ROMA 2:5 - Allah Wene Fano Wene Hupla Inane

^5-6 Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

ROMA 2:5 ပူးပေါင်းရင်းမြစ်များ

2 TAWARIKH 30:8

Enggere iren inunggul oak helep a'luk hilingiti lagaukwa andi hakhogo hilingitu aple herakfuluk he, Tuhan ane hologo nek hilingiti logogun nen he, At along werek mene andi endep liok uakhogo re, At oba wene kabogesuogen we'ni o. O Yerusalem Tuhan Awi wuri'mo, At Tuhan Allah onggwaregen wene mondok-mondok logogin mene faget enogo fakhasikheba omanogo we'no o.

2 TAWARIKH 36:13

At raja Nebukadnezar en Zedekia ba limiti logolik he, ”Hat hoba tiphogo hilingiti logogin, iluk Allah enuba hombuk palin o,” iluk yagatikhe. Oba nen he at Zedekia nen he Nebukadnezar ane oak sagal fuluk hilingiti lagaikhe. At Zedekia nen ogore aweak omanogo herakfuluk ambotkwe sugulogo Tuhan ambit wagi'lek enggere, aren afuni Israel mene ineisena Tuhan Allah a'nogoba wesu re mondok elo'legat welagaikhe.

AYUB 21:30

Iren ikhi logolik he, ”At Allah nen unggum inoba fagain sambul andi re ap kwanirogo hilingitarek mene re mondogat inagap telinabigin.” ikhi lagep.

MAZMUR 110:5

At Tuhan hat henggi ebekwe were'ma, At a'mage lagagunem he it raja-raja omanogo mabenet fisikhi logogin.

MAZMUR 95:8

inungguloak haro logolik Allah ane ninabit iluk, Allah obaharo asuageluk hundik-handik obabut palhi lagaukwa hak he, yogondak Allah nen wene yagahisugunem laga logolik he: ”Ninabit iluk hinendawinggen omame aguba.”

KELUARAN 14:17

An nen afuni Mesir mene inendawinggen helep hangge hilingisogo fisamo re, mukhinarek mondok wagunem An nomame raja Mesir mene ebe inom, agoromi inom, tentara esa logalek inom, inangge kuda inom, ap kereta waluk wesugun mene inom, inugisikhi logolik ekhe hilinginabigin werego.

KELUARAN 32:34

It andi o An nen yagahetiba omanogo woginarek lanogen he, pin o. An nagot malaikat mene nen wokhinarek lagain o. A'nogo meneat he, it afuni weak hilingita mene andi unggum inoba fagain weregaro,” iluk yagatikhe.

KELUARAN 8:15

Yagaise a'nogo wa'lagaikhemo, at raja eilenggen hasikhe meneat he, endawinggen mondok haro agaikhesik, At Tuhan nen isikhe higithogoat Musa Harun emberek ugunem inane hologo hilingiti'lek herakfisasikhe.

AMSAL 1:18

Meneat he, it afuni inobabut weak enek hilingitarek mene andi re sue heleba ke'nok ikherek andi hak, inobabut a'nogo hilingitarek andibaat inebe inonggwaregen alomat lakhogoin o.

AMSAL 11:4

Wa'lasugun mene arat horogasi wagunem inangge yi mene ti mene logogin mene mondogat legasigin, hendawinggen fano higithogo hilingiti logogin andiba nek he hagap telek logogin.

AMSAL 28:14

Hineisena Tuhan legeisogo fikhi logogun halok, ambisangma fano logogun. Nen haren At ane oak sagaligin halok, hat hebe alomat lasigin.

AMSAL 29:1

Ap ekhe hundik komotu werek kwelek oba nen ap ane sagalhu mondok werek halok, misik sambul ekhe alperelogo foumo, hobuk obabut hebelasigin mondok lek.

PENGKHOTBAH 12:14

Nit mondogaren hilingiti lago mene andoma At Allah nen ayo wurogo pilingninabigin, Wene weak mene inom fano mene inom andi nen hinago werek mene andoma mondogat ayo wusigin.

YESAYA 48:4

Hat hendawinggen seramsek logolik, hungguloak haro helep higit welagen andi re An nelu o.

