ROMA 10:2 - Allah Wene Fano Wene Hupla Inane

² Iren he, Allah faget inomamerogo hilingiri'lagwi meneat he, inobabut he, nelu. Eberogoat hilingisugun mene inelu logolik hilingiri'lagwi fuk.

ROMA 10:2 ပူးပေါင်းရင်းမြစ်များ

2 RAJA-RAJA 10:16

ane yi'nogo yagatikhe, ”An nen Tuhan obaget hilingiti logolik namurururogo hilingirik laga-lagi mene heilenggen hanogen he an ninom louwogen eme o,” iluk yagatikhe. A'nogo yagatikhesik he it aremnogo inebe seberogo inagge kereta ba lagasukwasik o Samaria lagaukwa.

MAZMUR 14:4

Tuhan nen yagaisikhi logolik mel isikhe, ”Hit afuni weak hilingiti lagep mene yi, hinobabut hebelhi lagep lek yi nenahalok? Hiren he an nayonggo figi'lek logolik, sumburu haumhogo nenggarek andi hak an nagainafuri weagerinafu welagebo,” iluk wenagisasikhe.

AMSAL 19:2

Inebe inobabut fano werek oba nen hilingisugun mene inonggot logolik hilingitarek andi re mondok weak, nen ap lombuget higi'lek weak-weak hilingiterek mene andi weak hilingisogo fagarek.

YESAYA 27:1

Andi sambul he Tuhan nen enggarok omame mene enggat mondok merengsek mene andi waganogo re no Lewiatan kisu ambolebene pololangerik nikherek mene, mase masengge liaferek mene andi inom, kisu menawe i laut oba werek mene andi inom unggum wogisagain.

YOHANES 16:2

Afuni nen o samban agarek oba nen hit hinenggi lisogo wulak hinobagagunaro. Nen, hobuk it afuni hit hinoasugun mene inebe lombok inendawimo nen he, Allah faget fano inoato, iluk, ugun mene werek aro.

KISAH PARA RASUL 21:20

Yagaisasikhemo, Allah hilingitikhe mene andi fogeratukwa. Fogeratukwasik, Paulus yagati logolik he, ”Paulus nagailak. Afuni Yahudi mene inebe 1.000 hangge nek fuk. Mondok hokhorogoat inendawinggen Yesus oba himbiret fagasik werego. Logolik he, wene Allah nen komotninafikhe wene a'nogo it mondogaren fisogo logouwogeluk inomamerogo hilingiri'lagwi andi hat helu anggigi.

KISAH PARA RASUL 21:28

Fakfesukwasik he, ”Ap Israel mene a! Nit werekwe a'ni a! Ap yi nen afuni o yi awi ti awi yagaisilik nikhi logolik he, nit afuni Israel mene nen hilingitorek mene andi weak iluk, alek mene yagaisigik, wene Allah nen komotninafikhe wene a'nogo weak iluk, alek mene yagaisigik, o Allah awi wurik yi abok weak igik, ilik nikho mene a'nogo ebe yi ara! Yogondak ap Yunani mene woginarek Allah awi wuri'mo kwi wagasik, o Allah onggwarek awi wurik weaget fikhe a'nogo yi a!” iluk inane hokhorogo pak silakhogo wenagetukwa.

KISAH PARA RASUL 22:22

Paulus nen a'nogo yagaisilik wagunem, it omanogo inesanggo fano holek welagaukwasigat he, huli andem oba ugunem inane hokhorogoat mel isukwa: ”Ap obabut yiginik he, kweangma eluk logogin lek. Wasuogo!” iluk

KISAH PARA RASUL 22:3

”An he, ap Yahudi mene, nebe o propinsi Kilikia o kota Tarsus ta'lagagi meneat he, o Yerusalem yoma nen kulnafukwama nalue agagi. Nalue agagimo, ap kain Gamaliel nen wene Allah nen ninombalak komorinafikhe wene a'nogo furogo yaganeti lagaikhe. Yaganetunem, an nen hit yogondak Allah faget hinomamerogo hilingiti lagep andi hagat hilingiti lagi.

ROMA 10:1

Nerugwi nagaila'lak. Allah nen he, it nerugwi nagaila'lak ninunggulenu misigat mene andi, telinabilebe, iluk nendawimo nen menenei ebetik, Allah ayonggo figik, ikhi lagi.

ROMA 10:3

It he, Allah nen wene inoba mene korogo wokhaluk hobuk inambotkwe inom hunogo inobagauwageluk, at awe a'ma kuluk logolik hilingisugun mene inonggoren hilingiti'lek welagaukwa. We, inonggwarek inendawimo nen anggaluk inomamerogo hilingiti lagaukwa andi.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

2 KORINTUS 4:6

At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.

2 KORINTUS 8:3

Wogisogoin higithogo wogisikhi logolik ekhe inom oba mangorogo wogisili'lagwiat. An inobabut nelu. Neilenggen isigirigen yagahisikhi lagi o. It afuni ekhe nen inendawimo kagalhi'le'ma, inonggwarek inendawimo nen kagalogo,

GALATIA 1:14

Wene nit Yahudi mene ninombalagen yaganisasukwa mene a'nogo fisogo logolik he, it an nagaila'lak ninom higit mene nen wene inendawimo seramhogo hilingitu kwelek, an enek he, nomamerogoat hilingiti lagagi andi.

GALATIA 4:15

Hit attagat hinobabut anggilukhogo hilingiti lagagip a'nogo, yogondak hinobabut ninggi'nogo hilinglagepsik welagep. Ineilenggen hemelogo wogisagarek logoilepma re, hit hinobabut he, hineilenggen hemelogo wo'ne'lebat iluk, hinabok fakhogoat igin welagi.

FILIPI 1:9

An nen samban hit hinobaget ikhi logolik, mel ikhi lagi: ”Yi mene ti mene awi yatunem ero hokho a'luk wuliferek hak, hit ebe wene furogo hinelu agik, fut figik, ikhi logolik, afuni inebe hinendawirogo welagep andi mene hokhorogoat hinendawirinafi logobagaigen,” iluk, samban ikhi lagi aro.

FILIPI 3:6

Allah faget anggilukhogo hilingitarek mene andi, an a'nogoat fano hilingiti lagi hea, Allah againafuri inendawinggen Yesus oba himbiret fesukwa mene yi enggin ti enggin hilinginabik nikhi lagagi andi. A'nogo hilingiti logolik, wene Allah nen komotninafikhe wene a'nogo higithogo hilingitarek andi, an mondok higithogo hilingitunem, afuni ekhe nen wene noba figi'legat tegelek mondok welagagi.

KOLOSE 4:13

A'nogo ikhi logolik, hit faget inom, afuni o Laodikia mene faget inom, Hierapolis mene faget inom, omamerogo hilingiri'logo iluk, an nen obabut palhirigen yagahisikhi lagi andi.