ROMA 7:12 - Allah Wene Fano Wene Hupla Inane

¹² Wene Allah nen komotninafikhe wene andi re, Allah ane aro. ”Yi'nogo hilingisugun lek, ti'nogo hilingisugun lek,” iluk komotninafikhe wene andi ebe lombok he, at ane aro. Wene andi higit fano mondok isikhe uok.

ROMA 7:12 ပူးပေါင်းရင်းမြစ်များ

NEHEMIA 9:13

Hat hebe pogoroba nen tom Sinai ba pi wagagindik, hat honggwarek hagainafuri hane yagaisasigin andi. Yagaisikhi logolik, yi'nogo hilingiti logoino, ti'nogo hilingiti logoino, iluk higithogo komorinafik, hane eberogo mene yagaisigik, isigin mene andi re, oba tipsek logolik hilingiti logogun mene isigin andi.

MAZMUR 119:127

Haren wene yi'nogo hilingiti logoino ti'nogo hilingiti logoino iluk werek mene andoma re, emas we sebelek hak hilingik kwelek mondok lego werek, nen emas mondok wurik mene ogore sebelek enek, andi nen he an nen nendawirogo welagi.

MAZMUR 119:137

Tuhan neisena, Haren he mondok katokhogo nek hilingiti lagen, Hat hawene melalek andoma re tiphogo nek hilinglagarek.

MAZMUR 119:140

Haren wene watnisasigin mene andi re mondok omame hilingi'mo re andiba eberogoat anggogorek, an he mondok nendawi hundik welagi.

MAZMUR 119:172

Hat hawene melalek andi re eberogo mene hilingi'mo re, Haren wene watnisasigin mene andi faget an nen wuniba fogerati logogin.

MAZMUR 119:38

Haren wene warogo ap Hat hane hologo hilingitarek mene inoba wogisasigin mene a'nogore, an hamingmingengge yi noba nomamet nobagakhi logoin o.

MAZMUR 119:86

Hat Hawene melalek andi re herakfou mene ekhe werek lek, mondogat he oba tibet fuluk logou hak mene nek werek, wene ero lek kwelek oba nen we tulemat mu'niili'lagwi andi re lebetnabin o.

ROMA 12:2

Afuni yoma hilingiri'lagwi mene andi inobabut wanhubo. Hinobabut ket hunogoat hilinglasuageluk, at Allah nenat hinendawimo ket mene hilinghinafi logouwago. A'nogo hilinghinafi logoumo re, at endawimo nen: ”Yi'nogo hilingisuak, ti'nogo hilingisuak,” iluk anggikherek andi ebe hinelu asigin o. Fano mene ebe andi aro. At Allah endawimo fanorogo hilingitik, inendawinggen wurik agik, ikherek he, andi nen aro.

ROMA 3:31

Halok he, ninendawinggen at Yesus oba eberogoat himbiret fikhi logolik, wene Allah nen komotninafikhe wene a'nogo sebelhi lago he a? Lego. At ane andiat legeisogo fikhi lago.

ROMA 7:14

Wene komotninafikhe wene andi, Allah Areagun en yaganisasikhe iluk ninelu o. Mene re, an nobabut he, afuni inobabut hangge inetok welagi. Weak hilingitarek andi mene nen awe a'ma nobagaigeluk onggo palogo hak wo'nafikhemo welagi.

ROMA 7:16

An nendawimo nen namolo anggigirek mene lek. We, nabit anggigirek mene hilingiti lagi andi re, ”Wene Allah nen komotninafikhe wene andiat fano,” iluk u hagat hilingiti lagi o.

ULANGAN 10:12

A'nogo yagaisasikhesik ekhe mel yagaisasikhe: ”Hit afuni Israel mene nerugwi nagaila'lak. Yogondak nineisena Tuhan nen he, Hiren yi'nogo hilingiti logoino, iluk yagahisili'logo mene andiat hilingiti logoino o. Nineisena Tuhan Allah agaugweratik, Aren, Yi'nogo hilingi'no, ti'nogo hilingi'no, iluk komotninabi'logo wene andi mondok higithogoat hiligitik ikhi logolik, hinebe hinendawinggen hinobabut misigat a'luk, nineisena Tuhan hinendawinggen mondok hundik logolik At faget hilingiti logoino o.

ULANGAN 4:8

Nen, wene Allah nen komotninafikhe mene andi inom higit mene, yogondak an nen yagahisikhi lagi mene yi, afuni inunggulenu hokho o koma mene inawene yi emberek higit ekhe werek nogo? Mondok legaro.

1 TIMOTIUS 1:8

Wene Allah nen komotninafikhe wene andi, niren futfuluk, hilingisu higithogo hilingiti logogun halok, fano o, iluk, ninelu.