ROMA 12:2 - Allah Wene Fano Wene Hupla Inane

² Afuni yoma hilingiri'lagwi mene andi inobabut wanhubo. Hinobabut ket hunogoat hilinglasuageluk, at Allah nenat hinendawimo ket mene hilinghinafi logouwago. A'nogo hilinghinafi logoumo re, at endawimo nen: ”Yi'nogo hilingisuak, ti'nogo hilingisuak,” iluk anggikherek andi ebe hinelu asigin o. Fano mene ebe andi aro. At Allah endawimo fanorogo hilingitik, inendawinggen wurik agik, ikherek he, andi nen aro.

ROMA 12:2 ပူးပေါင်းရင်းမြစ်များ

1 PETRUS 1:14

Hit attagat he, wene andi hinonggot logolik, yi mene ti mene hinamolo nen hinendawinggen en nunggunem hilingiti lagagip andi, hobuk he, hinobabut andi mene wanhup. Yenggerugwi nen ineisenalak inane hologo logolik higithogo hilingitarek andi hak, hit Allah ane hinesanggo hologo higithogo hilingiti logoino.

2 KORINTUS 5:17

Afuni inebe Kristus inom hundik werek halok he, inobabut ket mene elalinafemo werego. Attak mene legat aga. Hobuk ket mene hilinglaga.

EFESUS 5:17

Hinendawinggen mum logogubo. We, nineisena Tuhan endawimo amolo anggikherek mene ero andiat herakhaluk higithogo hilingiti logoino.

YEHEZKIEL 36:26

A'nogo sobalhinabimbik An nen hinendawinggen ket mene wokhisigik, wenggelhu mene ket mene woghisigik, igin. Nen hinendwinggen helep hak omamerek welagep mene andoma re An nen agamhogo hinendawinggen fano sakhorek mene wokhisagain.

1 PETRUS 4:2

Andi nen hiren he, afuni yi mene ti mene inamolo nen inendawinggen en ninggerek andi mene herakfisaluk, huli yogondak huli nen he, hineluk logolik Allah endawimo amolo anggikherek mene andi higithogo hilingiti logoino o.

ROMA 12:1

Nerugwi nagaila'lak. At Allah ninebe endawi iluk wene ekhe hinendawimo wenggel fuluk, Allah anggo wareti lagaukwa hak, hinebe hineluk meneat, at onggwarek faget fisaluk, at endawimo fanorogo wogeti logoino o. At awe a'ma logolik he, at faget hilingisugun mene a'nogoat hilingiti logoino o.

YOHANES 15:19

Hit hinebe afuni kweangma mene logoilepma re, it afuni kweangma mene nen he, it he, nit ninagoromi, iluk inendawinggen hundik hilinghinabilep meneat he, hit hinebe it afuni kweangma mene were'ma wenakhinafigisik wokhinafisigi'mo re, hinebe it mene welagep fuk. Andi nen he, inabit mondok hilinghinabi'lagwi o.

MAZMUR 51:10

Haren nendawimo weak hilingisogo fegen mene andi, hobuk fanotnafunem nendawimo nagaiyek asimbik, fano wene andi nesanggo holigen he Harenat yagane'no o.

ROMA 13:14

Hit hinobabut he, afuni inobabut inetogat logolik, yi wanile, ti wanile, iluk agarek andi hak hinendawimo kagalhi'lek he, we, sikhe sige wanharek hak, ninoe Enupogot Yesus Kristus obabut andiat wanino o.

TITUS 3:5

A'nogo weinam agaikhesik, Allah Areagun en ninendawimo sobalogo ninebe ket mene ta'ninafik, ninobabut hunogoat hilingninafik, isikhe andi re, nit ninonggwaregen ninobabut higithogo hilingiti lagaguba hilingninafikhe fuk. We, ninebe arenat endawitninafikhesik telninafikhe andi.

YAKOBUS 4:4

Hemi nen inaguni ineil salharek andi hak, Allah eil salogo hilingiti lagep andi re? Afuni kweangma mene yoma inobabut inetogat logolik hilingiri'lagwi mene andi hinom hundik welagep halok, Allah hinom weim palek hanggeat welagep andi, hinonggot nogo? Hit ekhe nen afuni kweangma yoma mene inobabut inetogat logolik hilingiri'lagwi mene andi hinom hunisuogeluk ikhi lagep halok he, hinonggwaregen at Allah hinom weim kagalhi lagebo.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

YOHANES 17:14

Hat hane a'nogo it arat yagaisigi. Nen, an nebe kweangma mene fuk, andi hak he it ogo kweangma mene legat andi nen he, it afuni kweangma mene nen inabiret ninobagali'lagwi o.

