Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROMA 5:1 - Allah Wene Fano Wene Hupla Inane

1 Yogondak he, nit ninendawinggen Allah oba himbiret fesugu andi nen, wene ninoba mene korogo wokhaluk ninom ninambotkwe hunogo ninobagaikhemo, ninoe Enupogot Yesus Kristus nen hilingitikhe andiba Allah ninom lambulogo fano liokhogo welago.

အခန်းကိုကြည့်ပါ။ ကော်ပီ




ROMA 5:1
53 ပူးပေါင်းရင်းမြစ်များ  

Ap ekhe kweangma ineluk wela'luk wa'lasugun halok, Aren at onggwarek eisok erokwe mene faget ninggi'nogoluk inoba eberek logou hak nogo?


Afuni Yerusalem mene, fano liokhogo logouwagaluk, niren Allah ayonggo fikhi logouwok, ”It afuni o yiba inendawinggen hundik werek mene halok he, inawene legengge fano mondok logouwago.


Oba nen he An nagainafuri it inaselei mene omanogo nen An telinabuageluk noba wagu halok he, it andi An ninom lambulasuogen iluk wesuago, io wesuago!” ikhi logogin.


Afuni inebe lombogen he, eberogo mene nek hilingirik lagunem he, inenggi mondok-mondok andomaba fano liokhogo mondok welagik, inagaiyekhogo nek welagik, ikhi logogun.


Afuni o andoma werek mene inebe mondogat he An nen yanggulinafu mene asugun, It he inangge yi mene ti mene weregenek logolik mondok fanorogo logogun.


Hit he, o Babel herakfuluk hinendawimo hinagaiyek oba hinagap telogo wokhinarek wulibugun. Tom inom punu inom he inagaiyegen inanggilukhogo hilingiti logogun, e yabukwe wulibik mene re inenggi tabeti logogun.


Ebereogo nen he, it weak hilingiri'lagwi mene andi fano asugun lek. Oba nen he, it ekhe Allah endawimo anggikherek mene andi higithogo hilingiri'lagwi mene nek he, inendawinggen Allah oba himbiret fuluk logogun andiba, ineluk mondok logogun o,” iluk yaganete.


Aren athe An Nawi andi wusimbik ap raja legeisogo fisagarek hakhogo at a'nogo legeisogo foumo re, aren afuni at againafuri mene melalinafu logogin o. Nen, ap imam misik ekhe re at inom lebet-lebet hilingiti logolik, it inebe re emberek seberogo nek yabu hilingitu logogun,’ iluk yaganete.


A'mit suphogo pikhi logolik mel isukwa: ”Allah nen ninoe kain Enupogot lakhobagai wagama wagen yi, arenat fanothabuago! It pogoroba welagaikharek mene andoma inendawinggen hambukhogo logouwago. Nen, Allah esin pogoroba welagarek mene fogerati logouwogo,” iluk a'nogo ilik-ilik pisukwa.


Obaget le aga logolik he, mel isikhe: ”Hit afuni o Yerusalem mene andi, hinendawimo nen, nit fano liokhogo logouwogen yi'nogo hilingisuok, iluk yogondak yaat hinendawimo ebesuem ebeti'lek welagep andi, eige! Nendawilage! Mene re, yogondak wene andi hit hineilmo hinago weregen futfigi'lek welagep andi.


”It pogot abel ponggweba welagaikharek mene nen he, nineisena Allah andiat fogerati logouwogo. Nen, it afuni kweangma yoma inebe Allah oba liok ikherek mene re inendawinggen hambukhogo logouwago,” iluk isukwa.


Halok, hit hinendawinggen hambukhogo logouwageluk an nendawinggen hambukhogo welagirek mene wokhisaluk lagain o. Andi re, afuni kweangma mene nen wogisagarek hak wokhisagain lek andi nen he, hinendawinggen fiti logolik hinailo agubo.


ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.


A'nogo meneat he, lisu palek werek yi mondogat he, hiren he, Yesus andi Allah amlogo, nit afuni telninabuageluk wenagaisogo lakfei wagaikhe a'nogo eberogoat iluk futfuluk hinendawinggen at oba eberogoat himbiret fuluk At enu hombuk palhunem hineluk mondok logobagaigeniluk lisu palogo figi o.


”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.


Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.


Allah nen mel isikhemo lisu palogo fesukwa mene werek: ”Hinendawinggen an noba himbirik logogun andiba, an nen wene hinoba werek mene a'nogo korogo wokhambik, ninom hobuk hinambotkwe hunogo hinobagagin mene halok hineluk mondok logogun o,” iluk isikhemo lisu palogo fesukwa hagat, Allah ninom hobuk ninambotkwe yi'nogo hunetlasugun, iluk, fano wene andiba sele'matfesikhe. Allah ninom hobuk ninambotkwe hunetlasugun wene andi ebe re, hunogoat mene ekhe hilingisugun oba nen fuk. We, ninendawinggen at oba eberogoat himbiret fuluk eroba nen pikhit huli erembul oba logogun andiba, Allah ninom hobuk ninambotkwe hunetlasimbik logogun o.


Hinebe At onggwarek faget fakhaluk logouwageluk hinayonggo fesikhemo welagebo. Andi halok, an nen wene lisu palogo hinoba lakfei waga logolik, Nineisena Allah inom, ninoe Enupogot Yesus Kristus inom, emberek inobabut fano a'nogo nen fano mene wokhisigik, hinendawinggen hambugethinafik ikhi logouwago, igi andi.


