RATAPAN 2:4 - Allah Wene Fano Wene Hupla Inane

⁴ Nit At aselei mene hakhogo, Aren asikhe lirik logolik, andok he nit ninebikhit pisinghogo lakfei waga. Ap nit ninendawimo nina'ma lolo kwelafarek mene omanogo re, Aren inebe mondogat inoate. Endu engganggan palogo lagarek hak, Aren o kota Yerusalem yinogo aniniba hilingisogo fikhe.

RATAPAN 2:4 ပူးပေါင်းရင်းမြစ်များ

2 TAWARIKH 34:21

”Nit ninambu-ninomba nen he wene melalek yi'nogo hilingi'no ti'nogo hilingi'no iluk buku yiba palek mene a'nogo higithogo hilingiti lagagu le'ma re Tuhan nen a'mage nit ninoba fikhi laga. Enggere hiren he an nobaget inom, it afuni Israel mene inom, Yehuda mene inom, inobaget he, buku yiba re ninggi'nogo palek werek? Iluk Tuhan oba heinok wani lani o,” iluk lakfisasikhe.

AYUB 19:11

An nebe Allah aselei mene higit hilingisogo nobagaikhesik, a'mage endu amulok hangge noba fugu kwelek welagi.

AYUB 6:4

At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

MAZMUR 37:14

It afuni inobabut weak hilingitarek mene andi nen, it ekhe yi enggin ti enggin higik, inelagaik welagik, nen it ekhe inobabut fano hilingitarek mene weagerinafik, inebe inoatik, uogeluk he, inenggarok awinggaba nen lisogo wanhik, inasikhe enggela litik, agarego.

MAZMUR 7:13

It afuni andoma inobabut hebelhi'legengge nekherogo nek hilingik halok he, Aren he sikhe ap watu meneba pinggi inoasigin iluk fik-fouksek logolik werek. Nen At enggarok enggat felfelengge magaisogo, andok endu hak mene a'nogoba pisinggerisagain iluk asikhe enggelaba wephogo fangsek logolik werek.

YESAYA 42:25

Andiba re At a'mage mondok hokhorogo ninoba figik, weim mondok inailo mene yafi logolik, ninoatunem heinet watik, ogorek mene andi re, futfouwagaluk hilingninaferego. Yi mene ti mene endu nen ninggerek andi hak, Allah a'mage nit afuni Israel mene ninoba fikherek andi. A'nogo meneat he, niren wene a'nogo hilingninaferek mene andi re, fanorogo futfigik, yanggulhik, ogorek mondok lego.

YESAYA 63:10

Oba nen he, it he At ane sagalhi logolik Tuhan a'mage kwelafu mene welagaukwa. Andiba re, At amolo re it inaselei mene higit hilingfuluk, At Tuhan ebe inom weim yafi lagaikha.

YESAYA 63:6

An na'mage mondok het-pet ili'lago andiba, afuni inunggulenu lombok neisogen al piril-perelhogo pinggi inoatirik inamep he kweangma kweisal isigi o,” iluk ikhe.

YEREMIA 10:20

Nit ninawi sabu tenda wurik mene re mondogat weak aga, nen hele re mondogat tekhigik pikhe. Ma re afuni tenda andi wutik, hele homatik, u mene ekhe werek lek, nit ninagainafuri re mondogat lagaikhama o,” ili'lagwi.

YEREMIA 21:5

A'nogo kaboget fembik An nebe ninomat hit ninom weim yabugun o. Nenggi pisat hambik nomamerogoat, naniniba, na'mage het-pethogo, hit ninom weim yabugun o.

YEREMIA 30:14

Hit hinendawi hundik mene omanogo nen hit hinoba inonggorasugun, iren he hit hinoba ekhe ebet hisogoin lek. Hit he eberogo nenat hinaweak mondok hokho pokhorogo logolik, hiren kwanirogo hilingiti lagagip mene re oba li'loukhogo hilingi'mo re, afuni selei mene inoba hilingfisagarek hak An nen hinoasi wagagisik unggum enggin hogo wokhisasigi o.

YEREMIA 36:7

Haren a'nogo igin andiba re iren Tuhan oba samban igik, it ina'mageba hilingiri'lagwi mene omanogoba nen inendawinggen hebelhik, ugun logou hagaro. Tuhan nen he it inoba a'mage lagaikhesik he it unggum inoba fagain iluk inanggomo kagalhe o,” iluk yagati.

YEREMIA 4:4

Hit An hineisena Tuhan ninom wene wat-wat agagu mene a'nogo pukhogo fisogo logoni o, nen hit afuni Yehuda mene inom Yerusalem mene inom he hinebe An nobaget enogo fakhaluk logoni o. A'nogo hilingiti logogun lek halok he An nanini endu wabunak ninggerek higit hilingi'mo, ap sa nen ogo nagulu mondok elo'lek a'nogo higit hinoba lakfei wesigin o. Mondogat andoma re hiren hina'mageba nek hilingiti logolik weak mondok hilingiti lagep andiba re enggin mene hinoba asi wesigin andi,” iluk ikhe isikhe.

YEREMIA 42:18

An Tuhan, afuni Israel mene ineisena Allah a'nogo nen na'mage lagagunem, nanini hokho mene aga lagaikhe mene a'nogoba afuni Yerusalem mene inoba fesigi hak, hit o Mesir logoin mene hinoba ogore An nen andi higirat hinoba fagain o. Afuni nen inamel-melhogo nek kwelakhisikhi logogun. Hit he litnot hinobagakhi logolik, hinenu re afuni homan ikfisagarek mene iluk salogo yagahisikhi logogun. Hit he hinanggweang hinamep pisikheba yoma ekhe hogoin lek ikhe o,’ iluk yagaisigi.

