ROMA 10:4 - Allah Wene Fano Wene Hupla Inane

⁴ At Kristus ebe kweangma pi wagaikhe andiba, wene Allah nen komotninafikhe wene a'nogo ebe agaikhe. Afuni inendawinggen at Kristus oba himbiret fagarek mene halok inebe lombok, wene inoba mene korogo wokhasikhesik, hobuk inambotkwe Allah inom hunogo fisikherek.

ROMA 10:4 ပူးပေါင်းရင်းမြစ်များ

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

MATIUS 3:15

Yagatikhemo re, at Yesus nen he, ”An pelaknabigin aro. At Allah nenat yi mene ti mene faget a'nogo hilingisuageluk anggikherek higithogoat hilingnabigin o,” iluk isikhemo re, ”I o,” iluk

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

GALATIA 3:24

Nit ninendawinggen Yesus oba himbiret fugunem, wene ninoba mene korogo wokhaluk, Allah ninom hobuk ninambotkwe hunogo ninobagaigeluk he, Kristus oan ta'lagi'lek werek kwelek, wene komotninafikhe wene a'nogo nen fetninarek logouwageluk isikhe andi.

GALATIA 4:5

A'nogo lakfei wagaikhe andi re, nit Allah againafuri hilinglasuageluk, wene komotninafikhe wene a'nogo nen awe a'ma fetninarek were'ma, hele fikhalninabi wesuageluk lakfei wagaikhe andi.

KOLOSE 2:10

Malaikat pogoroba mene inom, munggwarengge obabut weak mene inom, inawe a'ma ferinarek were'ma inane holharek mene, Kristus ane holugun andi nen, hit ogo re, at hinom hundik logolik, hinendawinggen katokhogo wurik agepsik welagep andi.

KOLOSE 2:17

Afuni inebe oan wagu kwelek inafumak tak inelokhoma wagarek hak, Kristus ebe oan wagi'lek werek kwelek, wesigin iluk wene mondogat andi mene tak hilingiti lagaukwa meneat he, ebe re, Kristus aro.

IBRANI 10:14

At Kristus misigam faget wa'laga logolik, ebe Allah wogetikhe andiba, nit afuni ninebe Allah faget fisogorek mene halok katokhogo mondok ho'ninafikhe.