RATAPAN 5:2 - Allah Wene Fano Wene Hupla Inane

² Nit ninagge ninalolegengge omanogo re ap amu mene inenggiba agaikha, nit ninawi wuri'mo re ap pok mene kwagasik werek.

RATAPAN 5:2 ပူးပေါင်းရင်းမြစ်များ

MAZMUR 109:11

At angge yi mene ti mene andoma re it palegengge werek mene nen onggo wo'nisani iluk kino ugu mene omanogo nen felelenghogo heligik, nen aren set kwil kwalhogo helikherek mene andoma re afuni nen teligik, uak.

YESAYA 1:7

Nen hit hinawi yi awi ti awi omanogo mondogat leget fisaluk, hinawi kota-kota omanogo mondogat he endu fisagaisogo felelenghogo ningge andi. Hit hinelokhoma nenat ap pok mene nen hinanggweang sebeligik, hinangge yi mene ti mene mondogat wolelenggenhogo leget fisigik aga.

YESAYA 5:17

O kota meisale'ma olunkwe andoma kambing eagwi inom domba eagwi inom, engga inom seberogo ninggi logogun oba nen engga andoma legagi'legat logogin.

YESAYA 63:18

Afuni ninaselei mene nen Hat hawi wuri'mo ineisogen alperel isigik, Honggwarek handom oba emetfigik, uageluk herakfisegendik welagen andi re nenahalok?

YEREMIA 17:4

Hit he mondogat nonghong imbik ningginu-ningginu hinanggweang An nen wokhisasigiba omanogo it wogisikhi logogun, nen hit hinebe re it hinaselei mene omanogo inenggiba asimbik o hit hinonggotma andoma nen it inobaget hilingiti logouwageluk hinobagagun. An nanini hit hinoba figi mene andi re endu amulok kulung hikherek andi hak hilingitunem sebeligin he mondok elo'lego,” iluk ikhe.

YEREMIA 6:12

It inawi re ap amu mene inoba wogisogoin, andi nek fuk oba nen it ineabu kwe inom, inagagwi inom ogore wogisogoinat. Afuni o kweang yiba welagaikharek mene mondogat he An nen unggum wogisagain.

YEHEZKIEL 7:21

Tuhan nen unggulenu Israel meneba yagaisikhi logolik, ”An nen hit hinebe ap pok mene nen telogo wokhinarek loageluk neilenggen fagain. Ap kwanirogo hilingitarek mene andoma nen hit hinangge andoma telambik emerogo hilingfogoin.

YEHEZKIEL 7:24

Ap inunggulenu inanini mondogat weak mene re hit hinawi wuri'mo andoma kwi wesimbik logouwageluk An nen lakfisa wesigin. It ap inunggulenu andoma nen hiren wene kabogeti lagep oba omanogo mondok wolelenggenhogo fouwageluk An nen herakfisamo re ap hit mene inanini logolik hinebe hokhondek logogun meneba nen ogore inoak leigesugun.

HOSEA 8:7

An nagainafuri nen sogoi awi yatu halok he enggen he sielu palikhi logogun! Gandum yabu yago mene wurik agu lek halok he nunggu mene faget gandum weregabet fakhikhi logogun lek! Oba nen gandum andoma wurik asi le'ma nen ogore ap inunggulenu amu mene nen ninggi logoilep.

HOSEA 8:8

Iwak kweang mene halogeterek hak, Israel mene re mondok weak agaikha, nen it inebe re inunggulenu amu mene hilingik hakhogo hilinglagaikha. Ma re Israel en yi'nogo ti'nogo ekhe hilingisugun mondok lek.

ZEFANYA 1:13

It mene inangge yi mene ti mene re mondogat telogoin, nen it inawi wurik he mondogat wolelenggen isogoin. Ma re iren inawi wurikhi logogun oba nen inebe logogun lek, nen it ineabu anggur yabu helikhi logogun oba nen enggen iti logogin mene andoma re it ekhe ninggi logogun legaro,” iluk yagaisasikhe.