Afuni inendawinggen Allah oba himbiret fugunem he, aren wene inoba mene korogo wokhaluk, hobuk inambotkwe at inom hunogo fisikherek. Nen, inambeba nen, at abok fakhogo ugunem he, telinaferek andi.


”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.


Allah nen afuni inendawinggen hambuget fikherek mene a'nogo, hit mondogat fethinarek logouwageluk, ikhi logolik, ”Ebe asuak,” u hak, ”Amin,” iluk igi andi.


At Allah ebe misigat andi nen he, nit afuni ninagap ninenggalimo mene palek mene ninendawinggen at oba himbiret fugunem he, wene ninoba mene korogo wokhaluk at ninom ninambotkwe hunogo ninobagagik, nen it afuni inagap inenggalimo mene a'nogo pale'lek mene inendawinggen at oba himbiret fugunem he, a'nogoat fisigik, hilingiterego.


A'nogo meneat he, afuni ekhe nen Allah endawimo fanorogo yi mene ti mene hilingiti'lek logoligat, inendawimo nen he, ”It afuni ekhe nen Allah ebe inendawimo sebelfikhi lagaikha meneat he, aren he, it wene inoba mene elok korogo legetfisaluk hobuk inambotkwe at inom hunogo fisikherek,” iluk inendawinggen at oba himbiret fugunem he, aren he: ”Hinobabut higithogo hilingiti logou hak, hinendawinggen an noba himbiret fegepma wene hinoba mene korogo wokhigirik, hinambotkwe ninom hunogo hinobagagi andi aro,” iluk yagaisikheregat.


Mene re, andi nek fuk. Ninoe Enupogot Yesus Kristus hilingitikhe andiba, Allah ninom hobuk ninambotkwe hunogo ninobagasikhemo ninom fano welago andi nen he, ninendawimo ninagaiyek hikhi lago.


Wene igi andi re, mel igi anggigi. Ap ekhe nen Allah ane sebelogo weak misigamat hilingitikheba, wurep oba re, afuni mondogat wene inoba fesikhesik weagetfisasikhe andi hak, ap ekhe nen Allah ane hologo higithogo misigam faget hilingitikheba, wene afuni mondogat inoba mene korogo wokhigik, inelugerinafik, isikhe.


Weak hilingitarek andi onggo re, wa'lagaikharek andi. Nen, ninoe Enupogot Yesus Kristus ninom hundik were'ma re, Allah obabut fano nen onggo legat nineluk mondok logouwageluk hilingninaferek andi.


Andi halok he, niren ninggi'nogo ugun? Mel ugun. It afuni endakwe mene nen wene inoba mene Allah nen korogo wokhaluk, inambotkwe inom hunogo inobagauwageluk hilingisugun mene ekhe ninghogo hilingiti'lek. Meneat he, inendawinggen Yesus oba himbiret fesukwama re, Allah nen wene inoba mene korogo wokhaluk, hobuk inambotkwe inom hunogo fisasikhe.


Mene re, afuni wene Allah nen komotninafikhe wene a'nogo higithogo hilingitunem he, Allah nen wene inoba mene korogo wokhilik inom hobuk inambotkwe hunogo fisikherek lek. We, inendawinggen Yesus Kristus oba himbiret fugunem enek, hunogo fisikherek iluk hineluaro. Wene andi faget, Allah aneba lisu mel iluk palek werek: ”Afuni ekhe nen higithogo hilingitunem, wene inoba mene korogo wokhilik, inom hobuk inambotkwe hunogo fisikherek lek,” iluk lisu palogo fesukwa andi nen, niren wene Allah nen komotninafikhe wene a'nogo higithogo hilingitunem fuk. We, ninendawinggen Kristus oba himbiret fugunem wene ninoba mene korogo wokhaluk, at ninom ninambotkwe hunogo ninobagauwageluk ninendawinggen Kristus Yesus oba himbiret fesugu andi.


Mene re, yogondak ninendawinggen Yesus oba himbiret fogoin arat higit asi wagaikhemo andi nen he, wene komotninafikhe wene andi nen hobuk fetninarek werek lek.


Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,


At Allah a'nogo hilingitikhe andi re, o hobuk logogun andem oba logolik afuni nen he, ”Allah obabut fano mondogen endawitninafikhe,” iluk enegat futfikhi logouwageluk telninafikhe andi, ebe re, Kristus Yesus nenat telninafikhe.


Yi mene ti mene kweangma mene inom, pogoroba mene inom, mondogat Allah inom weak agaukwasik, weim palek hangge were'ma, at Allah onggwarek inom lambulogo fisasikhe andi ebere, Yesus eba menfuluk watukwama amep wulagaisogo wa'lagaikhe andiba lambulogo fisasikhe andi.


At Allah nen Kristus ebe misigat mene hinom lambulogo hundik logobagaigeluk hinayonggo fesikhe andi nen, yi mene ti mene faget hilingisuogeluk hinendawimo nen he: ”Kristus nen ninom lambulogo ninobagasikhemo welago,” iluk, wene andiat esinet fikhi logolik he, higithogo hilingiti logoino o. A'nogo hilingiti logolik, Allah ebe hai wati logoino o.


A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.


Ninoe Enupogot ninendawinggen hambuget ninaferek mene a'nogo onggwaregen yi mene ti mene faget hinendawinggen hambuget hinafu mondok logolik he, hinebe mondogat fethinarek logouwago.


Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