ROMA 16:2 - Allah Wene Fano Wene Hupla Inane

² hit hinoe Tuhan Yesus hinom hundik logolik, Allah againafuri nen wanugun higithogoat, at ebe wanubagaigen iluk yagahisigi o. At agarek yi mene ti mene lek halok he, hit mene ekhe wogeti logoino o. Aren he, afuni hokhorogoat leberisigik, an nebe inom lebetniigik, ikhi lagaikhesi'mo re, hiren at ebe wanino o.

ROMA 16:2 ပူးပေါင်းရင်းမြစ်များ

FILIPI 2:29

At ebe wagunem he, ninoe Enupogot hinom hundik logolik he, hinendawimo hinagaiyek anggikhi logolik at ebe wanino o. Hiren ninggi'nogo lebetnea heat andi nen, hinobali'mo aren lebetneageluk he: ”Nebe wa'lagi halok fano aro,” iluk, Kristus faget hilingiti logolik wa'la'lep mene andi. It afuni ekhe inobabut at hilingiterek hak hilingiri'lagwi mene halok hinane agaukhogo yagaisikhi logoino o.

FILIPI 1:27

Wene fano wene Kristus nen hilingitikhe wene a'nogoba: ”Yi'nogo hilingiti logoino o, ti'nogo hilingiti logoino o,” iluk yagahisagarek meneat hilingiti logoino o. A'nogo hilingiti logolik, hinebe lambulogo hilingiti logoumo, it afuni ekhe nen hinabok ikhi logolik he: ”It inobabut he, fano wene yagaisugunem holi'lagwi higithogoat inendawinggen Allah oba himbiret fuluk ninghogo mendek werego,” iluk, an nebe yatma were'ma yaganesugun hea? Hinoba wesimbik neilenggen hisagain hea? Wene Fano wene yagahisogorek hak, hinom lambulogo logolik, weim yafi logolik ninghogo yafarek hak, wene andi faget ninghogo hilingiti logoino.

2 YOHANES 1:10

Afuni ekhe nen wene Kristus nen yaganisasikhe wene lek, we, hunogoat wene yagahisa wagunem, ap sa nen afuni inobabut ariginik mene hai warogo aiba wanhunem he, at obabut weak hilingiterek mene andi obabut helikherek andi nen he, hiren afuni inobabut ariginik mene hai warogo hinaiba woginabugun mondok lego.

FILEMON 1:17

Andi nen, haren he, ”Paulus ebe an nagailak nemberek hundik welago mene,” iluk, anggikhi lagen andi, Onesimus ambotkwe hoba lakfei wagi andi, an nebe hoba wagunem wo'nabu hak, at ebe a'nogoat ambotkwe wanino.

FILEMON 1:12

Andi nen, at ebe an nendawinggen tulem mene ambotkwe hoba lakfei wagi andi o.

TITUS 2:3

Andi hagat he, it hemi inaluendek mene andi, afuni Allah awe a'ma logolik, inobabut higithogo hilingitarek hak, hilingiti logolik, afuni ekhe inabok weak palhi'legat, inogogwi kaindek inawe a'ma welagaikharek hak, i anggur enggen amusu amingmingengge hak logolik, inabit agi'lek nenggarek a'nogo ninggi'legat logolik, iren it ekhe fanorogo hilingiti logogun mene faget, yagaisikhi logouwageluk komorinafi logoino aro.

2 TIMOTIUS 1:18

Ninoe Enupogot obabut fano nen higithogo hilingisigin andi sambul, at Onesiforus andi ebe endawi asuago. At fageat he, o Efesus logolik, an hokhorogo lebetniikhi lagaikhe a'nogo, hat furogo helu aro.

1 TIMOTIUS 2:10

Inalilingge wanu hak he, inobabut Allah a'logomi logolik hilingisu hagat, it ekhe fanorogo leberisikhi logouwak.