YEREMIA 40:3

A'nogo isikhe mene a'nogo re Aren he hat hunggulenu mene weak hilingiti logolik At ane hologo hilingiti lagaukwa le'ma re yogondak hilingite ari o.

YEHEZKIEL 11:19

It he an nen inendawinggen ket mene inom, inobabut ket mene inom hilingfisambik, inungguloak helep hangge werek mene andi re, An nen waganogo wanimbik obali'mo An nane hologo hilingitarek mene wogisagain.

YEHEZKIEL 3:7

Oba nen unggulenu Israel mene andi re hat hane igin menere holugun mondok lek a'naga o. An nane ogo furogo holi'lagwi legaro, it he inungguloak helep hangge logolik nane sagalharek inap werego.

DANIEL 5:20

A'nogo meneat he, at onggwaregen, An elok, iluk foget fakhiki logolik, ungguloak helep mondok hilingitik, afuni inoba wiik-weakhogo hilinginafik, ugunem, Allah nen he, Hat henupogot logogin lek, iluk futfesikhesik, afuni inalilingge korogo wokhagarek andi hak, at enu laga lagaikhe mene a'nogo oba nen korogo wokhasikhe aro.

HOSEA 13:12

A'nogo yagaisasikhesik hobuk At Tuhan nen mel isikhe: ”Afuni Israel mene nen weak hilingitarek mene inom, nalek-falek hilingitarek mene inom mondogat lisu palogo werego, nen lisu palek andoma re abolo'lek werek.

AMOS 3:10

Tuhan nen a'nogo ikhesik, ekhe mel ikheat: ”Afuni Samaria mene nen he, inawi fano mondok wuri'mo andoma yi mene ti mene weak hilinginafi logolik, telogo heligik, hugulengge wanhik, aga mene omanogoba mondok peterogo fakhaluk werego. A'nogo logolik, inobabut higithogo hilingitu aplere mondok inonggot werek.

ROMA 1:18

Afuni nen he, Allah ebe inobakhe nene herakfisaluk, inobabut weagat hilingiti logolik, ebe wene afuni ekhe inelu asinogo iluk sebeli'lagwi andi nen he, Allah a'mage lagasikhesik pogoroba nen sele'matfesikhe.

ROMA 11:25

Nerugwi nagaila'lak. Wene Allah endawimo welagarek wene yi hinonggot logogun andi, an nabit. Hit hinonggwaregen he: ”Nit wene ninelu o,” iluk fogerakhegep hanogo iluk he, wene yi yagahisak. It afuni Israel mene ekhe inendawinggen ningsek andi re, elama fagerat werego. Nen, hobuk it afuni endakwe mene kwi wesugun mene huli elok kwi wagaikha halok he,

ROMA 9:22

Andi hak, at Allah endawimo anggikhi logolik he: ”Afuni an nen elalinafigi meneat he, it ekhe na'mage liabi'lagwi andi nen, weagerinabigeluk, na'mage lagaikhe mene andi, iren nobabut palhik, nomame werek mene andi inelu agik, uago,” iluk afe morogo welagarek.

ULANGAN 2:30

A'nogo lakfesigiba nen he, Tuhan Allah nen ap a'nogo endawinggen omamet fesikhemo Raja Sihon mene a'nogo nen at aiba kweang kwe loak anggasikhe lek. Andiba nen nit nina'mage lagasikhe a'nogoba at omame leget fesugusik kweang he huli yogondak oba nen nit sebelek welago ari.

ULANGAN 32:34

Nineisena Enupogot, againafuri inaselei mene nen, hilinginafa mene andi, endawimo eberek mondok werek, A'nogo eberek logombik, o higit asigin oba, wene inoba fagain werek.

2 TESALONIKA 1:5

Allah nen afuni wene inoba figik kotik higithogoat ikherek iluk enegat asigin. Hit yogondak Allah awe a'ma kuluk ane hologo welagep andi faget, afuni nen yi enggin ti enggin hilinghinafu kwelek a'nogo welagep andi nen, aren hobuk he: ”Hit an nawe a'ma kwi wesimbik hinawiwerek mondok logoino o,” iluk, yagahisagain andi.