YEREMIA 7:20

An Tuhan Lego Mondok welagirek mene a'nogo nen o wene kabogetu awi yi inom, afuni inoba inom, wam, mene, paik inom, e wilibik meneba inom, kweang oba nen enggen ugu andoma inom, nanini hokho mene a'nogore andoma oba fagain o. An na'mage lagali'lago mene andi re endu wabunak nunggunem nagulu elo'lek agarek andi hak hilingiri'lago o,” iluk ikhe.

RATAPAN 1:13

Tuhan pogoroba nen endu pelabi waga mene nen he, an nendawinggenma werasi pi waga. Aren hele wephogo an neiso'ma ke'nok uageluk nelokhoma hukha waga meneba ke'nokhogo hulambeti. A'nogo hilingnobagaikhemo linggene inukhogo an namunek ou hikhi logouwageluk hilingnobagaikhemo welagi.

RATAPAN 2:5

Tuhan he nit ninaselei mene higit agasik, Aren Israel yei warogo al perelogo fikhe. Aren he leget omamerogo hukhogo waganek mene inom, ap raja ebe were'ma o sili omanogo inom mondogat wolelenggenhogo lakfisikhe. Nen, afuni Yehuda mene inoba re fong ekhe inom hokhorogo watu logouwageluk hilingfisikhe.

RATAPAN 3:3

Linggene inukhogo an nebe endawit nafi lek, yei hundik-handik noatu werek.

RATAPAN 4:1

Emas eil tibelenggeri'lago mene yi nogo re hobuk eil lombugikhe, helep o Allah Awi wuri'mo omanogo molulukhogo ebekhe kwe telfol ikhe.

RATAPAN 4:11

Tuhan a'mage endu amulok higit lagaikherek mene a'nogo o kota Sion oba fikhemo re o andi kweang inom luphogo ningge.

YEHEZKIEL 13:13

Tuhan Lego Mondok welagarek mene a'nogo ane ikhi logolik, ”An na'mageba, leget pak waganek mene andi lilibukhogo feigiluk he An nen sogoi sielu inom, meiso sogenggen hokho mene inom, meiso es mene inom lakfei wesigin.

YEHEZKIEL 22:22

Perak endumo nen obabut palharek a'nogo higit it Yerusalem mene inobabut paligin. Andiba re iren An Tuhan nanini a'nogo nit ninoba fikhe iluk inelu asugun o,” iluk yaganete.

YEHEZKIEL 24:25

Tuhan ane an noba yaganeti logolik, ”Afuni wa'lagaikharek mene yi re, An nen he o An naiba omamerogo wurik mene faget hit hinamolo agik, hinagaiyegetik, hilingiti logolik ineilenggen kumut haluk inanggilukhogo o wuri'mo lagaikharek aiba andi inomat, it inanggele'ma nen wanigin. Andi nen ekhe it inagainafuri inom woginabiginat.

YEHEZKIEL 36:18

An nanini it inoba kweisal figi andire iren ap hokhorogo inoatik, kweang andiba nen tugwi kembu fogeratik hilingitunem emetfikhi lagaukwa andiba hilingiti.

YEHEZKIEL 5:13

An na'mage mondok lagagunem nanini ari'lago mene andi hat hoba figik, weagethafik imbik halok enek he An noba lombuk igin o. A'nogo andoma mondogat hilinglasumo nek he, haren An noba tiphogo hilingiti lagen le'ma An nanini hat hoba fikhi lagi mene andi re An Tuhan nen nane yagaheti lagi mene andi faget eberogo anggagain o.

YEHEZKIEL 6:12

It inebe mondogaren An nanini hambu-hamba hilingiti lagi mene andi inelu asugun. Afuni yatkwe huginabi logoin mene re ou inoba aga logolik inebe wa'larik logoin, nen horokhogo logogun mene re sikhe ambisangma nen wa'lasugun, nen fena tindel asimbik logogun mene re sumburu ouwagen wa'lasugun.

YEHEZKIEL 7:14

Trompet ane ugunem he afuni mondogat enggi warogo fougesugun oba nen he Allah a'mage a'nogo afuni mondogat inoba asi wesumo re, ap misik iluk ogo weim yafukwe ekhe lagain mondok lek.

IMAMAT 26:17

An nen hit wene hinoba foumo, ap hinaselei mene nen hit hinomame leget fuluk it hinabit anggikhi lagep mene nen hit sebelhinarek logogun. Ap mukhinarek wagu mene lek kwelek oba nen hinailo nek a'luk heise wulifi logogun.

NAHUM 1:2

Nineisana Tuhan Allah re afuni nen At inom higirabetarek mene andi re mondok abit. Nen, ap At ane oak sagalharek mene andi re unggum helogoin werek. Nen At a'mage mondok hokho a'nogoba re, it inoba onggo lagalogo inoaterek.

NAHUM 1:6

A'nogo At Tuhan nen anini inoba fugunem andi re ap sa hagen hambuget haluk logou hak nogo? Nen At anini endu amulok hak lagagunem he ap sa hagen omamerogo mendek logou hak nogo? At a'mage het-pethogo lagagu mene a'nogo afuni inoba fugu sambul andi re, helep mene ogore mondok wolelenggenhogo At elokhoma re wul higit hilinglagarek.

ULANGAN 32:22

Endu amulok melang-melang, ninggerek hak, it ina'makwe het-perimbik, nilik huli fem a'ma ma'limaat pigin, yago mene mondogat nagain. Tom ebe ninggi logolik, ero inom mondok tamukhogo nagain.

1 SAMUEL 28:16

A'nogo yagatikhemo, at Samuel en he, ”Nineisena Tuhan nen hat hebe arat herakhobagaikhesik, ebe haselei mene hilinglagama meneat he, an noba nenahalok heinok wani wagen?