KOLOSE 4:10

Aristarkhus an nemberek ninenggi hele warek welago mene nen hai wathinafik, Barnabas agailak Markus a'nogo nen hai wathinafik, aga o. At Markus faget wene attak yagahisasigi hagat, at ebe hinoba waga halok, fanorogo wanino.

EFESUS 5:3

Hinebe Allah againafuri logolik hinobabut hilingiti logou meneat higithogo hilingiti logogun. Halok he, pailak fakfisigik, inenggali lek weak hilingitik, ”Yi mene ti mene an enek wo'ne'lep,” iluk inendawimo nen anggigik, agarek andi mene, afuni ekhe nen he, ”It ekhe a'nogo weak hilingiri'lagwi,” iluk, hinabok weak sagerasinogo iluk, weak ekhe hilingitubo.

ROMA 16:23

At Kayus nen an nebe wo'nafik, Allah againafuri mondogat at aiba andogoti logouwagen woginafik, ikhe mene andi nen hai wathinafe aro. At Erastus o kota yoma faget uang fisugunem fisogo welagarek mene andi nen hai wathinafe aro. Nen, ninagailak Kwartus nen hai wathinafe aro.”

ROMA 16:9

At Urbanus andi ninomat Kristus faget hilingiti lagagu mene andi inom, Stakhis nendawi mene andi inom, ”Aren hai wathinafe,” iluk yagaisano aro.

ROMA 16:6

He Maria hit faget seget hokho hilingiti lagaikhe a'nogo, ”Aren hai wathafe,” iluk yaga'no aro.

ROMA 15:7

Afuni nen at Allah fogerati logouwageluk, at Kristus nen hit hinebe wokhinafikhe hak, hit ekhe nen it ekhe woginafik, it ekhe nen hit ekhe wokhinafik, hit-hit wok-wok ikhi logoino o.

KISAH PARA RASUL 9:41

Hu'lagaikhemo, at Petrus nen enggi fagaisogo menfesikhesik he, it Allah againafuri ekhe inom, hemi sogwe mene omanogo inom, wolisasikhemo kwisukwama re, ”At ebe eluk aga yi,” iluk wogisasikhe.

KISAH PARA RASUL 9:39

”I o. Halok he, puok,” iluk inom pisukwa. Pisukwasik he, Petrus ebe waluk henambo inom lagasukwa. Henambo lagasukwasik were'ma, it hemi sogwe mene at oba horokhogo andogosi wagaukwasik, le aga logolik he, su elonggoma mene inom, endakwe uan mene inom, he Dorkas eluk oba inom logolik, igisasikhe mene inukhasukwa.

KISAH PARA RASUL 9:36

O Yope andoma, he ekhe enu Paik enu mene, afuni Yunani mene inaneba enu Dorkas u hak, it inaneba Tabita iluk ikhi lagaukwa mene welagaikhe. At he andi, Tuhan Yesus ane wanhikhesik, yi mene ti mene fano hilingiti logolik, afuni inenggi lek inelagaik mene leberisugu mondok welagaikhe.

MATIUS 25:40

an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.

KISAH PARA RASUL 9:13

A'nogo yagatikhemo, at Ananias nen he, ”Noe. Afuni nen he, ap andi nen, hat hagainafuri o Yerusalem mene yi enggin ti enggin hilinginabi'logo, iluk inebe hokhorogoaren ugunem abok nesanggo holhiri'mo nen,

KISAH PARA RASUL 9:15

A'nogo yagatikhe meneat he, at Tuhan nen he, ”Lan o. Aren he, afuni endakwe mene inom, inogogwi kaindek mene inom, afuni Israel mene inom, an nenu yagaisilik nikhi logouwageluk, an nen ap andi ebe heragaisogo ayonggo figimo o.

ROMA 16:15

At Filologus he Yulia emberek, Nereus erei emberek, Olimpas inomat, Allah againafuri it inom welagaikharek mene mondogat inomat he, ”Aren hai wathinafe,” iluk yagaisano aro.