawimo nagaiyek oba Hat hawene melalek a'nogo furogo hilingiti logogin.