ROMA 11:1 - Allah Wene Fano Wene Hupla Inane

¹ An nen wene ekhe heinok wokhisak. At Allah nen againafuri Israel mene andi mondok herakfisasikhe anggegep? Mondok lego. An nebe re, Israel mene Abraham en tagongge nunggulenu Benyamin mene welagi.

ROMA 11:1 ပူးပေါင်းရင်းမြစ်များ

2 KORINTUS 11:22

It andi inebe Yahudi mene halok, an ogo re, nebe Yahudi mene aro. It inebe Israel mene halok, an ogo re, nebe Israel mene aro. It inebe ineisena Abraham en tago mene halok, an ogo re, nebe neisena Abraham en tago mene aro.

1 SAMUEL 12:22

At nineisena Tuhan onggwaregen he, It An nonggwarek nagainafuri asuagaluk woginafi, iluk onggwarek enu hombuk palogo isikhemo re, hit herakhinobagagin mondok lego.

FILIPI 3:5

An nebe ta'lagagimo inenggi 7 nen welagaukwasigen, inenggi ekheba, nagap nenggalimo mene palnafukwa andi. Nebe Israel mene, nunggulenu Benyamin meneat, nagaisa neisena Israel mene andi nen he, nebe Ibrani eberogoat meneat ta'lagagi andi. Wene Allah nen komotninafikhe wene a'nogo faget, ap Farisi mene nen fisogo welagaikharek hak, ninghogoat fisogo welagagi mene.

KISAH PARA RASUL 26:4

An nebe alageba nen afuni ninunggulenu misigat mene ninom o kota Yerusalem logolik nobabut eroba nen hilingiti lagagi mene andi, it afuni Yahudi mene mondogat inelu o.

KISAH PARA RASUL 22:3

”An he, ap Yahudi mene, nebe o propinsi Kilikia o kota Tarsus ta'lagagi meneat he, o Yerusalem yoma nen kulnafukwama nalue agagi. Nalue agagimo, ap kain Gamaliel nen wene Allah nen ninombalak komorinafikhe wene a'nogo furogo yaganeti lagaikhe. Yaganetunem, an nen hit yogondak Allah faget hinomamerogo hilingiti lagep andi hagat hilingiti lagi.

HOSEA 9:17

Afuni Allah againafuri nen he Allah an nen obaget hilingiti lagi mene a'nogo At ane holhu re ninabit iluk herakfisagama, it inebe re afuni inunggulenu amu mene inanggelekwe leil wati logogun o, iluk ikhe.

MAZMUR 94:14

At Tuhan nen he At againafuri oboget isaluk lagain he mondok lek, nen At onggwarek alolegengge mene hilingi'mo re inoba onggoret fuluk hilinginafi logogin mondok legat.

ROMA 3:4

Mondok lego. Afuni inebe lombok inane ineranen kagalogo ugu halok he, Allah ane eberogoat enek ikherek, iluk wene lisu palogo fikhi logolik he, mel isukwa: ”Hat Allah hane eberogoat enek ugunem eberogoat enek hilinglagarek. Afuni nen mabenet hobagauwogeluk ugunem he, hat he, maben agik lek. Homame nek agendego,” iluk lisu palogo fesukwa andi.

2 RAJA-RAJA 23:27

Andi nen he At Tuhan nen ikhi logolik mel yagaisasikhe: ”An nen it afuni Israel mene wene inoba figi andi hak, hit Yehuda mene ogo a'nogo hinoba fagain aro. Hinoba a'nogo fikhi logolik he, afuni Yehuda mene re An nen hit hinaiba wokhisasigiba yoma nen hukhinabi lagain o. Nen, An nen hit yagahisikhi logolik he, o Yerusalem yi An nobaget hilingiti logogun oba o, iluk nonggwaregen wenagaisogo fakhasigi mene inom, An nawi wurik yi inom, herakfisagain aro,” iluk yagaisasikhe.

MAZMUR 77:7

O hubanggore nendawimo wenggelhugu logolik he, nonggwarek nendawimo heinok wanhu welagi.

LUKAS 20:16

At ebe wesimbik he, it andi inebe mondogat warogo wulakfisambik he, inobali'mo yabu anggur yabu a'nogo kagalek logouwageluk he, ap ekhe hunogoat mene menfisagain aro,” iluk yagaisasikhemo, it omanogo nen he: ”Eige! A'nogo hilingisigin lego!” iluk yagatukwama,

ROMA 11:11

An nen heinok ekhe wokhisagat. Afuni kwe lagunem ineisok a'lip silukhogo waragarek hak, it afuni Israel mene weak agaukwa andi, mondok-mondogat alomat lagaukwa nogo? Mondok lego. We, it weak hilingitukwa andi nen, Allah nen it afuni endakwe mene telinafikhe andi. A'nogo telinafunem he, it Israel mene nen: ”Nit telninabuem,” iluk inendawimo weak a'luk inafe hebelasuageluk hilingitikhe andi.