RATAPAN 3:52 - Allah Wene Fano Wene Hupla Inane

⁵² Wene ero lek kwelek it naselei mene nen an inabit noba fikhi logolik, afuni nen sue wasuogeluk murok lagaikharek hak mu'narek weri'lagwi.

RATAPAN 3:52 ပူးပေါင်းရင်းမြစ်များ

MAZMUR 109:3

Iren he inane mondok inabsiriba li'norogo hilingnobagali'lagwi, nen wene ero lek kwelek oba nen he an noasuogeluk weri'lagwi.

MAZMUR 11:1

Afuni nen wuni wulak fuluk inebe seberogo ugunem melalinafu mene faget, at Daud awuni yi. An he Tuhan awea'ma kuluk welagimo re, afuni nen yaganeti logolik, ”Sue tom oba tarogo lagarek hak hat he hebe honggwaregen hagap telan o,” iluk yaganetarek mene andi re a'nogo yaganesumo re elo'lego.

MAZMUR 119:161

Wene ero lek kwelek he ap inomame werek inaben mu'niili'lagwiba nen, an he we Hat hawene melalek andiba nek nailorogo welagi.

MAZMUR 124:7

Nit ninebe sue hele fili'mo nen ke'nok uluk were'ma fikhalharek andi hak, nit ninebe a'nogoat fikhalogo ninobagasiginmo welago. Hele andi tekhogo telninafiginmo welago.

MAZMUR 35:19

Wene ero lek kwelek it afuni an ninom eilhogo hilingnobagali'lagwi mene andi nen, an yenggerugwi kwil kwalhogo hilingnobagauwageluk heraknobagagun o. Wene ebe inonggorengge nen an inabiret nobagali'lagwi mene andoma iren inane weak hokhorogo noba fouwageluk herak nobagagun o.

MAZMUR 35:7

Iren an hele watnabugun mene iluk nobaget hele webetik, kweang pogole habulhik, hilingiri'lagwi andoma re we elalinat hilingiri'lagwi.

MAZMUR 69:4

An nane hokhorogo yagahetu werek kwelek nomame mondok lek a'luk nalonggobele puk agunem welagi, neisena Allah nen telnabi wesigin iluk yetharek were'ma-were'ma re, neilenggen mondogat ou agunem welagi.

YEREMIA 37:18

A'nogo igirik an nen heinok wokhikhi logolik, ”An nen na'mageba neisena hat hoba inom, afuni hat ha'ma logolik yabu hilingiri'lagwi mene inom, athe afuni we mene inoba inom weak ninggi'nogo mene hilingitimo an nebe hele warogo kwelaknobagegep nogo?

RATAPAN 3:51

Nit nina'logomi o kota niren meneba oma isaluk he an nendawinggen mondogat heiseli'logo o.

YOHANES 15:25

A'nogo meneat he, Allah nen yi'nogo hilingi'no, ti'nogo hilingi'no, iluk komorinafikhe wene andiba, ane yi'nogo lisu palek werek: wene ero le'maat, iren an inabiret nobagasukwa, iluk isikhemo, lisu palogo fesukwa mene andi ebe asuageluk a'nogo hilingiri'lagwi o.