ROMA 1:1 - Allah Wene Fano Wene Hupla Inane

¹ Hit Allah againafuri o Roma welagep mene nerugwi nagaila'lak. At Allah hinebe endawi mene mondogat an Paulus Kristus Yesus amingmingengge mene a'nogo nen wene lisu palogo hinoba lakfei wagi andi o. An nen fano wene a'nogo afuni yagaisilik nikhi logouwageluk, Allah nen wenagaisogo mennobagaikhesik laknobagai wagaikhe o.

ROMA 1:1 ပူးပေါင်းရင်းမြစ်များ

1 TAWARIKH 23:13

Hun Amram andi re it Harun inom Musa inom ineisena. (At Harun inom, aren tagomangge mene inom he, inenggi hundik-handik samban ugu mondok logolik yi mene ti mene hilingitu mene omanogo halhik, Tuhan obaget amben fano mene nolhik, Tuhan obaget hilingitik, Tuhan enuba afuni fanoabet fisigik, hilingiti logouwageluk wenagaisogo fisasikhe.

YESAYA 49:1

Hit afuni yi awi ti awi yat-yat kwe welagep mene andoma nen An nane yagahisikhi lagi mene yi hinesanggo holfuluk, fanorogo hilingiti logoni o. An nebe oan ta'lagi'lek werek kwelek Tuhan nen nayonggo fesikhe. Nagaisa alabutmo oan werek kwelegat Aren an nebe wenagaisogo nobagasikhe.

YEREMIA 1:5

”An nen hat hagaisa alabutmo oan a'ma asuageluk hilingiti'lek werek kwelek, nen hat hebe oan ta'lagi'lek werek kwelek, An nen hat hebe nabi yi afuni ti afuni inunggulenu lombok welagaikharek mene inobaget logouwageluk wenagaisogo hobagagirik menhobagagi o,” iluk yaganete.

MARKUS 1:14

Hobuk he, Yohanes a'nogo enggi hele warogo fesukwama, at Yesus o Galilea tonggwe lagai wagaikhesik he, Allah ane fano wene a'nogo yagaisilik nikhi lagaikhe.

YOHANES 12:26

Nen, ap sa nen an namingmingengge logolik, endawimo nen he, an Yesus faget hilingiti logogin, iluk anggikhe halok he, an logogin oba andoma nemberegat mondok logouwogeluk nombo'ne waga logouwago. Nen, sa nen an faget hilingiti logogin mene andi, neisena nen at ebe agaugwet fagain o, iluk nane eberogoat yagahisigi,” iluk yagaisasikhe.

YOHANES 15:15

It afuni inamingmingengge mene andi, inogogwi hilingitarek mene inonggot andi nen he, an nen huli yogondak yiba nen, hit an namingmingengge, iluk yagahisagain lego. Yi wene ti wene neisena nen yaganetikhe mene mondogat yagahisikhi lagi andi nen he, nagaila'lak, iluk yagahisikhi lagi andi o.

YOHANES 15:20

Nen, ap kain ekhe inawe a'ma hak werek kwelek, at amingmingengge mene esin hak welagarek lego, iluk yagahisasigi a'nogo hinendawimo ebe'ni o. Iren an weagetnafa halok he, hit a'nogoat weaget hinabugun aro. Nen iren an nane hologo hilingita halok he, hit hinane hologo hilingisugun aro.

KISAH PARA RASUL 13:9

A'nogo sebeligeluk ugunem, at Saulus, enu ekhe Paulus a'nogo nen he, Allah Areagun endawimo peterek logolik eilenggen Bar Yesus oba lurogo fikhi logolik he,

KISAH PARA RASUL 20:24

A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.

KISAH PARA RASUL 21:40

A'nogo yagatikhemo re, aren he, ”I o. Ekhe yagaisan,” iluk isikhemo at Paulus ebe kwe pelaba mendek logolik, ”Hinane,” iluk enggi map isikhemo re, inane lek agaukwama, it afuni Ibrani mene inaneba mel yagaisasikhe:

KISAH PARA RASUL 22:21

A'nogo yagatunem, Tuhan nen he, it afuni endakwe mene yatma andoma inoba lakhobagagin andi nen he, lan o, iluk yaganetikhe,” iluk yagaisasikhe.

