RATAPAN 4:4 - Allah Wene Fano Wene Hupla Inane

⁴ Inomalik fou mene eilak wogisigi'le'ma inendawi age fulunghugu nen wa'lari'lagwi, yenggerugwi oan mene re inamburu nunggu mene kinori'lagwiba nen ap it wogisugu mene ekhe werek lek.

RATAPAN 4:4 ပူးပေါင်းရင်းမြစ်များ

2 RAJA-RAJA 18:27

A'nogo yagatukwama, aren he, ”Nit afuni Asyur mene ninoe raja nen he hit hinoe raja faget enek yagasuageluk laknobagai waga anggikhi lageba? Lego, we hit inom, afuni leget eisiale bene werek oma hinomat, hinonggwarek hinal, hinamise nogoin mene andi faget, hinebe mondogat yagahisoageluk laknobagai wagama yagahisikhi lagi o,” iluk yagaisasikhe.

2 RAJA-RAJA 25:3

Tahun 11 andiba, tugi it afuni Israel mene nen inenggi wenati lagaukwa higithogo 4 mene tanggal 9 oba asi lagunem, afuni Yerusalem mene sumburu ouwak mondok weak agaikhesik, inamburu lek were'ma re,

MAZMUR 137:6

An nen hat hoba nonggoret hobagagi halok inom, Nen an nagaiyek hoba fugu mene hilinghobagagin lek halok inom he, an nen wuni ekhe inom wasu lek hago.

MAZMUR 22:15

I kweisalhugunem lek agarek hak, nomame mondok lek agik, noak mondogat enggalim oba nen orolhigik lagunem hangge welagik, nendawinggen kwe wam sei nunggunem hakhogo amok le'legenggetunem welagik, hilingiti lagi o.

YESAYA 5:13

A'nogo hilingiti lagep andiba re An Nagainafuri wonghogo werek mene andoma ap hele warinarek lagaikharek mene hakhogo woginarek logoin andi. Nen, it ap yagaisagarek mene inom, afuni we mene inom he, inamburu inom, inagai inom, nele nen wa'lasugun.

YEREMIA 14:3

Afuni inenggi werek mene imamingmingengge omanogore i yi kwe ti kwe herasi loageluk miming inabi'lagwi, a'nogo miminginafunem lagaikharesik i mogo habulikwe omanogo heratarek mene re i mondogat firitokhogo le'ma nongasi lili'lagwi. Andiba re iren inagaiwak hinasugun iluk waluk lagaikharek mene omanogore oak waganogo ambotkwe waluk weri'lagwi. Iren inobakheindok palogore inendawinggen weak a'luk inenggali nen inelokhe salsal weri'lagwi.

RATAPAN 1:11

O andiba afuni werek mene re, inane yabul watu logolik nunggu mene herakhili'lagwi; Nit wa'lago hanogo iluk ineluk logogun mene faget he, it inangge onggo hokho meneba palharek mene omanogo re iren we roti inom awari'lagwi. Yerusalem en humeti logolik, ”Tuhan neisena, an heilenggen nean o, an enggin-fenggin hikhi lagi mene yi kwela'nean,” ili'lago.

LUKAS 10:11

Nit-hit hinaiba logolik kweang aling nineisok oba labulaga mene yi, hit weak iluk hineilhanem horogo herakfisogo yi. Hinendawimo nen, Allah awe a'ma ninobagagin oba arat yogondak horogasi waga o, iluk, fanorogo futfikhi logoino, iluk yagaisano.

ULANGAN 28:48

Andiba re, hiren it ap hinaselei mene At hineisena Tuhan nen hit hinom weim yabuageluk lakfisa wesigin mene andoma inobaget hilingiti logogun. Hit hinebe hinamburu ouwak agik, hinagai nele agik, hinalfulukwa kogouk welagik, yi mene ti mene mondogat hinelagaik logolik hinenggi lek welagik hilingiti logolik, At hineisena Tuhan nen a'mageba fethinarek werek kwelek enek hit hinebe mondogat wa'lasugun.

ULANGAN 32:24

An nen inailo mene, it inoba fagain andi nen, it inoba aganhan nen, inebe wa'lasugun, wam maro aik anini, weak mene nen palinafi logouwagaluk, kisu afuni inoaterek mene nen, aik palinafi logouwagaluk, it inebe herakfisagain.