RATAPAN 2:6 - Allah Wene Fano Wene Hupla Inane

⁶ Aren he At onggwarek aiba, it At againafuri mene kaboge'luk At fogeratarek oba a'nogo mondogat wolelenggenhogo lakfisikhe. Afuni nen inenggi sabat oba inom nen linggene hokho mene ekheba inom inonggorasuageluk hilingisogo fisikhe. At Tuhan anini mondok hokho meneba re it imam inom, raja inom omanogo abiren herakfisikhe.

RATAPAN 2:6 ပူးပေါင်းရင်းမြစ်များ

MAZMUR 74:7

Iren he, Hat fogethafarek oba omanogo emetfuluk he, o Hat hebe welagen oba a'nogo wolelenggenhogo endu fari'lagwi.

MAZMUR 76:2

At Allah re it afuni Yehuda mene were'ma andoma mondogaren he inelu nek, nen it afuni Israel mene were'ma andoma re At enu nek sagarek werek.

MAZMUR 80:12

Enggi talogo lagaresik he, i laut tengah huli andomaba hilingi'mo, erembul he i Efrat huli sebelogo werek.

MAZMUR 89:40

Haren he, yi'nogo hilinghabigin iluk, hamingmingengge wene waretigin mene a'nogo re, leget fisegen. at ebe enupogot logolik angge kware-kware puksek mene fesimo woukmirogo lakfisegen.

YESAYA 1:13

Hiren hinangge yi mene ti mene An nobaget fogoin iluk waluk waga lagep mene andoma re we alomarogo waluk waga lagebo. An nen amben sang haluk he hebak nafe ari'logo, hiren tugi ket mene lagai wagunem kabogetik, linggene esin meneba kabogetik, linggene An nobaget enegenggerogo fuluk kabogetik hilingiti lagep mene andoma re nabiren he kwelakhinarek logou re nabit nabi'lago. Andoma mondogat he hiren weak hilingiti logolik hilingiti lagepma re, An noba enggin fengginhogo hilingnobagakhi lagep mene andire nabiro. An nen hilingisu re mondogat nabit ari'lago.

YESAYA 1:8

A'nogo hilingiti logolik he, we hit Yerusalem mene nek herak hinobagagama welagep oba nen he o sabu anggur yabu hea, kulu yabu hea, we elama faget wurik welagarek andi hak, hinawi kota aben maserogo kwelabe'ma afe ingang igi'lek werek andi.

YESAYA 43:28

ap An eisewerek mene nen An nawi wuri'mo omanogo emerogo figik isukwa andi. Ma re, hit afuni Israel mene it ekhe nen inendawimo seramet hinobagauwagaluk inenggiba hinobagagik, hit Yakub en tagomangge mene yi hinebe mondok legethinabuageluk herakhinobagagik, igin andi o,” iluk ikhe.

YESAYA 5:5

Halok he an neabu anggur yabu andi faget he yi'nogo hilingisigin: Leget haningisogo waganek mene andi re mondok meisalogo pot fisamo re, wam maro eisogen altam-tamhogo weagerogo fagain.

YESAYA 5:6

Arigin foumo re yi engga ti engga weak mene sagarogo wulibigin. nen anggur ebe mene andi ogore enggi tegeti'lek herakfisamo re selegerati logogin lek. Arigin foumo re engga inom alok alogengge inom hokhorogo wilibimbik sebelek logouwageluk herakfisagain, nen ohena nen ogo at oba meiso pelabi wesinogo iluk nane waik paliginat,” iluk ikhe.

YESAYA 63:18

Afuni ninaselei mene nen Hat hawi wuri'mo ineisogen alperel isigik, Honggwarek handom oba emetfigik, uageluk herakfisegendik welagen andi re nenahalok?

YESAYA 64:11

Hat Allah honggwarek hawi horek mene nit ninombalagen fogethafi lagaukwaba a'nogo endu nen arat ningge o. Nen, o nit ninamolo mene mondogat meisak lambukhogo potfisagama werego, neisena.

