ROMA 4:5 - Allah Wene Fano Wene Hupla Inane

⁵ A'nogo meneat he, afuni ekhe nen Allah endawimo fanorogo yi mene ti mene hilingiti'lek logoligat, inendawimo nen he, ”It afuni ekhe nen Allah ebe inendawimo sebelfikhi lagaikha meneat he, aren he, it wene inoba mene elok korogo legetfisaluk hobuk inambotkwe at inom hunogo fisikherek,” iluk inendawinggen at oba himbiret fugunem he, aren he: ”Hinobabut higithogo hilingiti logou hak, hinendawinggen an noba himbiret fegepma wene hinoba mene korogo wokhigirik, hinambotkwe ninom hunogo hinobagagi andi aro,” iluk yagaisikheregat.

ROMA 4:5 ပူးပေါင်းရင်းမြစ်များ

HABAKUK 2:4

Ebereogo nen he, it weak hilingiri'lagwi mene andi fano asugun lek. Oba nen he, it ekhe Allah endawimo anggikherek mene andi higithogo hilingiri'lagwi mene nek he, inendawinggen Allah oba himbiret fuluk logogun andiba, ineluk mondok logogun o,” iluk yaganete.

MARKUS 9:23

A'nogo yagatikhemo re, at Yesus nen he, mel yagatikhe: ”Haren he, elok hilingisigin halok he, hilingisin, iluk yaganeten andi nenahalok. Afuni inendawinggen Allah oba eberogo himbiret fuluk yi mene ti mene elok hilingisigin enego,” iluk yagatikhemo,

YOHANES 5:24

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

YOHANES 6:29

at Yesus nen he, mel yagaisasikhe: ”Allah endawimo anggikherek mene hiren hilingisugun andi ebe re yi. Hinendawinggen an Allah nen laknobagai wagaikhemo wagagi mene yi noba himbiret fogoin andi aro,” iluk yagaisasikhemo.

ROMA 10:3

It he, Allah nen wene inoba mene korogo wokhaluk hobuk inambotkwe inom hunogo inobagauwageluk, at awe a'ma kuluk logolik hilingisugun mene inonggoren hilingiti'lek welagaukwa. We, inonggwarek inendawimo nen anggaluk inomamerogo hilingiti lagaukwa andi.

ROMA 4:24

Nit faget inomat yaganisasikhe o. Halok, nit ogo re, ninendawinggen nineisena Allah ninoe Enupogot Yesus wa'lagaikhesi'mo nen eluget fesikhe mene a'nogo oba himbiret fogorek andi nen, aren he, ”Hinobabut higithogo hilingiti lagep hak, hinendawinggen noba himbiret fegepma, wene hinoba mene korogo wokhigirik hinambotkwe ninom hunogo hinobagagi andi aro,” iluk yaganisikheregat.

ROMA 4:3

Allah ane lisu palogo fesukwa andiba ninggi'nogo isukwa nogo. Mel isukwa lek nogo? Abraham endawinggen Allah oba himbiret fesikhemo re, at Allah nen he: ”Hat hobabut higithogo hilingiti lagen hak, hendawinggen noba eberogoat himbiret fegenma, wene hoba mene korogo wokhigirik, hambotkwe nemberek hunogo hobagagi andi aro,” iluk yagatikhemo, lisu palogo fesukwa.

ROMA 4:6

At Allah nen a'nogo hilinginaferek iluk, at Daud en mel isikhe: ”Afuni nen he, Allah endawimo fanorogo ekhe hilingiti'le'maat he, wene inoba mene korogo wokhaluk, inom inambotkwe hunogo fisikherek, iluk, inendawimo inagaiyek anggoago,” iluk isikhesik lisu mel iluk palogo fesikhe:

YOSUA 24:2

Wagaukwama, at Yosua nen it mondogat mel yagaisasikhe: ”Nit afuni Israel mene nineisena Tuhan nen ikhe mene andi, hit hinesanggo fanorogo holino o. At nineisena Allah nen he mel yagahisikhe: Attagat hit hinombalak welagaukwa andem oba re, it inebe o i Efrat aik eliba andoma logolik, hunogoat mene faget, Nineisena ebe yiaro, iluk oba himbirik logolik fogerati lagaukwa. It ap andoma mene ekhe re, Abraham agot Nahor emberek ineisena enu Terah andi.