2 PETRUS 1:4

It afuni kweangma yoma yi mene ti mene inamolo nen, inendawinggen en nunggunem inobabut weak hilingi'luk weak agaikharek mene andi herakfisaluk heise wulibi we'luk he, Allah obabut wanuageluk, fano mene wo'nisili'logo andi. Aren elalinat hilingitunem fogeratu mondok welagaikharek mene a'nogo nen he, ”Yi mene ti mene onggoba wanu elo'lek mene, mondok hokho fano mene wokhisagain werego,” iluk abok yaganisasikhe mene andi, ebe wo'nisili'logo andi.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.

YEHEZKIEL 18:31

Hiren weak hilingiti lagep mene andoma mondogat palfeni o, palfuluk he hinendawinggen wenggelhu mene inom, menenei ebetu mene inom he ket mene asuak. Nenahalok hinaweak onggo hinebe wa'lasugun nogo?

MAZMUR 34:8

It afuni Tuhan ebe inailorogo logolik ane hologo hilingitarek mene re, At agoromi malaikat en kwelaginarek werek, nen it andi weagerinabigiluk ugunem telinaferek.

1 YOHANES 3:13

Halok, nerugwi nagaila'lak e. Afuni kweangma mene nen, hit inabit mondok hilinghinafu halok he, ”Nailo e,” iluk hinendawinggen fitubo.

1 TESALONIKA 4:3

Allah endawimo nen he mel anggikherek andi: ”Hit hinebe an faget nobagaluk horek mondok logolik, pailak fakfisagarek andi mene fakfisigi'lek mondogat logoino.

1 YOHANES 5:19

It afuni kweangma mene inobabut inetok mene andi mondogat he, at obabut weak mene a'nogo enggiba welagaikharek. A'nogo meneat he, nit enek he, Allah ebe againafuri mene welago, iluk ninelu o.

EFESUS 1:18

Arenat hinendawimo selegethinafunem, hiren he, ”Ninayonggo fesikhe mene a'nogo nen hobuk fanotninabigin,” iluk, hinendawimo hinagaiyekhogo oba eberek welagep mene a'nogo hinelu agik, yi mene ti mene fano mene fogeratu mondok logogun mene at againafuri wo'nisageluk hokhorogo andogorogo ninobagasikhe mene andi, hinelu agik,

2 PETRUS 2:20

Afuni re, kweangma weak hilingitarek mene yoma herakfisaluk, heise wulibi we'luk, ninoe Enupogot Yesus Kristus telninafikhe mene ebe inelu a'lugat he, hobuk inambotkwe weak hilingitarek mene andi oba kugunem he, kimalin awiba elugengge kugunem yinggilogo fakfikherek andi hak, fakfisamo re, lebelegat asugun andi. Lebelek asimbik omanggum weak welagaukwa andi re, endebat fano hak. Mene re, hobuk weak asugun andi re, mondok hokhorogoat weak asimbik logogun o.

EFESUS 2:2

Andi sambul he, afuni yoma inobabut inetogat logolik hilingitarek hak hilingiti lagagip. A'nogo hilingiti logolik, munggwarengge inobabut weak mene inoe kain pogot abel manggwe yoma eisewerek logolik, afuni Allah ane inabiren inesanggo holharek lek mene inendawimo kwisikhesik yogondak inendawimo kagalhoat welagarek mene a'nogo ane hologo welagagip andi.

MAZMUR 119:174

Haren inagap telinafi lagen mene a'nogoba nagap telnabilen iluk nendawimo anggikhi logolik welagi, Hat hawene melalek andi nen an nendawimo agaiyek mene hilingnobagali'lago.

GALATIA 1:4

Nit weak hilingitorek andi nen nineisena Allah endawimo nen he, ”Yi'nogo hilingisuak,” iluk endawimo anggasikheba, at Yesus Kristus nen nit afuni kweangma mene telninabigeluk, endawimo nenat nit ninobabut weak mondok hilingitorek mene andi wene at onggwaregen oba fakhaluk wa'lagaikhe andi.

1 KORINTUS 3:19

Afuni kweangma mene nen he: ”Nit afuni ninawene ninendawimo mondok kagalek,” iluk anggili'lagwi halok he, Allah nen he, ”Inendawinggen nonghongsek werego,” iluk anggikherek. It ap Allah ane lisu palogo fikhi lagaukwa mene nen he: ”Paik hele fugunem watarek hak, it afuni kweangma mene yoma inendawimo kagalek hak logolik lalinabi'lagwi andiba, ke'noget lagunem he, Allah nen weagerinabigin werego,” iluk lisu palogo fesukwa.

