RATAPAN 1:9 - Allah Wene Fano Wene Hupla Inane

⁹ At ebe emerek mene re mondogat eneksek, oba nen at ebeba asigin mene faget he aren fut fili'lago lek. At ebe mondogat wililinggin wolelenggenhogo taik ikhe, oba nen ap misigen ogo ekhe koni'lagwi lek. At aselei mene mondogat inalong agaikha andiba re aren Tuhan nen endawit nabuageluk kinori'lago.

RATAPAN 1:9 ပူးပေါင်းရင်းမြစ်များ

2 SAMUEL 16:12

We At Tuhan eilenggen werek kwelek a'nogo yaganeri'logo halok, Arenat onggo fikhi logolik, homan nobagaikhe mene andi onggo fano hilingnabigin weregat anggigi o,” iluk yagaisasikhe.

2 RAJA-RAJA 14:26

A'nogo hilinglagaikhemo re it afuni israel mene enggin-fenggin mondok hokhorogo inoba hugu were'ma it ekhe nen leberisa elo'lek hilingi'mo Tuhan nen eilenggen isasikhe.

NEHEMIA 9:32

Hat Allah homame mondok hokho, elalin inailo mene hilingitendek mene, neisena. Hebe ninoba lombokhogo logolik, yi'nogo hilinghinabigin, iluk wene Watnisasigin mene andi sagalasinogo, iluk higithogo hilingninafendek andi, neisena. Afuni Asyur mene inogogwi raja nen nit ninoba yi enggin ti enggin hilingninafi lagaukwa andi huli nen yogondak huli re, yi enggin ti enggin mondok weak hugu welago, neisena. Andi nen he, nit ninogogwi raja inom, ap imam inom, hane yaganisagarek mene inom, ninogogwi kaindek inom, ninombalak inom, afuni mondogat inom, yi enggin ti enggin andi mondogat hugu welagorek, neisena. Ma re, nit yi enggin ti enggin hogorek mene andi mondogat ninoba hendawimo nen honggoragi'lek eberek mondok logoino o, neisena.

MAZMUR 119:153

Hat hawene melalek a'nogo an nen ekhe herakfigi'lek hilingiti lagi andi nen he, an weak welagi mene andi heilenggen kumutnealuk nagap telnafi logoin o.

MAZMUR 140:8

An neisena Tuhan Allah andi re, an nagap telnafi lagen mene mondok homame mene welagen, an weim yafunem Harenat nagap telogo fetnarek welagen.

MAZMUR 25:18

Nendawi fit lagu nen hilingiti lagi mene andi inom, enggin-fenggin hikhi lagi mene andoma inom, Harenat fut nobagaluk, naweak mondogat legaphogo nobagain o.

MAZMUR 69:21

An nebe afuni nen seramet nobagali'lagwi andi faget, nendawinggen warikhi logolik he, nobakheindok palagunem welagi. Nebe inendawit nabuagaluk heraginafi lagi meneat he, we tulemat heraginafirego. Nendawinggen sebeluageluk heraginafirek oba nen he, inebe isigirek mondok legaro.

KELUARAN 3:17

Neilenggen arat isigirik, afuni Mesir mene nen it yi enggin ti enggin hilinginabi'lagwi andi telogo woginarek o kweang muli fanoma yi mene ti mene nenggarek mene mondok hokhorogo were'ma afuni inunggul enu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom, welagaikharek oba andoma woginarek lageluk wene arat igi o, iluk ikhe, iluk yagaisano o.

KELUARAN 3:7

A'nogo salhikhemo, At nineisena Tuhan nen he, mel yagatikhe: ”An nagainafuri afuni Mesir mene nen inamingmingengge higit ferinarek logolik, yi enggin ti enggin hilinginafunem telinabuageluk nayonggo fugu mondok welagaikharek andi, An arat neilenggen isigik, nesanggo holhik, igi o. It yi enggin ti enggin hili'lagwi andi An mondogat nelu o.

