ROMA 1:8 - Allah Wene Fano Wene Hupla Inane

⁸ Nerugwi, nagaila'lak. Wene ebe yagahisagen he, ekhe yi tak yagahisak. Afuni o yi awi ti awi a'lima nen, hit mondogat hinabok fano ikhi logolik he: ”It afuni Roma mene inendawinggen Yesus oba himbiret fuluk welagaikharego,” iluk agarek andi nen, Yesus Kristus yaga'luk enek, ”Neisena Allah,” iluk hai wati lagi.

ROMA 1:8 ပူးပေါင်းရင်းမြစ်များ

MATIUS 24:14

Nen, Allah nen awe a'ma inobagagin wene fano wene yi, yi afuni ti afuni mondok inelu asuageluk o yi awi ti awi fakhogo yagaisilik lagep halok he, o wurep oba arat hilinglasigin o,” iluk yagaisasikhe.

LUKAS 2:1

Andem higit he, ap kain Kaisar Agustus andi nen afuni o yi awi ti awi inenu lisu paluageluk wene yonggo wulakfisasikhe.

KISAH PARA RASUL 11:28

It wagaukwa andi mene, ap ekhe enu Agabus andi, Allah Areagun en endawimo kagalhikhemo, menlagaikhesik mel yagaisasikhe: ”O yi awi ti awi mondogat sumburu ouwak hokhorogoat hogoin o,” iluk yagaisasikhe. Yagaisasikhe andi, ebe ap enu Klaudius ebe kain logolik ferinarek were'ma hilinglagaikhe andi.

KISAH PARA RASUL 28:22

Mene re, wene hat wanhendik hilingiti lagen andi faget, afuni o yi awi ti awi mene nen, wene andi weak, ugunem enek he, ninesanggo holhi lago andi nen, wene haren eberogoat anggikhi lagen mene andi honggwaregen nit yaganisugunem ninesanggo holugun ninamolo o,” iluk yagatukwa.

ROMA 10:18

Mene re, an nen heinok ekhe wokhisak. It he, fano wene andi inesanggo holhi'lek werek nogo? Lego. Inesanggo arat holha. Allah aneba, ”It inane andi o yi awi ti awi mondogat wialagaikhesi'mo re, o esanggo-esanggo andoma mondogat inesanggo holhukwa o,” iluk isikhemo lisu palek werek andi nen igi o.

ROMA 16:19

Mene re, hit Allah ane hologo hilingiti lagep mene andi, it afuni mondogaren hinobabut enegat pali'lagwi andi nen, an nendawimo nagaiyek anggikhi lagi o. Hit fano wene faget hinendawimo kagalek welagik, weak wene faget hinafe morogo welagik, umo re, fano. An nendawimo namolo.

ROMA 6:17

Hit attak he, weak hilingitarek andi awe a'ma kuluk were'ma, hobuk, wene yagahisugunem, wene andi hinendawinggen oba wanhigip andi nen he, Allah hai wasuogo.

1 KORINTUS 1:4

Allah obabut fano nen, Kristus Yesus alisikhogo, fano mene wokhisikherek andi nen, hundik-handik hai wato mondok welagirego.

2 KORINTUS 2:14

A'nogo meneat he, at Kristus omame agaikhe andiba elokhe wanhu kwelek nugunem, nit at ninom hundik mene Allah nen Kristus ombo'ne wo'ninarek nikherek, iluk fogerasuogo. A'nogo wo'ninarek nikhi logolik, amben fano mene sang-panghogo lagarek hak, at Kristus hilingitikhe wene a'nogo niren wialogo o yi awi ti awi waluk loageluk wo'ninarek nikherek.

EFESUS 1:15

Andi nen he, hit hinendawinggen Tuhan Yesus oba himbiret fuluk, Allah againafuri ekhe mondogat hinendawirogo hilingiti lagep mene andi, afuni ekhe nen hinabok ugunem nesanggo holhi.

EFESUS 1:16

A'nogo holhirik he, hit hinobabut hilingiti lagep andi faget, hundik-handigat kamo igi'lek hinenu ilik-ilik Allah hai wato mondok welagirek.

