RATAPAN 2:1 - Allah Wene Fano Wene Hupla Inane

¹ Tuhan a'mageba hilingitunem, Sion he Aren mum meneba sebeli weri'lago. Israel enu legeisogo pogot lego welagarek po'li hak hilingik mene a'nogo re, Aren kweangma woukmirogo hugisa pi waga. At Tuhan anini nen hilingisigin sambul andi re, At aiba Sion a'nogo ogore ogal fou lek hak.

RATAPAN 2:1 ပူးပေါင်းရင်းမြစ်များ

2 SAMUEL 1:19

Le wuni ebe mel isikhe: Israel mene, hinandom kwe a'lima nen, ninogogwi kabelek mene aremnogo inom, ninagoromi ap fano mene negara it mene yi nogoba mene aremnogo inom he, leget esok somborogo pikherek hak pelaginafa o.

1 TAWARIKH 28:2

A'nogo kabogetukwama re at Daud a'nogo nen inelokhoma menlagaikhesik yagaisikhi logolik he, ”Nagaila'lak ninunggulenu misik mene, hinesanggo fanorogo holini o! An nen o attak andoma nenat ebeti logolik he Peti Wene warogo wo'ninafikhe mene ari, nineisena Tuhan Allah eisok fuguba faget o mondok fano mene misik ekhe wusugun iluk nendawimo wenggelhigi. A'nogo wenggelhigisik he o At fogeratuba misik ekhe wusigin iluk he o ebenengge mondogat fougerati.

MAZMUR 132:7

Nineisena Tuhan welagen oba andoma, nit wesuogoluk ikhi lago. Wesimbik, Hat welagen oba andoma, helokhoma nineindep awi yagaisogo, hai wathafik, fogethafik ugun o.

MAZMUR 89:45

At enupogot were'ma fogeratarek mene a'nogo arat leget fisegen. At enupogot ebe hurek werek mene a'nogo re kweangma sunukhogo pelakfisegen.

MAZMUR 99:5

Nit nineisena Tuhan Allah andi nek legeisogo fikhi logoni, At ebe hurek welagarek oba andoma hineindep awi yagaisogo fogerati logoni. At ebere horek mene werek!

YESAYA 64:11

Hat Allah honggwarek hawi horek mene nit ninombalagen fogethafi lagaukwaba a'nogo endu nen arat ningge o. Nen, o nit ninamolo mene mondogat meisak lambukhogo potfisagama werego, neisena.

YEREMIA 30:14

Hit hinendawi hundik mene omanogo nen hit hinoba inonggorasugun, iren he hit hinoba ekhe ebet hisogoin lek. Hit he eberogo nenat hinaweak mondok hokho pokhorogo logolik, hiren kwanirogo hilingiti lagagip mene re oba li'loukhogo hilingi'mo re, afuni selei mene inoba hilingfisagarek hak An nen hinoasi wagagisik unggum enggin hogo wokhisasigi o.

RATAPAN 1:1

O attak kota Yerusalem oba anggiluk welagaikhe aiba a'nogo re yogondak mondogat areng tiring-tereng ikhe yi, attak he yi afuni ti afuni inunggulenu lombok inanggele'ma nen at enu nek poksek welaga awi a'nogo yogondak he hemi sogwe higit aga. O kota andi attak he enu lego ratu higit welagaba nen, yogondak he enu sebelek inamingmingengge higit hilinglaga.

RATAPAN 1:12

”Yago, hit afuni kwe bene laga lagep mene nen hineilenggen nealuk kwela'neani o! Tuhan nen anini hokho mene an noba fikhesik, enggin hokho mene noba fikhe mene yi foge'ni! Ou pou hokho mene an nen yogondak hikhi lagi mene ari higit mene re ekhe werek anggegep?

RATAPAN 2:17

Tuhan nen a'nogo hilinghinobagagin iluk nit ebesuageluk yaganisikhi laga mene inom, Aren ebete mene inom, a'nogo mondogat hilingite. Nit he endawit ninafi'lek mondogat wolelenggen hogo ninobagaikhesik, nit ninaselei mene re inomanet fisikhe. Nit a'nogo weaget ninobagagunem nisaluk, it ninaselei mene inagaiyek hoageluk hilingfisikhe.