MAZMUR 119:128

Andiba an he Haren yi'nogo hilingiti logoino iluk yaganisegen mene andoma higithogo hilingiti logolik inobabut kwanirogo hilingiri'lagwi mene andoma re an nen nabiret fisikhi lagi.

ROMA 7:22

An nendawimo nen he, ”Wene Allah nen komotninafikhe wene andi fano,” iluk anggigirek meneat he,

MAZMUR 119:97

Hat hawene melalek faget he an mondogat nendawi hundik anggikhi lagi, linggene inukhogo kumuthikhi logolik ebetu welagi.

MAZMUR 119:72

O kweangma yoma emas inom, perak inom werek oba nen, an nen he Hat Hawene melalek yi nek he mondok esin mene anggikhi lagi o.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

KELUARAN 23:2

Afuni hokhorogo nen wene melalek sagalogo fuluk ineranen weneba fagerik nikho mene inom, nen iren weak aple nek hilingirik nikho mene inom, andoma re hit hinom seberogo hilingirik nikhi lagou fuk.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.

MAZMUR 119:103

Hat hane andi re enduk mondok mitsekma re, kin amusu enduk we endep harek hak oba nen andi nek he enduk mondok fano mit-mirengge o.

ROMA 7:12

Wene Allah nen komotninafikhe wene andi re, Allah ane aro. ”Yi'nogo hilingisugun lek, ti'nogo hilingisugun lek,” iluk komotninafikhe wene andi ebe lombok he, at ane aro. Wene andi higit fano mondok isikhe uok.

KOLOSE 4:12

At Epafras, Kristus Yesus amingmingengge ebe hit meneat a'nogo nen, hai wathinafe aro. Aren he, hit hinendawimo nen: ”Allah ane andi eberogoat,” iluk futfuluk he, hinendawinggen wurik asimbik hinebe mendegat logolik he, yi mene ti mene Allah endawimo anggikherek hak hilingitu logobagaigeluk samban hit faget ninghogo ugu mondogat welagarek.

1 PETRUS 1:18

Attak he, hinambu hinombalak hilingiti lagaukwa andi hak, it inobabut waganogo legasigin mene faget tulemat alemarogo hilingiti lagagip andi nen, hinenggi hele warek hak were'ma, Allah nen hinebe hinonggo palogo telhinafikhe andi hineluaro. Onggo andi re, legasigin mene emas oba, perak oba hinonggo palhinafikhe fuk.

YOHANES 14:30

Afuni kweangma mene inoe kain a'nogo ebe weri'logo andi nen he, an wene hokhorogat yagahisagain lego. At andi wesigin meneat he, an at enggiba welagi lego.

ROMA 7:14

Wene komotninafikhe wene andi, Allah Areagun en yaganisasikhe iluk ninelu o. Mene re, an nobabut he, afuni inobabut hangge inetok welagi. Weak hilingitarek andi mene nen awe a'ma nobagaigeluk onggo palogo hak wo'nafikhemo welagi.

EZRA 10:11

Ariginik enggere At Tuhan Allah nit ninambu-ninombalagen apne wanhi lagaukwa mene a'nogoba hinaweak fakhogo herak fembik he, At endawimo agaiyek anggikherek mene nek hilingiti logolik he, it afuni endakwe mene nit ninanggweang yiba werek mene andoma hinom huniti lek logolik, hinagagwi inunggulenu endakwe mene woginafigip mene andoma re mugusogo wulak fisano,” iluk yagaisasikhe.

MATIUS 13:22

Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.

MARKUS 4:19

inendawimo nen, ”Yogondak ya faget ninggi'nogo hilingisigin he,” iluk, menenei ebetik, ”Nagarek hokhorogo logoilebe,” iluk inendawimo ebeti logolik, inonggwaregen laligik, inendawimo nen yi mene ti mene ekhe inamolo anggigik, agarek andi nen he, wene andi inendawimo kanggil agaresik he, enggen iterek lek andi aro.

KOLOSE 1:9

Hinabok a'nogo ugunem ninesanggo holhosik he, niren hit faget samban igik, Allah ayonggo figik, kamo igi'lek ugu mondogat welago. A'nogo ikhi logolik Allah Areagun en hinendawimo kagalhunem, hinendawimo mondok kagalogo wene futfuluk he, at Allah endawimo amolo anggikherek mene andi, hiren furogo hinelurogo logobagaigeluk ayonggo fikhi lagoaro.