RATAPAN 2:8 - Allah Wene Fano Wene Hupla Inane

⁸ Tuhan nen anggikhi logolik o Sion oba leget pa'leget waganek mene andoma mondogat, molulukhogo puak iluk wene tekhogo ikhe. Leget pa'leget waganek mene andoma mondogat molulukhogo pigin iluk, Aren ilirengge fena-fena mondogat waganogo fikhe. Leget pa'leget waganek mene inom, ap lagaluk kagalek werek oba wurogo liabek omanogo inom yogondak he mondogat halokhogo kabok lagali'lago.

RATAPAN 2:8 ပူးပေါင်းရင်းမြစ်များ

2 SAMUEL 8:2

Andi nen it Moab inap ogo inomame leget fisasikheat. A'nogo hilingfisikhi logolik it inebe henagan menere kweang kwe weing la'ni iluk misik ekhe herakfikhi logolik it inebe pire mene halok enek he inoarik lagaukwa. Andiba re it afuni Moab mene re at Daud a'ma sebeluk afuni ap lego mene ekhe nen a'ma sebetu mene omanogo nen onggo wogeti lagaukwa higithogo at Daud oba wogeti lagaukwa.

2 RAJA-RAJA 21:13

Afuni Yerusalem inap andi re, An en o Samaria inom hun raja Ahab afuni Israel mene inoe a'nogo inom at eisok erokwe mondogat inom wene inoba fesigi hak wene inoba fagain o. Nen piring i sobalogo afe hebel fagarek hak An nen afuni o Yerusalem mene andi mondok horogo leget fisagain o.

AYUB 13:21

An noba enggin-fenggin fugu mondok welagen mene andi re, Haren elalinhogo hilingiti lagen mene andomaba an noba fei wesu fuk!

YESAYA 22:5

Eberogo nen Tuhan Mondok Lego logolik Omame Mondok Hokho mene a'nogo nen he o Lembah Penglihatan yoma nen nonghong isigik, youk laginafik, inane sagalpagal isigik hilingisigiluk o linggene yiba arat wenagaisogo fikhe. O kota leget pak omamerogo waganek mene omanogo re arat molulukhogo fikhe. Nen, iren lebetnisani iluk inane kweri'lagwi mene omanogo re afuni punukwe welagaikharek mene omanogo nen inane holi'lagwi.

YESAYA 28:17

Katokhogo hilingitu mene andi re heleba ilirenggerogo fagain, nen higithogo hilingitarek awene andi re, o wuti logolik helebenggen hele kelogo walhagarek mene andiba walhogo fagain o,” ikhe. Hiren hineranhogo mene faget hinendawinggen oba himbirik welagep mene andi re meiso sogenggen helebenggen higit pelafi logolik felelenghogo waluk lagik, nen, hit hinebe hina'laga lagep oba andoma re i fu nen felelenghogo waluk lagik, igin o.

YESAYA 3:26

O kota kwi lagaikharek oba kwe ambe hokho mene pale'ma andoma re afuni nen le yagaisogo fong wati logogun, nen inawi kota andi re hemi inalfulukwa kogouk hilingfisugunem kweangma hurek welagaikharek hak hilingik logogin.

YESAYA 34:11

Sue siomayo inom, tabi hangge mene enu landak inom, sue sumu-sumu inom, sue gagak inom, o andoma logogin. Tuhan nen kweang andiba attak pogot kweang walhigi'lema hilingik welagaikhe hakhogo we hesangge-pesangge afe hale'legengge hilingfoumo logogin.

YESAYA 5:5

Halok he an neabu anggur yabu andi faget he yi'nogo hilingisigin: Leget haningisogo waganek mene andi re mondok meisalogo pot fisamo re, wam maro eisogen altam-tamhogo weagerogo fagain.

YEREMIA 14:2

”Yehuda re awi kota omanogo wa'lasu hak hilingitu nen endawinggen heiselhi logolik werek. Afuni o andi mene re kweangma wengik logolik limamit fali'lagwi, Yerusalem he lebetnabuageluk oak heinet wari'lago.

YEREMIA 5:10

An nen he ap selei mene nen it inangge anggur yabu weagerogo fouwageluk lakfisa wesigin o, oba nen mondogat leget fisoageluk he fuk. E anggur enggi andoma re An mene werek lek andi nen he, An nen ap it inom weim palek mene andoma nen lebegesuageluk inayonggo fagain.

YEREMIA 52:13

At Nebuzaradan nen he Tuhan awi a'nogo inom, raja awi sili inom, o Yerusalem oba nen ap yi kaindek ti kaindek inaiba inom he mondogat endu nolhikhe.

RATAPAN 2:17

Tuhan nen a'nogo hilinghinobagagin iluk nit ebesuageluk yaganisikhi laga mene inom, Aren ebete mene inom, a'nogo mondogat hilingite. Nit he endawit ninafi'lek mondogat wolelenggen hogo ninobagaikhesik, nit ninaselei mene re inomanet fisikhe. Nit a'nogo weaget ninobagagunem nisaluk, it ninaselei mene inagaiyek hoageluk hilingfisikhe.

RATAPAN 2:18

Yerusalem leget pa'leget yi re, Tuhan enu hombuk palin o! I lingge hundik hup hundik lagarek hak heil amusu lilogo pelabin o. Palfigi'lek le agu mondok werek kwelek enek he hebe mondogat korosonget heoago!

RATAPAN 2:2

O Yehuda kweang oba engga lei werek mene omanogo re, Aren endawi higi'lek mondogat wolelenggenhogo lakfisikhe. At a'mageba re o kota andiba leget hukhogo ning-maniberogo waganek mene omanogo langgukhogo lakfisugunem he halik-halokhogo hilinglaga laga. O kerajaan andi inom nen ap kaindek o andoma ferinarek welagaikharek mene inom he, Aren sebelfisikhemo re mondogat sebelek mene agaikha.

RATAPAN 2:5

Tuhan he nit ninaselei mene higit agasik, Aren Israel yei warogo al perelogo fikhe. Aren he leget omamerogo hukhogo waganek mene inom, ap raja ebe were'ma o sili omanogo inom mondogat wolelenggenhogo lakfisikhe. Nen, afuni Yehuda mene inoba re fong ekhe inom hokhorogo watu logouwageluk hilingfisikhe.

YEHEZKIEL 20:22

Oba nen it inunggulenu ekhe mene ekhe mene mondogaren An nen unggulenu Israel mene o Mesir en woginarek wulibi wagunem neasukwama re, Nenu weagerogo feinogoluk hilingitigi lek.