KISAH PARA RASUL 22:7

Pi wagunem he, an nebe kweangma talorogo nelokhe sagaum weing lagagi. Weing lagagimo, at ekhe nen ane yaganeti logolik he, Saulus, Saulus. Anat yi enggin ti enggin hilingnabigeluk mu'narek nikhi lagen andi nenahalok, iluk yaganetikhe.

KISAH PARA RASUL 26:1

At Agripa nen he Paulus mel yagatikhe: ”Wene hat honggwarek faget yagane'nogen iluk yagaheti o,” iluk yagatikhemo re, at Paulus enggi liakfesikhesik hai wati logolik mel yagatikhe:

KISAH PARA RASUL 26:14

A'nogo pi wagunem he, nit mondogat kweangma talorogo weing lagagumo, at ekhe nen ane yaganeti logolik, afuni Ibrani mene ninaneba mel ugunem nesanggo holhigi: Saulus, Saulus. Anat yi enggin ti enggin hilingnabigeluk mu'narek nikhi lagen andi nenahalok? Sapi wam sige tomuk enggat kabelek meneba ebe silhugunem, Nabit, iluk onggwaregen talogo warikherek andi hak, hat honggwaregen hebe a'nogoat weaget fakhikhi lagen o, iluk yaganetikhe.

KISAH PARA RASUL 9:15

A'nogo yagatikhe meneat he, at Tuhan nen he, ”Lan o. Aren he, afuni endakwe mene inom, inogogwi kaindek mene inom, afuni Israel mene inom, an nenu yagaisilik nikhi logouwageluk, an nen ap andi ebe heragaisogo ayonggo figimo o.

ROMA 1:16

Fano wene andi Allah omame atma re, attak afuni Yahudi mene, nen hobuk he, afuni Yunani mene, inendawinggen eberogoat Yesus Kristus oba himbiret fagarek mene halok mondogat telinaferek andi nen he, an nailo legat fano wene andi yagaisilik nigirek andi.

ROMA 1:5

At wa'lagaikhemo nen Allah Areagun en eluget fesikhe andiba, an nen yi afuni ti afuni inunggulenu lombok inendawinggen at Yesus oba himbiret fuluk ane hologo hilingiti logogun mene yagaisugunem, at enu hokho asuageluk Allah obabut fano nen nayonggo fesikhesik laknobagai wagaikhe o.

ROMA 1:9

A'nogo hai wati logolik he, hit faget kamo igi'lek samban ikhoat welagi mene andi, at Allah elu o. An Allah awe a'ma logolik, fano wene At amlogo hilingiti lagaikhe wene andi afuni yagaisilik nikhi lagi andi, nendawinggen oba nen, at Allah faget hilingfisikhi lagi o.

ROMA 11:13

Wene yi hit afuni endakwe mene yagahisak. Allah nen he, an nayonggo fuluk hit endakwe mene hinoba laknobagai wagaikhemo wagagisik hilingiti lagi andi nen, esin mondok iluk fogerakhikhi lagi o.

ROMA 15:16

An nebe at Kristus Yesus awe a'ma logolik afuni endakwe mene woginabuageluk nayonggo fesikhemo, at Allah endawimo fanorogo Areagun andiba it inebe Allah awe a'ma inobagauwageluk, at ane fano wene andi yagaisilik nikhi lagi o.

ROMA 15:29

An arat hisa wagi halok he, at Kristus nen hit faget wo'netikhe mene mondogat wokhisa wesigin anggigi.

ROMA 16:18

It andi re, ninoe Enupogot Kristus awe a'ma logolik, at faget hilingiri'lagwi fuk. We, inonggwarek inendawimo inamolo mene hilingiri'lagwi o. A'nogo hilingiti logolik, inane fano igik, liokhogo igik, ikhi logolik he, it afuni ekhe inobabut, ”I o,” nek agarek mene andi lalinabi'lagwi andi.

ROMA 16:25

Allah fogerati logouwogo! An nen fano wene Yesus Kristus hilingitikhe wene yagahisasigi hak, at Allah omame hokho mene a'nogo nen hinendawinggen wurigethinafi logogin elogo. Wene Allah endawimo mene andi, attagaren hinago welagaikhe mene re, yogondak Allah nen weinamet fesikhe.

