Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROMA 1:3 - Allah Wene Fano Wene Hupla Inane

3-4 Wene lisu palogo fesukwa andi, ebe re, Allah amlogo ninoe Enupogot Yesus Kristus fageraro. Afuni ta'lagaikharek hak he, ebe Daud en tagongge mene nen ta'lagaikhe. Meneat he, ebe wa'lagaikhesi'mo nen, Allah Areagun omameba eluget fesikhe andiba, Allah amlogo aro, iluk enegat agaikhe andi.

အခန်းကိုကြည့်ပါ။ ကော်ပီ




ROMA 1:3
66 ပူးပေါင်းရင်းမြစ်များ  

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.


Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.


An nen wene at Yakub ambisangma mene inom, nen namingmingengge Daud ambisangma mene inom faget watigi mene andi re fisogo mondok logogun. At Daud en tagomangge mene ambisangma mene misik ekhe nen he Abraham, Ishak, Yakub inambisangma mene melalinafi logouwageluk An nen wenagaisogo fagain. An nen nagainafuri inoba nendawirinafik, nen it inebeba sik pikhogo logouwageluk hilingfisigik igin aro,” iluk ikhe.


Nineisena Tuhan nen a'nogo isikhesik ekhe mel ikhe: ”Nenggi ekhe horok asi wesigin meneba re, An nen Daud lego welagaikheba obali'mo kerajaan a'nogo legeisogo fagain. Yogondak kerajaan andi re o meisalogo pikherek hakhogo hilinglagama werek. Oba nen he, o hobat andoma An nen obalikwe pugunesimbik nekhengge wusumo re, o andi obabut he attak welagaikhe hagat hilingik logogin.


At Yesus Kristus Abraham en, Daud en, tagongge a'nogo ambu ombalak eroba nen taginabik wagaukwa mene inenu yi.


Yakub en Yusup he Maria agun a'nogo, tatik, he Maria nen he, Yesus, niren Kristus ikhi lago a'nogo tatik, eroba nen taginabik wagaukwa.


Isai nen he, ap Daud enupogot a'nogo tatik, a'nogo taginabik wagaukwa. Nen, andi nen he, at Daud en ap Uria agwe telogo waluk wulifikhesik he, Salomo tatik,


A'nogo hilingitikhemo re, it afuni era'lu andogorek welagaukwa mene omanogo nen fogerati logolik, ”Eigi! Daud amlogo wesigin iluk ikhi lagaukwa a'nogo ebe yi he a,” isukwa.


Lagai wagunem he, he ekhe o Kanaan andoma awiwerek mene Yesus oba wagaikhesik ane hokhorogo mel yagatikhe: ”Daud en tagongge mene noe. An neak helenggerek mene munggwarengge obabut weak mene endawimo kwikhesik weak werek. Halok he, hendawi nean o,” iluk yagatikhe meneat he,


at Yesus ane igi'lek kamo isikhemo re, at ap kain Allah eisewerek mene a'nogo nen he, ”Allah amlogo Kristus lakfei wesigin isukwa a'nogo, ebe hat halok he, yaganisanok iluk, at Allah eluk mondok welagarek mene enu hombuk palogo yagaheti o,” iluk yagatikhemo,


Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.


Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.


At Yesus o andoma nen lagunem ap inebe pire ineilenggen mum mene ombo'ne laga logolik inane hokhorogo mel yagatukwa: ”Ap Daud en tagongge mene noe a! Hendawit ninabin o,” iluk yagatukwa.


at malaikat a'nogo nen he, ”Allah Areagun hoba louk i wesimbik he, kunmo kwagarek hak, nineisena Tuhan Allah omame hokho andi awe a'ma hobagagin. Hobagaumo re, heak Allah alegat amlogo tasumo re, afuni nen, At andi Allah amlogo, iluk ikhi logogun o.


Telninabuageluk he, at amingmingengge Daud en tagongge mene omame werek mene menfikhemo werek yi.


Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.


at ebe neilenggen furogo higiri'mo andi nen he, futfigi o. A'nogo futfigirik, at andi Allah amlogo eberogo aro, iluk, abok hit fakhogo yagahisikhi lagi yi,” iluk yagaisasikhe.


At Nataniel en he, mel yagatikhe: ”Noe. Allah amlogo nit Israel mene ninoe kain Henupogot he, harat hiigi o,” iluk yagatikhe.


”Neisena nemberek ninebe re, misigaro,” iluk yagaisikhi lagaikhemo,


An nen he, Nebe Allah amlogo, igi andi nen, Allah enu weagete, iluk nenahalok ikhi lagep? Allah nenat nayonggo fuluk eberogoat nebe wenagaisogo kweangma yoma laknobagai wagaikhe meneat he, nenahalok ikhi lagep.


A'nogo yagatikhemo, at Tomas nen he, ”Eige! Noe, hebe henupogot Allah at hiigi o,” iluk yagatikhemo,


A'nogo meneat he, lisu palek werek yi mondogat he, hiren he, Yesus andi Allah amlogo, nit afuni telninabuageluk wenagaisogo lakfei wagaikhe a'nogo eberogoat iluk futfuluk hinendawinggen at oba eberogoat himbiret fuluk At enu hombuk palhunem hineluk mondok logobagaigeniluk lisu palogo figi o.


Nen, afuni warek mene nen, an Allah amlogo nane inesanggo holugun oba oan werek meneat he, arat asi wagasik werego. It nane inesanggo holugun mene halok, ineluk a'luk mondok logogun o, iluk, eberogoat yagahisigi.