YEREMIA 17:27

Oba nen he hiren An nane hologo hilingiti'lek, linggene Sabat mene andi An nobaget enogo figi'lek, nen linggene sabat mene andiba kwe ambe palekwe andi nen hinasungge salmakhaluk wulibi lagik hilingiti logogun halok he, o Yerusalem kwe ambe palekwe andoma inom ap raja ebe were'ma andoma inom An nen endu oba mondogat foumo re endu andi re nagulu elo'lek logogin o, iluk ikhe yagaisano,” isikhe.

YEREMIA 42:18

An Tuhan, afuni Israel mene ineisena Allah a'nogo nen na'mage lagagunem, nanini hokho mene aga lagaikhe mene a'nogoba afuni Yerusalem mene inoba fesigi hak, hit o Mesir logoin mene hinoba ogore An nen andi higirat hinoba fagain o. Afuni nen inamel-melhogo nek kwelakhisikhi logogun. Hit he litnot hinobagakhi logolik, hinenu re afuni homan ikfisagarek mene iluk salogo yagahisikhi logogun. Hit he hinanggweang hinamep pisikheba yoma ekhe hogoin lek ikhe o,’ iluk yagaisigi.

YEREMIA 45:4

Barukh ahwi! An Tuhan nen wutirek mene andoma re An nenat molulukhogo lakfisigirego, nen, An nen yatirek mene andoma re An nenat henetirego. O kweangma mondogat he An nen a'nogo nek hilingiti lagi.

YEREMIA 50:28

(Afuni o Babel en heise o Yerusalem wagaikha mene nen he, nit nineisena Tuhan Allah a'nogo nen it Babel mene nen Tuhan Awi wurik a'nogoba hilingfesukwa mene a'nogo faget onggo hilingfikhe mene tindelha.)

RATAPAN 1:4

Linggene hokho meneba re, afuni misik iluk ogo ekhe Allah Awi wuri'mo omanogo weri'lagwi lek. Helime wuni watarek mene omanogo re enggin-fenggin hili'lagwi, nen it imam-imam omanogo re inendawimo weakhogo limamit falhu werek. O kwe ambe palek hokho meneba omanogo re afuni ekhe werek mondok lek, nen o kota Sion a'nogo re fong warogo werek.

RATAPAN 4:16

Tuhan he At onggwaregenat againafuri omanogo telfol isigik, it imam omanogo legeisogo fisigi'lek hilingitik, it inogogwi kaindek mene omanogo endawirinafi'lek welagik hilingiti logolik, Aren it againafuri omanogo endawirinabi'lago lek.

RATAPAN 4:20

Iren ap raja Tuhan nen wenago mene a'nogo seneta, ap iren anggikhi logolik nineluk wo'nisa mene, nen nit ninaselei mene inoba nen aren telninabu mene. iluk anggikhi lago mene a'nogo re iren seneta.

RATAPAN 5:12

Nit ninogogwi kaindek omanogo re aben fakfisagasik he e ba porogo fisaga, ap yaman agaikha mene omanogo re afuni nen ekhe agaugwet fisili'lagwi lek.

YEHEZKIEL 17:18

Andi re aren ane hombuk palhe mene inom, wene wate mene inom, taganhogo hilingitemo re at ebe heise polokhogo wulibigin lek.

IMAMAT 26:31

Hit hinawi kota mondogat he An nen meisalogo foumo o meisalek enek kabok lagakhi logogin, hiren fogerasi laga-lagep kwe andoma re An nen halik halokhogo fagain, nen hinanggo warogo noli waga lagep mene re An nen wanigin lek.

ZEFANYA 3:18

Hit hinobaget Aren he, afuni seni isati logolik hilingitarek hak, wuni agaiyegoba wari'lago. Tuhan nen ikhi logolik, ”Enggin fenggin hit hinoba asi weri'lago mene andoma An nen waganogo herakfisagain o. Nen, it ekhe nen at andi re yiginik-tiginik iluk weaget hinobagali'lagwi mene andoma re An nen horogo herakfisagain.

MALEAKHI 2:9

Hiren An nane hologo hilingiti'legengge hilingitik, afuni An nagainafuri wene yagaisikhi logolik, ap inelokhe peninafi lagepma re An nen ogo hit afuni An nagainafuri Israel mene nen hit hinebe sebelhinobagaluk seramet hinobagakhi logouwageluk hilingisogo hinobagagi o,” iluk yagaisasikhe.