RATAPAN 4:6 - Allah Wene Fano Wene Hupla Inane

⁶ It Sodom inap inoba afuni nen yi'nogo ti'nogo ekhe hilingiti'le'ma nen unggum Allah enggiba nen ferekhogo wogisikhe mene andi re mabensek oba nen, an nagainafuri nek he unggum engginhogo wogisikhe.

RATAPAN 4:6 ပူးပေါင်းရင်းမြစ်များ

KEJADIAN 19:24

Aremnogoat Allah nen meiso endu mene inom hendali al hangge amben weak mene enu belerang inom o Sodom Gomora pelabi wagaikhe.

KEJADIAN 19:25

A'nogo pelabi wagaikhemo, o kota pire andi arat weagetfikhi logolik, o tonggwe mondogat inom, yi mene ti mene inom weagetfigik, afuni inebe felelenghogo inoatik, isikhe.

YESAYA 24:2

A'nogo hilingitunem afuni mondogat he obabut higit mene andi nek hogoin. A'nogo hogoin mene andoma re it imam-imam inom, afuni we mene inom, inamingmingengge alage mene onggoba palinafarek mene inom, ineisugwi mene inom, inamingmingengge helime onggoba palinafarek mene inom, hemi inagaisawi onggoba palinafarek mene inom, inangge we elama wanharek mene inom, elama kinorinafarek mene inom, inenggi werek mene inom, inenggi lek mene inom, we misigaple andi nek hogoin o.

YEREMIA 20:16

Ap wene waluk laga mene andi re o kota Tuhan nen endawirati'lek wolelenggen isikhe mene andoma higit logouwak. At andi o hubet he heinet watunem holhik, nen lingge tulem weim abolok enek ugunem holhik, ikhi logouwak.

YEREMIA 23:14

Oba nen he, o Yerusalem oba andoma re it nabi-nabi nen ina'mage mondok weak meneba hilingitunem isigi. Iren he ineranen wene igik, babi hilingitik, afuni weak mene hilingisuageluk onggo palinafik hilingitunem he, ap misik iluk ogo inendawinggen hebelu elo'lek hilingi'mo higi. Ma re An nen it inebe mondogat faget he afuni o Sodom inom Gomora inom inanini mondok hokho mene welagaukwa hakhogo werek yi ambi iluk anggigi.

RATAPAN 4:9

It inangge nunggu mene legen inebe aninurogo enggin-fenggin hugu wela'luk orok-orok wa'lari'lagwi, it ap weim oba nen wa'lari'lagwi mene andoma re fano oba nen sumburu nele nen wa'lari'lagwi mene andoma nek he mondogat enggin sek.

DANIEL 8:25

At awenggelek mondok weak logolik hilingitunem he aren lalogo hilinginafu mene andoma re ambisangma higit enek aga logogin. At ebe onggwaregen leget fakhikhi logolik attak ineluet figi'legengge mondabi weagerinafi logogin. Andi nen At Raja Mondok Hokho mene a'nogoba nen ogore ailo lek engge, inom weim yafi logogin. Oba nen at ebere afuni inomameba re lek oba nen amu wolelenggenhogo lek asigin.

DANIEL 9:12

Haren he, nit ninogogwi fetninarek welagaikharek mene omanogo ninom yaganisikhi logolik, Afuni o kweangma yi awi ti awi welagaikharek mene andoma mondogat wene weak mene inoba figi'lek enggere, hit afuni o kota Yerusalem mene nek he wene enggin mene hinoba fagain o, iluk isigin higithogoat hilingninafen o, neisena.

MATIUS 24:21

O andi sambul weagat asigin andi re, omanggum Allah nen yi mene ti mene elalhikhe andi huli nen pikhit, o yogondak ya huli re, andi hangge ekhe hilinglagi'lek. Nen, hobuk ekhe mondok hilinglasigin lek meneat he, misik sambul faget andiat weak hokho hilinglagunem hogoin o.

LUKAS 10:12

Hobuk o wurep oba re, it afuni o Sodom mene andoma Allah nen inoasigin meneat he, andi endebat hago. Mene re, o sili hit wokhinabugun lek mene andoma nek he, Allah nen hokhorogo inoasigin o, iluk, yagahisikhi lagi o,” iluk yagaisasikhe.

LUKAS 12:47

Ap amingmingengge mene ekhe endawimo nen he, an noe nen, yi'nogo hilingisogo nobagailep, iluk endawimo anggikherek mene elu logoligat he, hilingisogo fisigi'lek logogin halok he, ap andi yei ou werek wasi wesigin o.