Allah nen wene helep oba lisu palhikhe andi herakfisogorek andiba, wene ninoba fakhaluk ninebe wa'lagorego. Mene re, attak wene andi wogisugunem he fogeratukwa. Helep andi at Musa nen waluk pi wagunem he, at elokhonggen amulit hokho mene lek agu kwelegat meneat he, it afuni Israel mene ineilenggen yetha siluk-pabuk isikhe. Wene lisu palek andi wogisugunem fogeratukwa andi hak, at Allah Areagun wo'nisugunem he, hokhorogoat fogerasuguno.
ROMA 7:10 - Allah Wene Fano Wene Hupla Inane10 an he, warek hangge hilinglagagi, Allah nen he neluk logouwageluk komotnafikhe meneat he, wene andiba re warek hangge welagagi andi. အခန်းကိုကြည့်ပါ။ |
ROMA 7:10
10 ပူးပေါင်းရင်းမြစ်များ
At Musa nen he, wene Allah nen komotninafikhe wene a'nogoba, Allah nen wene ninoba mene korogo wokhaluk hobuk ninambotkwe at ninom hunogo ninobagaikherek andi faget mel isikhe: ”Wene andi hologo logolik, higithogo hilingiti logogun mene halok hinebe lombok, wene andiba hineluk mondok logogun o,” iluk lisu palogo fesikhe.
Afuni nen, wene Allah nen komotninafikhe wene a'nogo fisogo welagaikharek andi, ero faget he, lisu yi'nogo palek werek: ”Wene andi hologo logolik, higithogo hilingiti logogun mene halok hinebe lombok, wene andiba hineluk mondok logogun o,” iluk isikhemo, lisu palogo fesukwa andi. Mene re, inendawinggen Allah oba himbiret fagarek andi, hunogo aro.
Oba nen he it alagendek mene andi nen ogo nane sagalhi logolik wene melalek taganhogo hilingitik, wene yi'nogo hilingi'no ti'nogo hilingi'no iluk yagaisasigi mene andi hologo hilingisugun halok he ineluk mondok logogun isigi mene a'nogo tiphogo hilingiti'legengge welagik, hilingiti lagaukwa. Nen iren he linggene sabat mene a'nogo inom emerogo fikhi lagaukwa. Andiba re o leimo ilingage pirimse'ma andoma nen An nen it inebe mondogat inoasigin iluk An nanini a'nogo fik foukhogo hilingfesigi.
Oba nen he o leimo ilinga pirimse'ma andoma nen ogore iren An nane sagalha. Iren An nawene melalek omanogo sagal figik, yi'nogo hilingi'no ti'nogo hilingi'no iluk An nen yagaisasigi mene omanogo hologo nek hilingitu mene re ineluk mondok logogun iluk yagaisasigi mene a'nogo sebelogo figik aga. Nen ekhere iren he inenggi Sabat mene a'nogo mondok emerogo faga. Andiba re o leimo ilingage pirimse'ma andoma nen he na'mage it inoba figirik inebe legetfisagain iluk wenggelogo fesigi.
ကြော်ငြာတွေ