1 KORINTUS 1:1

Hit Allah againafuri o Korintus andogoti lagep mene, nerugwi nagaila'lak. An Paulus Allah endawimo anggasikheba, Kristus Yesus nen nayonggo fesikhesik laknobagai wagaikhe mene a'nogo, ninagailak Sostenes nemberegen, wene yi lisu palogo hinoba lakfei wago andi. Hit o Korintus mene Allah nen hinayonggo fesikhemo ninoe Kristus Yesus hinom hundik were'ma, Allah nen, ”It yi an nagainafuri o,” iluk hinebe at onggwarek faget tegelogo fakhasikhemo welagep. A'nogo logolik, afuni o yi awi ti awi andoma nen, it inom, nit inom, ninoe Enupogot Yesus Kristus enu hombuk pali'lagwi mene hinom mondogat wene yi lisu palogo hinoba lakfei wago andi o.

1 KORINTUS 9:1

An nale'ma welagirek lek nogo? At Allah nen nayonggo fuluk laknobagai wagaikhe lek nogo? Ninoe Enupogot Yesus ebe an neilenggen higi'lek nogo? Ninoe Enupogot nemberek hundik logolik hilingiti mene, hinebe welagep andi lek nogo?

2 KORINTUS 1:1

Nerugwi nagaila'lak. An Paulus Allah endawimo anggasikheba, Yesus Kristus nen nayonggo fesikhesik laknobagai wagaikhe mene a'nogo, ninagailak Timotius a'nogo nemberegen hit Allah againafuri o Korintus andogoti lagep mene inom, o propinsi Akhaya yi awi ti awi andoma welagep mene mondogat inom, wene yi lisu palogo hinoba lakfei wago andi.

2 KORINTUS 11:5

It ekhe andi, Yesus nen inayonggo fuluk lakfisa wagaikhe mene hak hilingisogo wagunem, hiren he, ”It andi esin hak,” iluk woginafu kwelegat he, an nendawimo nen he, ”It esin, nen, an elo'lek,” iluk anggikhi lagi mondok lego.

2 KORINTUS 11:7

An nen Allah ane fano wene andi yagahisikhi logolik he, ”Onggo ekhe wo'ne'ni,” iluk igi'lek. Hit esinethinabigeluk an nonggwarek nebe kembu hak a'luk, a'nogo hilingiti lagi andi, hit weak hilinghinafi lagi iluk ugun nogo? Mondok lego.

2 KORINTUS 12:11

It ap Kristus nen inayonggo fuluk lakfisa wagarek mene hak hilingisogo we'luk, ”At Paulus enu lek,” iluk agarek andi, an eberogoat nenu lek. It esin inenuwerek higi! A'nogo lego. Hiren futnobagaluk agaukhogo yaganesu meneat he, a'nogo ikhi lagep lek andi nen he, eberogoat ap kembu mene nen agarek hak, yagahisigi andi.

2 KORINTUS 2:12

An o Troas andoma wagagi hak he, fano wene Kristus hilingitikhe wene a'nogo, afuni andoma mene fano asuak yagaisoageluk ninoe Enupogoren yaganetikhemo yagaisugu welagagi.

2 KORINTUS 4:5

Wene yagaisilik nikhi lago andi re, ninonggwarek hilingitorek wene fuk. Lego. We, at Yesus Kristus hilingitikhe wene aro. At Yesus ebe ninoe Enupogot iluk he, nit at faget hit hinamingmingengge welago, iluk yagaisogorek andi.

GALATIA 1:1

Hit Allah againafuri o Galatia andogoti lagep mene nerugwi nagaila'lak. An Paulus nerugwi nagaila'lak Allah againafuri fena o yoma ninom welago mene inebe mondogat ninomen wene yi lisu palogo hinoba lakfei wago andi. An nayonggo fesikhesik laknobagai wagaikhemo wagagi andi re, ero afuni nen fuk. Ap ekhe wene oba warogo fesikhemo laknobagai wagaikhe legaro. We, at Yesus Kristus ebe wa'lagaikhemo eisena Allah nen eluget fesikhe mene a'nogo emberegenat nayonggo fesikhesik laknobagai wagaukwama wagagi andi.

EFESUS 1:1

Hit Allah againafuri o Efesus andogoti lagep mene hinendawinggen Kristus Yesus oba himbiret fuluk hinom hundik welagep mene, nerugwi nagaila'lak. An Paulus, Allah endawimo anggasikheba, at Kristus Yesus nen nayonggo fesikhesik laknobagai wagaikhe mene a'nogo nen wene yi lisu palogo hinoba lakfei wagi andi.