IBRANI 3:13

Hit ekhe weak hilingiti logolik hinonggwarek lalogo hinendawinggen omame asinogo iluk Allah aneba, ”O yogondak yaba,” iluk isikhe andi lek agi'lek werek kwelek, hit-hit hundik-handik hinendawinggen ago wat-wat ikhi logoino o.

IBRANI 3:15

Allah aneba lisu yi'nogo palek werek: ”O yogondak yaba, hit Allah ane hinesanggo holhep halok he, hinambu hinombalagen, Allah ebe ninabit, iluk ikhi lagaukwa andi hak, hiren, At ninabit, iluk hinendawinggen omame agubo,” iluk lisu palogo fesukwa.

IBRANI 4:7

Wene andi abok yagaisasikhesik oba nen, o mo lagagik, pigik, ugu kwelek tahun hokhorogoat welagaikhesigen, hobuk, ”Yiba,” logogun iluk at Daud yagati logolik, ”Yogondak yaba,” iluk yagatikhe mene attak igi hak lisu yi'nogo palek werek: ”Yogondak yaba Allah ane hinesanggo holhep halok he, hinendawinggen omame agubo,” iluk isikhemo lisu palogo fesukwa andi.

YAKOBUS 5:3

hit mene emas inom, perak inom, kulumage falogo fikhemo werek andi ri! Hinebe o wurep oba logoligat he, yi mene ti mene hinonggwarek faget fologo fakhaluk welagep andi nen, hobuk Allah nen wene hinoba fugunem, kulumage falek andi nenat, ”It inobabut ariginik,” iluk, enegat sele'mat fugunem yi mene ti mene endu nen ninggerek andi hak, hinebe kulumage falek andi nenat weagethinabigino.

YOSUA 11:20

Tuhan nen he afuni andoma it Israel mene inom weim yabuageluk inendawinggen omamet fisasikhe. Andi re wene melalogo Musa yagatikhe mene higithogo it inebe inendawirinafi'legengge mondok leget fisoageluk hilingfisasikhe.

2 PETRUS 2:9

A'nogo meneat he, afuni ekhe Allah amolo mene hilingitunem inendawimo kagaligeluk wagunem, nineisena Allah Enupogoren telinafik, nen it ekhe weak hilingiri'lagwi mene halok, wene hobuk inoba feigeluk ferinarek welagik, a'nogo hilingisigin elu logoligat elok hilingisigin o.

2 PETRUS 3:7

Mene re, pogot andi inom, kweang andi inom, hobuk enduba weagetfeigeluk Allah ane andibaat elama faget fisogo logombik he, afuni Allah ebe inabit logolik inobabut weak hilingiri'lagwi mene andi, wene inoba fuluk weagerinafik, kweang pogot weagetfigik, misik sambulat hilingisigeluk eranenat enggi fisogo werego.

YUDAS 1:6

Nen, at Allah nen it malaikat yonggo pelakfisa wagarek mene hilingisu mene sumburogo wogisasikhe meneat he, it ekhe nen inagaila'lak hilingisugun mene inafane hilingi'luk he, inonggwarek inaiba herakfisasukwama, Allah nen hele mondok logogin meneba inenggi hele warogo o mondok mum wea'ma kweang abel manggwe fisasikhemo werek andi. A'nogo mondok logombigen, hobuk afuni wene hokhorogo inoba fagain andi sambul, it inomat inoba feigeluk he, inenggi hele fikhalinabigin andi hinendawimo ebe'ni.

WAHYU 2:21

At he andi, pailak fakfouwageluk hilingiri'logo mene andi herakfisaluk obabut hebelasuageluk nenangorogo welagi mene re, at hilingiri'logo mene andi, herakfisaluk obabut hebelasu re, abiro.

1 SAMUEL 6:6

Afuni Mesir mene inoe raja inom inungguloak helep hangge a'luk hilingiti lagaukwa andi hak nenahalok hilingiti logogun nogo? It a'nogo hilingiti lagaukwama, Allah nen it lal-falhogo hilinginafikhesik, it afuni Israel mene o Mesir herakfuluk wulibi wesuageluk herakfisasikhe a'nogo hinendawimo ebe'ni o.