ROMA 4:9 - Allah Wene Fano Wene Hupla Inane

⁹ ”Inendawimo inagaiyek anggoago,” iluk isikhe andi re, it afuni inagap inenggalimo mene palek mene faget enek isikhe a? Athe, it inagap inenggalimo mene pale'lek mene faget inomat isikhe a. Attak wene yi'nogo ogo anggigi: Abraham endawinggen Allah oba himbiret fesikhemo re, aren he: ”Hat hobabut higithogo hilingiti lagen hak, hendawinggen noba himbiret fegenma re, wene hoba mene korogo wokhigirik, hambotkwe nemberek hunogo hobagagi andi aro,” iluk yagatikhe.

ROMA 4:9 ပူးပေါင်းရင်းမြစ်များ

KEJADIAN 15:6

A'nogo yagatikhemo re, at Abram endawinggen Tuhan oba himbiretfesikhe andi nen, At Tuhan nen he, ”Hat hobabut higithogo hilingiti lagen hak, hendawinggen An noba eberogoat himbiret fegen andiba, wene hoba mene korogo wokhigirik, hambotkwe hunogo hobagagi andi aro,” iluk wanhikhe.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

ROMA 4:10

A'nogo yagatikhe andi re, at Abraham ebe ninggi'nogo were'ma. Agap enggalimo mene palek oba a? Athe, pale'lek oba a. Andi re, agap enggalimo mene palek oba lek. Oan pale'lek oba aro.

ROMA 4:3

Allah ane lisu palogo fesukwa andiba ninggi'nogo isukwa nogo. Mel isukwa lek nogo? Abraham endawinggen Allah oba himbiret fesikhemo re, at Allah nen he: ”Hat hobabut higithogo hilingiti lagen hak, hendawinggen noba eberogoat himbiret fegenma, wene hoba mene korogo wokhigirik, hambotkwe nemberek hunogo hobagagi andi aro,” iluk yagatikhemo, lisu palogo fesukwa.

GALATIA 3:14

At Allah nen he, Abraham fanot fesikhe hak, yi afuni ti afuni mondogat Kristus Yesus inom hunetunem fanorinabuageluk, Yesus wa'lagaikhe andi. At a'nogo wa'lagaikhesik oba nen, Allah Areagun wokhisagain iluk abok tak yaganisasikhe a'nogo, ninendawinggen At oba himbiret fugunem wo'nisikherek andi.

EFESUS 3:8

Allah againafuri mene mondogat inenuwerek werek kwelegat he, an nenu lek, elo'lek mene, at Allah obabut fano nen, fano wene pilingisogo u elo'lek mene, Kristus nen wogisikherek a'nogo afuni endakwe mene yagaisilik nikhi logouwageluk nayonggo fesikhesik neabu andi wo'netikhemo welagi.

KOLOSE 3:11

A'nogo hilinghinafunem he ninebe mondogat ninoe Enupogot Kristus alegatma andi nen ninebe mondogat at ninom hundik welago andi nen, inunggulenu Yunani mene igik, Yahuri mene igik, agarek andi inom, inagap inenggalimo mene palek mene igik, palek lek mene igik, agarek andi inom, inane unggut palek mene igik, inebe Yali-Somagai mene igik, agarek andi inom, inamingmingengge mene igik, inale'ma mene igik, agarek andi inom, ikhi logogun lek mene welagep andi.