ROMA 10:9 - Allah Wene Fano Wene Hupla Inane

⁹ Hambeba nen he: ”Ninoe Enupogot he, Yesus aro,” iluk fakhogo igik, nen, hendawimo nen he: ”Yesus ebe wa'lagaikhemo re, Allah nen eluget fesikhemo werego,” iluk eberogoat anggigik, umo re, telhabigin aro.

ROMA 10:9 ပူးပေါင်းရင်းမြစ်များ

LUKAS 12:8

A'nogo yagaisasikhesik, ekhe mel yagaisasikhe: ”Ap sa nen, Yesus andi an noe o, iluk afuni ineilhanem fakhogo ugu halok he, An Abat ta'lasi wagagi a'nogo nen ogo re, At yi an nagoro, iluk, it malaikat Allah nen yonggo lakfisa wagarek mene omanogo ineilhanem nane fakhogoat yagaisagain o.

YOHANES 9:22

A'nogo yagaisasukwa andi re, it ap kaindek Yahudi mene nen, ikhi logolik he, ”It afuni inebe lombogen, ap yi re, Allah nen nit afuni telninabuageluk lakfei wesigin isikhe a'nogo Kristus ebe yi aro, iluk fakhogo ugu halok he, oloba samban agarek oba nen lisogo wulak fisouwogo,” iluk wene palhukwa mene werek andi nen he, ap andi eisena agaisa it ap kaindek Yahudi mene inailo nen he,

KISAH PARA RASUL 16:31

iren he, ”Hendawinggen Tuhan Yesus oba himbiret fagain halok he, hat hebe inom, hagainafuri inom, hinebe mondogat telhinabigin o,” iluk yagatukwa.

KISAH PARA RASUL 2:24

Watepma, at ebe heinet wati logolik wa'laga meneat he, afuni inenggi hele warogo fisagare'ma welagaikharek andi hak, at a'nogo warek mondok logogin lek andi nen he, inenggi hele fikhalogo wulakfisagarek andi hak, Allah nen eluget fikhe andi.

KISAH PARA RASUL 2:32

A'nogo isikhe higithogoat, at Yesus Allah nenat eluget fikhemo, nit ya mondogat nineilenggen hogosik nineluat welago andi.

KISAH PARA RASUL 8:36

Yagarik mondok ebekwe pikhi logolik he, i were'ma pisukwasik, at ap kain a'nogo nen he, ”I werek yi han. An ima pelaknabigin anggikhi lagi. I a? Athe, ki mene oan welagi anggegen,”

ROMA 10:10

Afuni inendawinggen Allah oba himbiret fugunem he, aren wene inoba mene korogo wokhaluk, hobuk inambotkwe at inom hunogo fisikherek. Nen, inambeba nen, at abok fakhogo ugunem he, telinaferek andi.

ROMA 14:11

Allah nen he, mel yagaisasikhe: ”An hineisena Tuhan neluk mondok welagirek mene nen nane eberogoat yagahisak. Afuni inebe lombok he, an nawe a'ma kwi wesimbik iren he, Allah hararo, iluk inambeba lombok fakhogo yaganesugun o,” iluk yagaisasikhemo lisu palogo fesukwa.

ROMA 14:9

Wa'lagaukwa mene inom, nineluk mene inom, lambukhogo faget, at Kristus nit ninobaget Enupogot logoigeluk, wa'lagaikhesik eluk agaikhe andi.

ROMA 4:24

Nit faget inomat yaganisasikhe o. Halok, nit ogo re, ninendawinggen nineisena Allah ninoe Enupogot Yesus wa'lagaikhesi'mo nen eluget fesikhe mene a'nogo oba himbiret fogorek andi nen, aren he, ”Hinobabut higithogo hilingiti lagep hak, hinendawinggen noba himbiret fegepma, wene hinoba mene korogo wokhigirik hinambotkwe ninom hunogo hinobagagi andi aro,” iluk yaganisikheregat.

ROMA 8:34

Nen, wene ninoba fembik he, sa nen weagetninabigin nogo. At Kristus Yesus wa'lagaikhemo Allah nen eluget fesikhemo re, pogoroba lagasikhesik, at era'lu enggi ebekwe kain logolik he, nit faget Allah ayonggo fugu werek.

1 KORINTUS 12:3

Wene yi hinelurogo yagahisak. Afuni Allah Areagun inendawimo were'ma re: ”At Yesus Allah nen weagetfagain o,” iluk, homan fagain elo'lego. Nen, Allah Areagun inendawimo lek halok he: ”Yesus he, an noe Enupogot,” iluk ugun elo'legaro.

FILIPI 2:11

A'nogo kuluk, inambeba lombok nineisena Allah fogerati logolik he: ”Ninoe Enupogot Yesus Kristus andi aro,” iluk, fakhogo ugunat andi.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

1 YOHANES 4:15

Ap sa nen, ”Yesus andi Allah amlogo,” iluk fakhogo yagaisikherek halok, at Allah nen at emberek hundik mondok, nen, aren Allah emberek hundik mondok, welagaikharego.

2 YOHANES 1:7

A'nogo hilingiti logogun andi re, it afuni inebe hokhorogoaren, ”Yesus Kristus andi abat ta'lasi wagi'lek,” iluk, lalinafarek mene inebe weinam agaikhasik kweangma o yi awi ti awi mondogat sagarek andi nen, nendawi-hendawirogo hilingiti logogun igi andi o. It andi inebe re, Kristus inom mondok weak logolik afuni lalinafarek mene a'nogo aro.