RATAPAN 4:1

Emas eil tibelenggeri'lago mene yi nogo re hobuk eil lombugikhe, helep o Allah Awi wuri'mo omanogo molulukhogo ebekhe kwe telfol ikhe.

RATAPAN 4:11

Tuhan a'mage endu amulok higit lagaikherek mene a'nogo o kota Sion oba fikhemo re o andi kweang inom luphogo ningge.

YEHEZKIEL 13:13

Tuhan Lego Mondok welagarek mene a'nogo ane ikhi logolik, ”An na'mageba, leget pak waganek mene andi lilibukhogo feigiluk he An nen sogoi sielu inom, meiso sogenggen hokho mene inom, meiso es mene inom lakfei wesigin.

YEHEZKIEL 19:12

Oba nen he, afuni ina'mage lagaluk inenggi nen sagarogo kweangma taiget fagarek. A'nogo hilingfugunem sogoi timur fikhiren funha waga logolik, enggen fano mene puget fikherek. E enggi re sia'luk pugagunem he endu nolharek.

YEHEZKIEL 24:21

wene yi'nogo hilingisuageluk yagaisano iluk yaganetemo, iren he Tuhan Awi wurik a'nogo faget foget fakhikhi lagep. Hiren he hineilenggen kwelakhikhi logolik o ebe wuri'mo omanogo laga lagep, oba nen Tuhan nen At aiba andi emerogo mondogat weaget fagain. Nen hit hineisok erokwe mene inebe yenggerek oan meneba nen o Yerusalem yoma werek mene re weim yafi logolik inoasugun o, iluk igi.

YEHEZKIEL 30:18

Andem oba An nen at Mesir omamerogo logolik melalinafunem lego werek mene a'nogo nen at omame logolik wonoget fakhikherek mene a'nogo inom waganogo nenggimo wanigin, o Tahpanhes andoma re mondogat mum asumo hemi andoma mene re inenggi abisak woginabugun.

YOEL 2:2

Linggene andiba re, mondok mum hikhaksek mene wei imbik, mumeak meneba sebelinarek logogin. Tentara pulue esa logalogo re o hena tomkwe sebelik lagarek andi hak sebelinabigin. Wene a'nogo hilinglasigin andi hangge ekhe hilinglagunem hogorek mondok lek mene. Nen, hobuk ekhe hilinglagunem hikhi logogun mondok legat mene hilinglasigin andi.

MATIUS 11:23

Nen, hit afuni o Kapernaum mene yi hinendawimo nen he, Allah nen pogoroba liak ninobagambik esinet ninobagagin, iluk fogerakhikhi lageba? Mondok lego. We, afuni wa'la'luk lagaikhare'ma andoma mondok pelakhinobagagin o. Afuni nen hilingisu lek mene an nen elalinat hit ninom logolik hilingiti lagi a'nogo o Sodom andoma hilingiti logoilema re, it andoma inebe lek agi'lek yogondak ya mondok hundigat logoilebo.

LUKAS 10:15

Nen, hit afuni o Kapernaum mene yi hinendawimo nen he, Allah nen pogoroba liak ninobagagambik esinetninobagagin, iluk fogerakhikhi lageba? Mondok lego. We, afuni wa'la'luk lagaikharek oba andoma mondok pelakhinobagagin o,” iluk yagaisasikhe.

LUKAS 10:18

at Yesus nen he, mel yagaisasikhe: ”Iblis andi eilabut yegelogo lakfei wagarek hak, pogoroba nen pi wagunem neilenggen higi o.

1 SAMUEL 4:21

A'nogo kamo isikhesik, Peti Wene Warogo Allah nen wo'ninafikhe, iluk hilingik a'nogo telogo waluk lagik, at eisena inom, agun inom, emberek inebe inoatik, aga andi nen, ”Allah fogeratorek mene a'nogo ninanggele'ma nen longgoikhemo o,” iluk u hak, eak enu, ”Ikabod,” salhikhe. A'nogo salhi logolik mel isikhe: ”Peti Wene Warogo Allah nen wo'ninafikhe iluk hilingik a'nogo telogo waluk lagaikha andi nen, Allah fogeratorek mene a'nogo ninanggele'ma nen longgoikhemo o,” iluk isikhe.