RATAPAN 2:9 - Allah Wene Fano Wene Hupla Inane

⁹ Kwe ambe hokho mene palek kwe omanogo mondogat he kweang en salhe, e nunggulik sobangsek mene omanogo sombologo pikhe; raja ebe inom, it pemerintah ba yabu legoma hilingitarek inap omanogo inom he, mondogat huginabi lagaukwaba omanogo lagaikhasik werek. Tuhan awene melalek omanogo yanggulinabi'lagwi lek, it nabi re Tuhan nen ogo husumbi ekhe yagaisili'lago legat.

RATAPAN 2:9 ပူးပေါင်းရင်းမြစ်များ

2 RAJA-RAJA 25:7

Unggum oba a'nogo fesikhesik, at Nebukadnezar en, at Zedekia eilhanem onggwarek againafuri inebe inoatik, Zedekia ebe eilenggen hemelhik, isikhesik enggi hele tembaga meneba warogo o Babel waluk lagaikhe.

2 TAWARIKH 15:3

It afuni Israel mene a'nogo re o inenggi aninurogo andoma Allah eberogo mene a'nogo obaget hilingiti legengge welagik, inawene melalek it hologo hilingitu mene ogore, legengge welagik, it inogogwi imam en it yagaisugu mene ogo legenggeat welagik, hilingik welagaukwa.

NEHEMIA 1:3

Heinok a'nogo wogisasigimo, iren he, mel yaganetukwa: ”Afuni Yahudi mene o Babel wo'ninarek wagaukwa mene hobuk inambotkwe inawi eroma lagaukwa mene omanogo re, yogondak ap pok mene inanggelekwe werek mene omanogo nen yi enggin ti enggin inoba figik, inendawimo wiik-weakhogo hilingfisigik, ugunem mondok weakhogo werego. Nen, endamat o kota Yerusalem leget pa'leget wurik welagaikhe mene meisak lambukhogo lakfisigik, kwe ebekwe leget pa'leget ambe palek mene endu nolhik, isukwa mene omanogo hobuk agauak hilingiti'lek mondok meisalegat werego, noe,” iluk yaganetukwa.

MAZMUR 74:9

Nabi inom, elalin hilingiri'lago mene omanogo inom he elokhe endephogo ekhe weinam ari'lago lek, nen o yoma andem huli a'nogo nek logogin iluk he ap misigen ogo ekhe elu werek lek.

YESAYA 24:12

Kota andi elonggoma mondogat weak peakhogo sel kwelisamo re ebekwe kugukwe omanogo mondogat meisalhigik pimbik mondogat weak asigin.

YEREMIA 14:14

Oba nen Tuhan nen onggo ikhi logolik, ”Nabi andoma re An nenuba ineranhogo wene waluk waga lagaukwa. An nen it yonggo lakfisa waga lagagi lego, nen An nen it inoba miming inafik, weneane ninom igik ikhi lagagi legaro. Iren ninabikanggo yi'nogo hogo iluk tindelharek mene andoma re An noba nen he fuk, iren he hobuk hilinglasigin mene faget ikhi lago iluk it inonggwarek inendawimo nen kagalogo we tulemat mene omanogo faget ili'lagwi o.

YEREMIA 23:16

Afuni o Yerusalem werek mene inoba re Tuhan Omame Mondok Hokho mene a'nogo nen ane ikhi logolik, ”Hiren he it nabi nen yi'nogo ti'nogo iluk yagahisagarek mene andoma inane holu fugo. Iren ili'lagwi mene andoma re An nen ini iluk igirek mene re fuk, oba nen he, it he inonggwarek inendawimo nen wenggelogo ili'lagwi.

YEREMIA 39:2

Nen, at Zedekia ebe raja werek kwelek enek tanggal sembilan tugi enggaminogonek mene tahun nesanggo meneba werek kwelek he o kota leget pa'leget waganek mene a'nogo selei mene nen langgukhogo lakfisagasik,

YEREMIA 39:8

A'nogo hilingitu kwelek aremnogo re ap Babel inaben he at raja awi sili a'nogo endu fatik, afuni inawilokwe mondogat endu nolhik, o Yerusalem leget pa'leget waganek welagaikhe mene omanogo meisak langgukhogo lakfisigik, hilingitukwa.

YEREMIA 51:30

Tantara Babel mene re weim yafu aple herakfisagasik he o inamu tegele'ma inalele himbirik oba omanogo kwagasik werek. It he, inailo lek hilingitarek mene a'nogo longgo ikhemo re inoak nonggok ikhemo werek. O kota bene kwe hokho ambe palek mene omanogo re afuni nen langguk isaluk kwi wagaikha, nen o wurik he mondogat endu faga.

YEREMIA 52:14

A'nogo hilingitikhesik, at agoromi mondogaren he o kota leget pa'leget a'nogo langgukhogo lakfesukwa.