EFESUS 3:21

Nit Allah againafuri andogorek mene mondogat Kristus Yesus ninom hundik logolik ninebe ekhe hobuk mene ket ta'larik lagu kwelek, Allah eberogoat fogeratu mondok logouwok, iluk, ”Amin,” igi andi.

EFESUS 5:20

Hundik-handigat yi mene ti mene mondogat faget he, Tuhan Yesus Kristus enu hombuk palogo re, nineisena Allah hai wati logoino o.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

FILIPI 1:3

An he, hundik-handigat hit hinoba mondok eberek logolik, neisena Allah at hai wati lagi.

KOLOSE 1:3

It ekhe nen hit yagaisikhi logolik he: ”Hit hinobagaget fano mene Allah nen wokhisagain mene pogoroba hinobagaikhemo werego,” iluk yagahisasukwama, hinendawinggen Kristus Yesus oba himbiret fuluk, hilingitunem, it ekhe nen he: ”It inendawinggen Kristus oba himbiret fuluk Allah againafuri ekhe mondogat inendawirogo hilingiri'lagwi,” iluk, hinabok ugunem ninesanggo holhosik he, hundik-handigat samban hit faget ikhi logolik, ninoe Enupogot Yesus Kristus eisena Allah at hai wati lago o. Hit wene fano wene, Allah obabut fano nen hilinginaferek wene a'nogo omanggum yagahisa wagaukwama, hinesanggo holhigipsik he, eberogoat iluk futfesigip andi huli, Allah nen fanothinabi'logo hak, fano wene andi o yi awi ti awi wialarik laga logolik, Allah nen afuni a'nogo fano hilinginabi'logoaro.

1 TESALONIKA 1:2

Niren samban hit mondogat faget hinenu ikhi logolik he, Allah hai watu mondogat welago.

1 TESALONIKA 2:13

Niren wene Allah ane a'nogo yagahisasugumo, hiren he, ”Wene andi afuni inane mene lego. We, Allah ane aro,” iluk wanhigip andi re, eberogoat Allah aneat wanhigibo. Andi nen nit kamo igi'lek Allah hai wato mondok welago. At Allah nen hit hinendawinggen Kristus oba himbiret fesigip mene halok hinendawimo kagalhu mondok welagarego.

2 TESALONIKA 1:3

Nerugwi nagaila'lak. Hit hinendawinggen Kristus oba himbirik welagep mene andi, ekhe inom hokhorogo himbiret figik, hit-hit hinebe lombok nendawi-hendawirogo hilingiti lagep mene andi, ekhe inom hokhorogoat hinendawirinafik, ikhi lagep andi nen, niren hit faget Allah fogerati lago meneat fogeratu mondok welago.

2 TIMOTIUS 1:3

An nombalak Allah awe a'ma logolik, inonggwarek inendawinggen misigat fano logolik, at faget hilingitik, fogeratik, ikhi lagaukwa hak, an a'nogoat hilingiti logolik, hat hoba mondok eberegat, hat faget linggene hubanggo samban ugu mondogat logolik, Allah hai wati lagi o.

FILEMON 1:4

Hat hendawinggen ninoe Enupogot Yesus oba himbiret fuluk, Allah againafuri ekhe mondogat hendawirinafendek andi habok nesanggo holhirik he, samban hundik-handik ikhi logolik, hat henu iluk neisena Allah hai wati lagi o.

IBRANI 13:15

Andi nen he, at Yesus ninom hundik logolik, niren he, ”Allah neisena,” iluk wam warogo at faget wogeti logou hak, hundik-handik ninambeba Allah enu hokhorogo fogeratu mondok logouwogo.

1 PETRUS 2:5

A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.

1 PETRUS 4:11

A'nogo ikhi logolik, Yesus Kristus hinom hundik logolik hilingitunem, it afuni ekhe nen Allah fogerati logouwageluk, hit ekhe nen wene yagaisikhi logolik, Allah aneat yagaisigik, hit ekhe nen it ekhe leberisikhi logolik, Allah omame wo'nisikherek andibaat leberisigik, ikhi logoino. A'nogo hilingiti logolik, Yesus omame hokho etok mondok welagarek mene a'nogo fogeratu logouwogeluk, ”Amin,” igi andi.