ROMA 10:8 - Allah Wene Fano Wene Hupla Inane

⁸ Halok he, wene andi mel anggaluk isikhe: ”Allah ane andi ebe horogat werego. Andi hambeba inom, hendawinggenma inom, werego,” iluk isikhe andi, afuni nen inendawinggen Allah oba himbiret fogoin wene niren yagahisikhi lago andi fagerat isikhe o.

ROMA 10:8 ပူးပေါင်းရင်းမြစ်များ

ULANGAN 30:14

Wene andi hit hinoba horogat werek andi nen he, hiren a'nogo heinok wanugun mondok elo'lego. We, hit hinendawimo wanhepsik hinelumo re, ebe pikhit hilingiti logogun andi aro.

1 TIMOTIUS 4:6

Wene fano wene ninendawinggen Allah oba himbiret fogorek mene a'nogo yagaheti lagagumo, haren wanhigindik higithogo hilingiti lagen andiba hebe sougwet hafunem he, wene yogondak yagaheti andi ninerugwi ninagaila'lak Allah againafuri mene ekhe yagaisikhi logoino. A'nogo yagaisikhi logogin halok he, hat Kristus Yesus amingmingengge logolik, at faget fanorogo hilingiti logogin andi.

1 PETRUS 1:25

Mene re, ninoe Enupogot ane andi etok mondok logogin o,” iluk isikhemo lisu palogo fesukwa andi. At ane andi ebe re, niren Fano Wene yagahisogorek mene andi aro.

GALATIA 3:2

Wene Allah nen komotninafikhe wene a'nogo higithogo hilingiti lagagip andiba Allah Areagun wokhisasikhe a? Athe, niren fano wene yagahisasugumo holhigipsik he, ”Eberogoat,” iluk hinendawinggen Kristus oba himbiret fesigip andiba wokhisasikhe a. Wene misigat andiat yagane'ni o.

GALATIA 3:5

Halok he, ninggi'nogo ugun. Hiren wene Allah nen komotninafikhe wene a'nogo higithogo hilingiti lagagip oba, at Areagun hokhorogo wokhisigik, hilingisu lek mene elalinat hilinghinafik, ili'logo nogo a? Athe, niren fano wene yagahisasugumo holhigipsik, eberogoat iluk, hinendawinggen Kristus oba himbiret fesigip andiba wokhisili'logo nogo a.

ROMA 10:17

Mene re, fano wene andi, Kristus abok yagaisa lagunemat inesanggo holharego. Nen, wene inesanggo holilugat, inendawinggen at oba himbiret fagarego.

KISAH PARA RASUL 10:43

At Yesus faget, it ap Allah ane yagaisikhi lagaukwa mene omanogo mondogaren he, abok ikhi logolik, mel isukwa: At ebe wagunem he, it afuni weak hilingitarek mene inendawinggen at oba himbiret fogoin mene halok inebe lombok, it weak hilingiri'lagwi mene andi, at Allah nen at Yesus enuba sebelogo legetfisagain o, iluk yagaisikhi lagaukwa,” iluk at Petrus nen yagaisasikhe.

1 PETRUS 1:23

Allah nen hobuk takhinafikhe andi, afuni wa'lagaikharek mene nen taginafarek andi hak takhinafikhe fuk. We, Allah eluk mondok logolik ane lek agi'lek logogin meneba takhinafikhe o.

KISAH PARA RASUL 16:31

iren he, ”Hendawinggen Tuhan Yesus oba himbiret fagain halok he, hat hebe inom, hagainafuri inom, hinebe mondogat telhinabigin o,” iluk yagatukwa.

YESAYA 57:19

An nen ap yatkwe werek mene inom, horok-horokwe werek mene inom, fano liokhogo welagaikharek mene afuni mondogat inoba wogisagain. An nen nagainafuri fano higirinabigin.

EFESUS 5:26

At Kristus nen a'nogo hilingitikhe andi re, nit Allah againafuri mondogat ninebe ninagambut pale'lek, ninagap pulangsek lek, fano logou hak, at eilhanem wene ninoba lekhogo, fano mondok tegelek logouwageluk, ninebe ima pelakninafunem, at Aweneba sobalogo ninobagaluk, at onggwarek faget fakhasikhesik ebe wa'lagaikhe andi.