ROMA 13:4 - Allah Wene Fano Wene Hupla Inane

⁴ It pemerintah re, Allah nen menfisasikhemo, at amingmingengge logolik, hit fanorogo logouwageluk hilingiri'lagwi o. Mene re, weak hilingitep halok he, hinailorogo logoino. It sikhe waluk nikho andi, tulemat waluk nikho fuk. We, afuni weak hilingitunem he, Allah nen a'mage lagaluk wene inoba fou hak, it menfisasikhemo re, iren wene inoba fagarego.

ROMA 13:4 ပူးပေါင်းရင်းမြစ်များ

1RAJA-RAJA 10:9

Hat heisena Tuhan, hebe afuni Israel mene inoe raja logouwagaluk menhobagasikhe mene. Hat heisena Tuhan Allah nen afuni hinunggulenu Israel mene endawi hundik mondok welagarek andi nen, hat hebe oba liok ikhesik, it afuni Israel mene ninoe henupogot logolik wene higithogo inoba figik, kotik, fanorogo ikhi logouwagaluk menhobagaikhe mene andi fogerati logouwogo,” iluk yagatikhe.

2 TAWARIKH 19:6

wene melalek he yi'nogo yagaisasikhe, ”Hiren unggum pilingi'luk tegeti logogun sambul andi re afuni inenuba tegeti logogun lek, we Tuhan enuba tegeti logogun enggere, hinendawinggen hebelogo hilingiti logoino.

AMSAL 16:14

Raja a'mage lagaikherek mene andi re wa'lasuageluk unggum inoba fagarek higit, nen ap hebelek mene nen he wene andi elok sebelogo leget fou hak.

AMSAL 20:2

Mene singa ane kwerik lagunem inailo agarek andi hak at raja a'mage lagagunem he a'nogoat inailorogo welagaikharek. Ap ekhe nen raja a'mage lagau hak mene hilingite halok he, inonggwarek inebeat weaget fakhogoin.

AMSAL 20:26

Raja obabut hebelek mene nen he sa endawimo weak wenggelogo werek iluk futfikheresik, aren endawirinafi'lek unggum wogisikherek.

AMSAL 20:8

At raja ebe wene higithogo pilingisigiluk hu'lagarek oba hurek logolik he, ekhe wene ekhe wene mondok weak mene omanogo eilenggen furogo hikherek enek.

YESAYA 1:17

Hinobabut fano hilingitarek mene yanggulikhi logoino. Yanggulaluk he, higithogo hilingitu mene omanogo omamerogo elokhomat fikhi logoino. It ekhe afuni fena nen eagerinafagarek mene andoma leberinafik, yenggerugwi suarek mene inawene fanorogo hal fisigik, hemi sogwe mene inawene faget inebikhit agik, ikhi logoino,” iluk ikhe.

YEREMIA 5:28

inebe figilhik, inenggi werekhogo nek welagik agarek andi. It inaniniba hilingirik lagaikharek mene andoma re huli-huli werek mondok lek. Iren he yenggerugwi suarek mene inawene faget katokhogo inili woginafik, nen afuni sebelogo fisagarek mene inangge mene faget ili woginafik, agarek mondok lek.

YEHEZKIEL 22:27

It inogogwi kaindek pemerintah ba yabu hilingiri'lagwi inap andoma re mene olomene serigala nen paik hangge senfuluk tilip talap isikherek andi higit werek. Iren he inangge hokhorogo helogoin iluk ap wasugun mene nek hilingiri'lagwi.

YEHEZKIEL 25:14

It An nunggulenu Israel mene andi re it Edom mene nen inaniniba hilingiti lagaukwa mene a'nogo onggo feigeluk woginabigin. Nen Edom hinap he An na'mage mondok elo'lekhogo inoba fikhi lagi mene a'nogo hinoba fagain. It Edom mene re Tuhan inom eilhogo hilingfuluk hilingiterek mene re yi'nogo iluk enduk mikhogoin. Iluk An Tuhan Lego Mondok welagirek mene a'nogo nen nane mondogat igi o,” ikhe.

MIKHA 3:9

Yago, hit ap kaindek afuni Israel mene inobaget welagep hinap yi sani, an nen nane igin mene andi re furogo holini o. Hiren he afuni inawene katokhogo palinafi'legengge hilingfisikhi logolik, agaumhogo re weak mene nek hilingfisikhi lagep.

ROMA 12:19

Nerugwi nagaila'lak. Hinebe nendawi e. Afuni ekhe nen hit weagethinafu halok, hinonggwaregen onggo fugubo. We, Allah a'mage lagaluk, aren hilingisuagen he, at enggiba fikhi logoino. Wene a'nogo hilingiti logogun, iluk lisu yi'nogo palek werek: ”Wurep oba an nen inoatik, onggo an nen figik, igin o, iluk Nineisena Tuhan nen ikherek,” iluk lisu palogo fesukwa.

ROMA 13:6

Andi nenat, uang pemerintah faget kino ugunem wogisikhi lagep andi. It he, Allah awe a'ma logolik, at faget a'nogo ninghogo hilingitarek andi.

1 TESALONIKA 4:6

Andi mene faget higithogo hilingiti logolik he, hinerugwi hinagaila'lak ineil salogo inagagwi inaguni mene pailak fakfisogoin lego,” iluk Allah endawimo nen a'nogo anggaluk yaganisikherek andi. A'nogo ikherek andi nen, attagat niren ikhi logolik he: ”It afuni pailak a'nogo fakfisagarek mene halok, ninoe Enupogoren wene inoba fagain werego,” iluk, ninghogo komothinafugu andi.

YOSUA 20:5

Nen ap unggulmo wasigin iluk murok lagain mene a'nogo ambi, murok laga logombik andem huli asi logoin halok he, afuni o kota andi werek mene nen he ap andi it inenggimo fogoin lek. Ap andi nen ap amu mene andi re a'makwe heren wasigin lek, we wenggelek le'ma nen wasumo re iren ap andi agap telugun.

YOSUA 20:9

O andoma re, inagap telagarek oba it afuni Israel mene faget inom, nen it ap pok mene inaggele'ma werek mene faget inom enogo fesukwa. Ap inebe lombogen wenggele'le'ma nen ap amu mene ebe pinggi watfisaluk halok he, ap iren ogo ap unggulmo wasugun iluk murok wagaikharek mene omanogo re o andomaba nen agap telikhi logogin. Nen at ebe afuni hokhorogo ineilhanem en awene palhi'lek werek kwelek he ebe pinggi wati logogun mondok lek.