EFESUS 1:13

Andi hagat he, hiren wene ebe wene, fanotninaferek wene a'nogo hinesanggo holhigipsik he, eberogoat iluk hinendawinggen Kristus oba himbiret fesigipmo Allah nen he, ”Nareagun wokhisagain,” iluk, abok yaganisasikhe higithogoat, ”It an nonggwarek nagainafurio,” iluk Areagun wokhisasikhe andi.

EFESUS 4:11

Nen, sumburogo pelagisa wagaikhe andi ebe re, nit Allah againafuri ninebe mondogat Kristus ebe hangge were'ma, o wutarek hak wurogo ninobagagunem, ninebe mondogat Allah faget hilingiti logouwageluk he, ninebe lombok ninayonggo fuluk menninobagalik lagaikhe andi. It ekhe Allah ane waluk loageluk inayonggo figik, it ekhe Allah ane yagaisikhi logouwageluk inayonggo figik, it ekhe fano wene afuni endakwe mene faget yagaisilik loageluk inayonggo figik, it ekhe Allah againafuri kwelaginarek logolik wene yagaisikhi logouwageluk inayonggo figik, ninebe lombok a'nogo ninayonggo fesikhe andi.

ULANGAN 10:8

Wagaukwama, At nineisena Tuhan tom andiba nen afuni inunggulenu Lewi mene At faget hilingitik, Peti Wene Warogo Aren wo'ninafikhe mene elema kwalek andi waluk lagik, Aren afuni ekhe fanorinafi logouwagaluk enu hombuk palogo yagaisigik, ikhi logouwageluk inebe At onggwarek faget hilingitikhe andi. A'nogo hilingitikhemo, it yabu andi mene hilingitu mondok huli yogondak hilingitoat welagaikharek.

FILIPI 1:1

Hit Allah againafuri Kristus Yesus hinom hundik logolik, o Filipi welagep mene hinebe mondogat inom, fethinarek welagaikharek mene inom, lebethisagarek mene inom, nerugwi nagaila'lak. An Paulus Timotius nemberegen Kristus amingmingengge logolik wene lisu palogo hinoba lak fei wago andi.

FILIPI 2:11

A'nogo kuluk, inambeba lombok nineisena Allah fogerati logolik he: ”Ninoe Enupogot Yesus Kristus andi aro,” iluk, fakhogo ugunat andi.

KOLOSE 1:1

Hit Allah againafuri o Kolose andogoti lagep mene Kristus hinom hundik logolik, at faget hinobabut humbunhogo hilingiti lagep mene nerugwi nagaila'lak, an Paulus Allah endawimo anggasikheba Kristus Yesus nen nayonggo fuluk laknobagai wagaikhemo wagagi mene a'nogo, ninagot Timotius nemberegen wene yi lisu palogo hinoba lakfei wago andi. Nineisena Allah obabut fano a'nogo nen, fano mene wokhisigik, hinendawinggen hambuget hinafik, ikhi logouwago.

KOLOSE 1:25

An he, Allah nen hit faget at againafuri mene mondogat inamingmingengge logouwageluk nayonggo fesikhemo, wene Allah nen isikhe wene andi mondogat yagaisilik nikhi logou hagat yagaisilik nikhi lagi andi.

1 TESALONIKA 2:2

Hit hinoba oan wagi'lek o Filipi andoma were'ma, afuni andoma mene nen inendawinggen weaget fisigik, yi enggin ti enggin hilingninafik, ikhi lagaukwa. A'nogo meneat he, nineisena Allah nen awene fano wene a'nogo ninailo legengge yagahisa wesuageluk hilingninafikhemo wagagusik yagahisikho were'ma afuni hokhorogoaren: ”Wene andi ninabit,” iluk, ugu kwelegat ninomamerogo yagahisikhi lagagu a'nogo hineluaro.

1 TESALONIKA 2:8

Niren hit hinebe ninendawirogo welago andi nen, Allah ane andi nek sumbuthisasugu fuk. Lego. We, hinebe ninendawi mondogen, ninendawimo ninagaiyek anggikhi logolik, ninebe inomat wokhisasugu.

1 TESALONIKA 2:9

Nerugwi nagaila'lak. Nit Allah ane fano wene andi yagahisugunem, yi mene ti mene faget hit ekhe hinoba seget asinogo iluk, nit ninonggwaregen linggene hubanggo ninomamerogo hilingitik, set kwil-kwalhogo hilingitik, ikhi lagagu a'nogo hineluaro.

