RATAPAN 5:7 - Allah Wene Fano Wene Hupla Inane

⁷ Nit ninambu ninombalak weak hilingitukwa mene re yogondak it inebe werek lek, oba nen he it inaweak hilingitukwa meneba yogondak nit ambisangma hikhi lago.

RATAPAN 5:7 ပူးပေါင်းရင်းမြစ်များ

KEJADIAN 42:13

Yagaisasikhemo iren ikhi logolik, ”Ninoe, nit ninebe re nineisena misik mene o Kanaan agun amlogomi. Nit nineisena misik mene nen ninebe 12 en tagongge mene welago, oba nen he ninare misik enek ekhe wa'lagaikhe, nen elabo mene re eisena inom werek kwelek wago,” iluk yagatukwa.

KEJADIAN 42:36

Inailo nek agaukwasik ineisena nen it yagaisikhi logolik, ”Namlogo Yusuf ogo legat, Simeon ogo legat, nen yogondak at Benyamin ogore wanuogeluk ikhi lagepma, namlogomi hiren hilingiti lagep oba an nagainafuri omanogo longgo nek ugunem an hineisena anggolo hurane hikhi lagi yi re, ninggi'nogo nen agi,” iluk isikhe.

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

AYUB 7:8

Yogondak Haren an nebe niikhi lagen oba nen we welagi'legat hobuk ekhe neagain lek. Hobugen Haren an hera'nabigin oba nen he nebe le'ma neagain logou hak.

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

YEREMIA 14:20

Tuhan nineisena, we Hat hobaat niren weak hilingito o. Niren he nit ninonggwarek ninaweak faget inom, it ninombawi inaweak faget inom fageti lago.

YEREMIA 16:11

A'nogo ugu halok, haren he Tuhan nen yi'nogo ikhe iluk yagaisugu nogo, ”Hit hinombawi nen he An herak nobagaluk tugwi kembu amu mene obaget hilingitik, fogeratik, hilingiti lagaukwa. Iren he An nen ugu mene omanogo herakfuluk he, An nen yi'nogo ti'nogo hilingiti logouwageluk yagaisasigi mene omanogo hologo hilingiti lagaukwa mondok lek.

YEREMIA 16:12

Oba nen hiren he ekhe inom hinanini mondok weak hilingiti lagep. Hit he hinendawinggen mondok peterek logolik, kwanirek mene omanogo hinendawimo nen anggaluk enek hilingitu welagep. Hiren An nane hologo hilingiti lagep lek.

YEREMIA 31:15

Tuhan nen ikhi logolik, ”O Rama nen lenggu lengga ugunem inesanggo holhik, inendawinggen heiselhi logolik ngai wai liafunem holhik, ili'lagwi. He Rahel eagwi inebe mondogat longgogama re, konu re elo'lek logolik li le agu mondok werek.

YEREMIA 31:29

Andem sambul he afuni nen ikhi logolik, ”Ap ineisugwi nen enggen arikweak mene nunggunem inagainafuri inaikliraterek andi hak hilingiti logogun lego.

YEHEZKIEL 16:58

Haren mondok weak mene inom, ina'meilo mene inom, hilingiti lagagin mene andoma onggore enggin-fenggin hoba asumo anggolo hagain. Iluk An Tuhan nen nane mondogat igi o,” ikhe.

YEHEZKIEL 18:2

”Nenahalok it Israel mene were'ma yoma nen wene yaleget waganogo agarek mene yi nek ugu mondok logogun nogo? Ap inaluendegen he anggur enggen arik weak mene ninggi logogun, oba nen he inagainafuri nen inaiklirati logogun.

ZAKHARIA 1:5

Ma re, it inambu-inombalak inom it nabi andoma inom yogondak he koma werek nogo? It he, inebe werek lek andi.

BILANGAN 14:18

’An hineisena Tuhan nobabut he, weak-weak na'makwe het-periluk wenagisigirek lego. Nen, hokhorogo nendawirinafik, herakfisigi'lek ferinarek mondok welagik, afuni weak hilingitarek mene inom, inaselei mene hangge hilingnafarek mene inom, sagalogo legetfisigik, igirego. It a'nogo hilingitu kwelek meneat he, it weak hilingiti logogun andiba, onggo re, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat inoba fagain o,’ iluk isigin anggigi.