RATAPAN 1:3

Afuni Yehuda mene re sebelogo ferinarek logolik inomameba wiik weakhogo hilingfisugunem enggin weak-peakhogo hugu mondok logolik he, it inawi eroma omanogo herakfisaluk wulifa. Yogondak it inebe re inoba yamukhogo inendawinggen hambuget haluk werek aplere elo'lek agunem, ap inunggulenu amu mene inanggelek kwe omanogo werek. It a'nogo enggin elo'lekhogo hugu were'ma, it inaselei mene we'luk he hukhogo kwelaginabi waga lagaikha.

RATAPAN 4:15

Afuni nen ikhi logolik, ”Hit he hinebe emerek welagep, nit senisugu lek, yoma nen sugulogo lani!” iluk agarek. Ma re it inebe o leil warik it inunggulenu lombok werekwe omanogo nen it inunggulenu ekhe mene werekwe lili'lagwiba nen, ap misigen iluk ekhe yoma femhogo logoni, iluk yagaisili'lagwi lek.

RATAPAN 4:20

Iren ap raja Tuhan nen wenago mene a'nogo seneta, ap iren anggikhi logolik nineluk wo'nisa mene, nen nit ninaselei mene inoba nen aren telninabu mene. iluk anggikhi lago mene a'nogo re iren seneta.

YEHEZKIEL 12:13

Oba nen he An nen nasu kwalhu asu a'nogo at ebe kwalasuageluk ambe hokhorogo wurilogo fagain. Andi nen An nen at ebe waluk o kota Babel lambik he, andoma nen o kota andi aren eilenggen endephogo ekhe higi'legengge wa'lasigin.

YEHEZKIEL 17:20

An nen at hele wasigiluk he su ikan watarek asu andi hangge meneba elema kwalasuageluk webet fagain. At ebe An noba tiphogo hilingiterek lek andi nen he An nen o Babel waluk lambik andoma nen unggum wogosigin.

YEHEZKIEL 7:26

Yi enggin ti enggin inom wene weak mene inom hundik-hundik wagunem, iren ap nabi hobuk yi'nogo asigin iluk agarek mene omanogo inoba heinok woginabugun oba nen he, irogo hilingiesu elo'legat hilingik logogun. Nen, it imam en afuni inoba yagaisa mene ogore elo'legat agik, ap melalinafu mene ogore it inawene komo wene lek agik, ugun.

HOSEA 11:6

It afuni Israel mene inonggwarek inendawimo anggaluk hilingiri'lagwi andiba re, ap tentara nen inoasuogoluk it inaiba kota kwi we'luk, inebe inoatik, inaleget pa'leget ambe palek omanogo mondok weaget figik, ugun o.

HOSEA 3:4

A'nogo yagatigimo At Allah nen he, ”Andi hagat afuni Israel mene inenggi hokhorogoat inoe enupogot inom, inogogwi kaindek at enggi ebekwe mene inom, le'ma logolik, wam warogo An nolnetik, afuni inalik hilingik mene oba himbirik logouwogeluk menegeisogo figik, tugwi kembu fisogo welagik, hobuk hilinglasigin mene faget inelu asuageluk hilingitarek mene fisogo welagik, ikhi logogun lego.

AMOS 1:5

O Damsyik kwe ambe palek hokho mene andoma An nen mondogat weaget fisigik, afuni o Awen tonggoma welagaikharek mene andoma, inebe werek oba andoma nen felelenghogo mugusogo wulakfisigik, igin o. At Bet-Eden along welagarek agun andi re at ebe hurek welagarek oba nen An nen pelabi wagik, nen afuni o Siria welagaikharek mene hele warogo woginarek o Kir kweang oba andoma loageluk hilinginafik, igin o,” ikhe isikhe.

ULANGAN 28:36

Hit inom hinoe raja inom At Tuhan nen o kweang hit hinonggotma, hit hinombawi nen ogo inonggotma wokhinarek lagain o. Hit andoma logolik he hiren tugwi kembu e mene helep mene alik waganogo hilingfuluk fogerati logogun.

ULANGAN 28:63

At hineisena Tuhan nen agaiyek oba hit hinangge yi mene ti mene werek enek logouwageluk wokhisigik, hinebe ekhe inom hokhot hinobagagik hilingiterek hak, Arenat agaiyek oba hit hinebe hinoatik, leget hinobagagik igin. O kweang horok yogondak ya kwilambik logogun oba andi nen henogo wulak hinobagagin.

1 SAMUEL 28:6

A'nogo ailo agaikhesik, Tuhan nen, ”Yi'nogo hilingi'no,” iluk yaganesuageluk he, abiba ogo, oagengge hukhagarek mene enu Urim, Tumim oba ogo, athe, ap Allah ane yagaisagarek mene inoba ogo, ekhe yaganesugun hea iluk kino yagatikhe mene re, at Allah nen onggo yagati'lek kamo isikhe.