ROMA 6:3 - Allah Wene Fano Wene Hupla Inane

³ Nit Kristus Yesus ninom hunesuogeluk ima pisugu mene halok at ebe wa'lagaikhe hagat, ima pelakninafunem ninom hundigat wa'lagagu, iluk hinonggot nogo?

ROMA 6:3 ပူးပေါင်းရင်းမြစ်များ

MATIUS 28:19

Halok he, yi afuni ti afuni inunggulenu lombok mondogaren An nagoromi hilinglasuageluk, neisena Allah enuba, An Amlogo nenuba, Areagun enuba, ninenu hombuk palogo ima pelaginafik, An nen wene komothinafi mene andi mondogat higithogo hilingiti logouwageluk yagaisigik, laga logoino. Yet hani! Hit a'nogo hilinginabik lagunem, An nebe ninom mondok-mondogat were'ma huli wurep oba hilinglasigin o,” iluk yagaisasikhe.

KISAH PARA RASUL 19:5

A'nogo yagaisasikhemo it inesanggo holhukwama re, ninoe Enupogot Yesus enu hombuk palogo hobuk ima pelaginafukwaat.

KISAH PARA RASUL 2:38

A'nogo yagaisasukwama, at Petrus nen he, ”Weak hilingiti lagep mene andi herakfisambik hinobabut hebela'ni o. A'nogo hebelasumo re, weak hilingiti lagep mene andi, Allah nen sebelogo legetfisoageluk hinebe lombok Yesus Kristus enu hombuk palogo ima pelakhinabumo re, Allah Areagun andi wokhisagain o.

ROMA 6:16

Hit he, ap ekhe amingmingengge a'luk he, ane holek logouwogeluk, awe a'ma kuluk logolik, at ane holhi lagep halok he, at amingmingengge meneat welago iluk hinonggot nogo? Weak hilingitarek mene andi awe a'ma kuluk he, wurep oba wa'lagaikharek andi. Meneat he, at Allah ane hologo logolik he, at awe a'ma kugunem, wurep oba aren wene ninoba mene korogo wokhaluk at ninom hobuk ninambotkwe hunogo ninobagaikherek andi.

ROMA 6:8

”Nit he, Kristus ninom hundigat wa'lagagu halok, ninom hundigat nineluk logogun o,” iluk ninendawinggen at oba himbirik welago.

ROMA 7:1

Nerugwi nagaila'lak. Allah nen he, ”Yi'nogo hilingi'no, ti'nogo hilingi'no,” iluk komotninafikhe wene andi, afuni inebe ineluk logolik hologo higithogo hilingitu lek halok wene inoba agarek. Mene re, inebe wa'lagu halok, wene inoba agarek lek iluk hinonggot nogo? Lego. Hinelu meneat yagahisikhi lagi o.

1 KORINTUS 10:2

Iren he, Musa ombo'ne nikhi logogun o, iluk ima pu hak he, ohena andi a'ma kwigik, i laut yenggelek andi obakhe tegetik, isukwa andi.

1 KORINTUS 12:13

Nit he, ninebe mondogat Yahudi mene inom, Yunani mene inom, inamingmingengge mene inom, inale'ma welagaikharek mene inom, at Kristus ebe misigat mene ninom hunesuageluk, at Areagun nen ima pela'ninafikhe andi. Nen, i elesi misigat mene nenggarek hak, at Areagun misigat mene ninendawimo fesikhe andi.

1 KORINTUS 15:29

Wene ekhe re, it afuni wa'lagaukwa mene hobuk inelugerinabigin mondok lek logoilepma re, it faget it ekhe ima pelaginafi lago andi re, ninggi'nogo hilingisugun anggegep? Nenahalok ima pelaginafi logogun.

1 KORINTUS 3:16

Nit ninebe Allah awi wurigat, iluk he, hinonggot nogo? Allah Areagun ninendawimo awi wurogo welagarek, iluk he, hinonggorat nogo?

1 KORINTUS 5:6

Afuni nen inane lagakhogo ikhi logolik, ”Enggen sumburu roti mene fisuageluk elonggoma pelafarek mene endebat elonggoma pelabumo nen, roti ebe mondogat fiterego,” iluk agarek a'nogo hinonggot nogo? Hinelu logolik fogerakhikhi lagep andi fano fuk. Weago.

1 KORINTUS 6:19

Hiren he, ”Allah nen, Areagun wo'nisasikhemo, ninebe at awi wurik welago,” iluk he, hinonggot nogo? Hinebe hinonggwarek eisewerek fuk. Allah eisewerego.

1 KORINTUS 6:9

Afuni weak hilingiri'lagwi mene Allah awe a'ma fisikhere'ma andi eisewerek asugun lego, iluk he, hinonggot nogo? Hinonggwaregen lalagubo. Pailak fakfisagarek mene inom, tugwi kembu oba himbirik logolik fogeratarek mene inom, ap inagagwi mene pailak fakfisagarek mene inom, aben hemi fakfisagarek hak it ap-ap fakfisagarek mene inom,

1 KORINTUS 9:13

It ap Allah awi wurik eisewerek logolik yabu andoma hilingiti logolik, inamburu re, Allah aiba mene nenggarek iluk he, hinonggot nogo? Nen, Allah anggo ware'luk endu noletarek oba noleti logolik a'nogoat fena kurogo it nenggarek iluk he, hinonggot nogo?

1 KORINTUS 9:24

Sa awewerek-sa awewerek louwogeluk he, inebe logoin mene andi, inebe mondogat lagaikharek meneat he, misik agun tak lagunem onggo fano mene wogotarek iluk hinonggot nogo? Andi hagat, onggo fano mene wokhisoageluk he, fungusek hinomamerogo laga logoino o.

2 KORINTUS 13:5

Hiren he, ”Nit ninendawinggen Kristus oba himbiret fesugu a'nogo himbirigat welago a? Lega,” iluk hinonggwaregen hinobabut furogo palano. A'nogo palikhi logolik, elo'lek hilinglagi'lek halok, ”Yesus Kristus ninendawimo werek,” iluk enegat hogoin o.

GALATIA 3:27

Nen, Kristus hinom hunesuogeluk ima pisigip mene hinebe mondogat, su labetarek hak Kristus obabut wanhigip andi.

YAKOBUS 4:4

Hemi nen inaguni ineil salharek andi hak, Allah eil salogo hilingiti lagep andi re? Afuni kweangma mene yoma inobabut inetogat logolik hilingiri'lagwi mene andi hinom hundik welagep halok, Allah hinom weim palek hanggeat welagep andi, hinonggot nogo? Hit ekhe nen afuni kweangma yoma mene inobabut inetogat logolik hilingiri'lagwi mene andi hinom hunisuogeluk ikhi lagep halok he, hinonggwaregen at Allah hinom weim kagalhi lagebo.

1 PETRUS 3:21

It iba telinafikhe andi walse'ma, nit yogondak ima pogorek andiba telninaferego. Iba telninaferek andi re, ima pelakninafunem ninagap i andiba sobalagarek andiba telninaferek fuk. Athe, ninendawinggen oba nen wene ninoba selek asuageluk Allah ayonggo fugunem, Yesus Kristus wa'lagaikhesik eluk agaikhe andiba telninaferego.