1 TIMOTIUS 1:1

Timotius namlogo e. Hendawinggen Kristus oba himbiret fesigin andi nen, an namlogo eberogoat agaginmo re, wene yi an Paulus nen lisu palogo hoba lakfei wagi andi. At Allah nen telninaferek mene inom, Kristus Yesus nen fanotninabigin iluk ninendawimo anggikhi lago mene a'nogo inom, emberegenat nayonggo fuluk, at Kristus Yesus faget hilingiti logouwageluk laknobagai wagaukwama wagagi andi. Nineisena Allah inom, ninoe Enupogot Kristus Yesus inom, emberek inobabut fano a'nogo nen, fano mene wokhetik, inendawithafik, hendawinggen hambugethafik, ikhi logouwago.

1 TIMOTIUS 2:7

A'nogo anggikherek andi nen, aren he, ”Haren ebe wene andi afuni endakwe mene nen eberogoat iluk inendawimo anggaluk wanuageluk, yagaisilik nikhi logoino,” iluk, an nayonggo fuluk laknobagai wagaikhemo, yagaisilik nigirek andi. A'nogo igi andi eberogoat igi. Nera nen igi lego.

2 TIMOTIUS 1:11

A'nogo isikhesik, an fano wene andiat yagaisigik, komorinafik, ilik nikhi logouwageluk nayonggo fesikhesik laknobagai wagaikhemo nikhi lagi andi.

TITUS 1:1

Titus namlogo e. An Paulus, Allah amingmingengge logolik, afuni aren wenaginafikhe mene inendawinggen at oba himbiret fuluk were'ma ago warinafik, nen, nit at awe a'ma logolik ebe wene yagaisikhi lago wene a'nogo furogo inelu asuageluk yagaisigik, uageluk Yesus Kristus nen nayonggo fesikhesik laknobagai wagaikhe mene a'nogo nen, wene yi lisu palogo hoba lakfei wagi andi.

IBRANI 5:4

It a'nogo hilingiti logouwogeluk, ”An nebe Allah eisewerek kain logogin,” iluk inonggwaregen menfakhagarek lego. We, at Allah nenat, ap Harun ayonggo fesikhemo menfesukwa andi hak, Allah nen inayonggo fugu halogat menfisagarek.

IBRANI 7:26

Nit ninendawimo nen he, ”Ap ekhe Allah eisewerek nit faget fano katokhogo yi'nogo kain logolik hilingiti logoilebe,” iluk anggogorek mene, Allah nen ninoe Yesus andiat menfesikhemo werego. At obabut he, weak ekhe hilingiti'lek, fano tegelek mondok were'ma, afuni weak hilingitarek mene inendawimo nen tegelogo pogot abel ponggwe po'lima liakfesikhemo nit faget werego.

YAKOBUS 1:1

At Iblis nen hinendawinggen kagaligeluk yi enggin ti enggin hinoba fugunem hinendawimo hinagaiyek hikhi logoni o.

1 PETRUS 4:17

Allah nen ninanema waganogo wene ninoba figik, kotik, igin andi arat horogat asi waga. A'nogo hilingiti logolik he, nit Allah againafuri mene tak ninanema waganogo wene ninoba figik, kotik, igin halok, hobuk it afuni ekhe Allah ane fano wene wanhi'lek mene ninggi'nogo hilinginabigin anggegep.

2 PETRUS 1:1

Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.

YUDAS 1:1

An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.

WAHYU 22:6

A'nogo isigirik were'ma, at malaikat a'nogo nen hobuk yaganeti logolik: ”Yi wene ti wene hilinglagunem yethilik wagen andi re, afuni nen, Wene andi eberogoat, iluk futfogoin mene o. Wene andi re, eil misigat welagi'lek weak-weagat hilinglasigin mene o. A'nogo menere, nineisena Enupogot Allah Areagun it ap at ane yagaisagarek mene wogisikherek mene a'nogo nen, an malaikat en, at amingmingengge mene yagaisoageluk laknobagai wagama wagi o,” iluk yaganete.

WAHYU 22:9

A'nogo meneat he, aren mel yaganete: ”A'nogo fuk! An a'nogo fogetnabugun lego. An nebe re, hat inom hagaila'lak ekhe at Allah ane yagaisagarek mene inom, it ekhe inebe mondogat wene lisu palek yi inesanggo hologo higithogo hilingiti logogun mene inom, ninom higit, ninebe at Allah amingmingengge nek hilingi'mo re, hendawinggen at Allah oba eberogoat himbiret fuluk, at enek fogerasugun o,” iluk yaganete.