ROMA 11:3 - Allah Wene Fano Wene Hupla Inane

³ ”Allah Henupogot neisena. Ap hat hane yagaisilik nikharek mene omanogo, inoatik, e mezbah hat faget wam warogo nolhetarek oba omanogo meisalhik, agasik he, an nalegenek heraknobagagasik hobuk noasuogeluk hera'nabik nikho aro,” iluk yagatikhemo re,

ROMA 11:3 ပူးပေါင်းရင်းမြစ်များ

1RAJA-RAJA 18:13

He Izebel en ap nabi-nabi Tuhan ane yagaisikhi lagaukwa mene inoati lagaikhemo, an nen ap it andi mene inebe 100 mene fena minggilogo 50 nen oumo ekhema hinakfisigik, nen fena 50 nen oumo ekhema hinakfisigik, isigisik, inamburu inom inagai inom wogisikhi lagagi andi haren nabok holhi lagagin lek nogo?

1RAJA-RAJA 18:4

Aren he Izebel en ap nabi-nabi Tuhan ane yagaisikhi lagaukwa mene omanogo inebe mondok inoatunem, at Obaja andi nen he, it ap andi mene inebe 100 mene re, 50 fena minggilogo oumo ekhema hinakfisigik, nen 50 fena oumo ekhema hinakfisigik, isikhesik inamburu inom, inagai inom, wogisikhi lagaikhe.)

NEHEMIA 9:26

A'nogo meneat he, it Hagainafuri nen, At awe a'ma logolik ane hologo hilingiti logogun ninabit, iluk herakhobagasukwasik, ap hat hane yagaisikhi logolik, hinafe hebela'luk hineisena Allah awe a'ma kwi we'no, iluk yagaisikhi lagaukwa inap omanogo inebe inoati lagaukwa andi. A'nogo inoatu logolik, hat hebe inendawimo seramet hobagagu mondok welagaukwa andi, neisena.

YEREMIA 2:30

An nen komothinafu mene omanogo wanhi'lek werek kwelek we alomarogo hangge unggum hinoba fou hak andi. Mene singa aik anini mene a'nogo nen yi mene ti mene halmakhigik ninggerek hak, hiren ap An nane yagahisagarek mene inebe inoati lagep andi.