At Mesias Allah nen lakfei wesigin isikhe mene andi re, ap Daud en tagongge mene, at Daud onggwarek awi eroma welagaikheba o Betlehem andoma ta'lasigin, iluk Allah aneba lisu palogo fesukwama a'nogo lek nogo?”


At Daud ebe Allah ane yagaisikhi lagaikhe mene andi nen he, Allah nen hombuk palogo wene mel iluk waretikhe mene eluat welagaikhe: Hat kain welagendek andi hak logouwageluk, ap haren tagongge mene ekhe hobali'mo menfagain o, iluk wene waretikhe.


Nineisena Allah andi, Abraham inom, Ishak inom, Yakub inom, ninombalak ekhe inom, ineisena Allah andi nenat he, amlogo Yesus esinet fesikhe andi. Mene re, hiren, it ekhe nen wasuageluk inenggiba fegepma re, at Pilatus nen enggi hele fikhalogo wulakfeigeluk ugunem, hiren he, Ap andi ninabiro, iluk egep a'nogo.


Yagarik mondok ebekwe pikhi logolik he, i were'ma pisukwasik, at ap kain a'nogo nen he, ”I werek yi han. An ima pelaknabigin anggikhi lagi. I a? Athe, ki mene oan welagi anggegen,”


A'nogo welagaukwa andem sambul he, o it afuni Yahudi mene samban ikhi lagaukwaba kwisikhesik, wene Yesus faget yagaisikhi logolik he, ”At Yesus andi, ebe Allah amlogo aro,” iluk yagaisikhi lagaikhe.


A'nogo hai wati logolik he, hit faget kamo igi'lek samban ikhoat welagi mene andi, at Allah elu o. An Allah awe a'ma logolik, fano wene At amlogo hilingiti lagaikhe wene andi afuni yagaisilik nikhi lagi andi, nendawinggen oba nen, at Allah faget hilingfisikhi lagi o.


Halok he, nit afuni Yahudi mene nen ninomba Abraham obabut hilingiti lagaikhe mene faget abok ninggi'nogo ugun.


Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.


At Allah nen amlogo ninoe Enupogot Yesus Kristus hinom hundik logobagaigeluk hinayonggo fesikhe andi. A'nogo, at obabut humbun mene nen hinayonggo fesikhe andi nen he, ebe asigin iluk hinendawinggen menenei ebeti'lek humbunhogo logoni o.


Hiren he, it afuni inunggulenu Yahudi mene nen hilingitarek mene, futfeni o. Iren he, Allah anggo ware'luk fena it ninggi logolik, fena endu noletarek oba noleti logolik, Allah inom hundik welagaikharek iluk, hinonggot nogo?


Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.


Allah ebe misigaro. Nen, Allah ninom nit afuni ninom hulisanem logolik lambulninabi'logo mene ap ebe Yesus Kristus andi misigaro.


Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.


An fano wene yagaisilik nigirek andi re, Yesus Kristus, at Daud en tagongge meneat ebe watukwama, Allah nen eluget fesikhe wene andiba hendawimo eberek mondok logoino.


Ebe nit nineilenggen higik, ninesanggo holhik, isugu mene andi, nineisena Allah amlogo Yesus Kristus emberek ninom hundik welagorek andi hak, hit nit ninom fano hundik logouwogeluk yagahisikhi lago o.


Aren wene komotninafikhe andi, ebe re: ”Hit hinendawinggen an namlogo Yesus Kristus oba himbiret fuluk, aren yagahisikhe andi hagat, hit-hit nendawi-hendawirogo logoino o,” iluk komotninafikhe andi aro.


Nen, at ekhe nen obabut weak hilingitu mondok welagarek halok he, at Iblis obabut eroba nenat weak hilingiri'logo andi nen he, at andi ebe re, Iblis amlogo werego. Mene re, at Allah amlogo weinamhogo wagaikhe andi re, at Iblis obabut hilingiterek mene andi, mondok sebelogo legetfisageluk wagaikhe o.


Ap sa nen, ”Yesus andi Allah amlogo,” iluk fakhogo yagaisikherek halok, at Allah nen at emberek hundik mondok, nen, aren Allah emberek hundik mondok, welagaikharego.


Afuni nen he, ”Yesus andi telninabuageluk Allah nen lakfei wagaikhe mene eberogoat Kristus a'nogo aro,” iluk inendawinggen at oba himbiret fagarek mene halok inebe lombok he, Allah nen taginafemo, at againafuri mene werego. Nen, nit nineisena Allah ninendawirogo logolik halok he, at againafuri tago mene andi ninendawirogoat logoguno.


At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.


Afuni inobabut inetogat logolik weak hilingitarek mene mabenetfisaluk inomame agaikharek andi sani nen nogo? Andi re, niren, ”At Yesus andi Allah amlogo,” iluk ninendawinggen at oba himbiret fogorek mene nen aro.


A'nogo hilingiti logogun andi re, it afuni inebe hokhorogoaren, ”Yesus Kristus andi abat ta'lasi wagi'lek,” iluk, lalinafarek mene inebe weinam agaikhasik kweangma o yi awi ti awi mondogat sagarek andi nen, nendawi-hendawirogo hilingiti logogun igi andi o. It andi inebe re, Kristus inom mondok weak logolik afuni lalinafarek mene a'nogo aro.


A'nogo yaganetesik hobuk mel yaganete: ”An Allah amlogo neilenggen endu amulok hangge, nen, neisok he, tembaga endumo weratunem amulit papaget hikherek andi hangge a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Tiatira andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palino:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