KELUARAN 4:31

A'nogo hilingitukwama, it ap omanogo nen, eberogoat, iluk futfesukwa. It Musa Harun emberegen, ”Tuhan nen hit afuni Israel mene eilenggen wokhinafik, yi enggin ti enggin hugunem eilenggen hisigik, ikhemo o,” iluk yagaisasukwama inesanggo holhukwasik he, ineindep awi yagaisogo Allah fogeratukwa.

PENGKHOTBAH 4:1

Andi nen o kweangma yoma higithogo hilingitarek lek mene andoma an nen ekhe inom futfugunem en he, afuni sebelogo fisagarek mene omanogo enggin hikhi logolik le agu were'ma re, afuni ekhe nen leberinafi lagaikha le'ma isigi. Ap inenggi omameba sebelinarek werek mene andoma nen he inomame hokho meneba a'nogo hilingfisugunem he, ap misigen iluk ogo ekhe leberisa re elo'lek welaga.

YESAYA 3:8

Ibi eberogo nen Yerusalem he mondogat nonghong igin! Nen, Yehuda re lobakhogo pigin. Andi re it inane agarek mene inom, inobabut hilingitarek mene inom he Tuhan ane sagalogo fuluk, At omame werek mene a'nogo inom eil eri'lagwi andi nen hilingisigin.

YESAYA 37:17

Tuhan neisena, nit ninoba hilinglari'logo mene oma fut ninobagakhi logoin o. Hat Allah heluk mondok welagen mene a'nogo hoba at Sanherib en sebelogo hobagali'logo mene andi hesanggo holin o.

YESAYA 37:23

Nen haren he andi saba hilingiti lagi iluk halapsiri watik, sebelogo figik, ikhi lagen nogo? An he Israel mene ineisena Allah a'nogo aro, nen Allah namu tegelek welagi mene a'nogo noba hilingiti lagen.

YESAYA 37:29

Haren leget fakhikhi logolik wene palhi lagen mene inom, ha'mage lagakhi lagen mene inom andoma An mondogat holhi o. Yogondak he An nen hambisangmangge no mata kail hakhogo wathobagagik, hambeba hele eisel hobagagik, imbik kwe hat wagenkwe andi nen litharek haiba hobagai lageluk hilingiti lagi o,” ikhe iluk lakfesikhe.

YESAYA 37:4

Raja Asyur mene nen he Allah eluk mondok welagarek mene a'nogo sebelogo fouwageluk agoromi perwira werek mene lakfisa waga. Ma re iren sebelogo faga mene andi re Allah mondogat esanggo holhenggere Aren it inane aga mene andoma inoba unggum wogisa hak! Ariginik enggere afuni nit mene ineluk werek mene omanogo inobaget samban Allah yaga'no o,” iluk isikhemo re waluk Yesaya wogosi lagaukwa.

YESAYA 40:2

Ap Yerusalem mene re inendawinggen hambukhogo logouwago, sebelhinarek mene a'nogo arat wurep kobok ikhe o. Kwanirek mene iren hilingiri'lagwi mene omanogo re An nen mondogat leget figi o, iluk ikhe yagaisano. Nen it weak inoba fili'lagwi mene andoma inoba re An nen unggum altap pireba wogisigi o” iluk ikhe.

YESAYA 47:7

Haren ebeti logolik he, an nebe ratu mondok-mondok logogin anggikhi lagagin, nen haren hobakhe palegat logolik hobuk hilinglasigin mene faget wenggelhikhi lagagin lek.

YESAYA 51:19

Hat he unggum ero pire mene hoba wesigin: Weim yafi logolik he hawi sili lilibukhogo leget fogoin, nen hagainafuri holhu mene re sumburu ouwagen mondogat wa'lasugun. Aben hat helagaik were'ma lebethafik, hendawinggen ago watfigik, hilingitu mene ekhe logogun lek.

YESAYA 54:11

Tuhan nen ikhi logolik, ”Hat Yerusalem kota sebelek mene hak logolik, afuni hendawimo konhabu mene legen hafe kulakhogo welagen mene yi. Hat hubule re An nen helep onggo hokho meneba nek nekhengge tik warogo wuthobagagin o.

YEREMIA 13:27

An nen neilenggen hisugunem he hit he An nabit anggigirek mene omanogo hilingitunem hisikhi lagi. Hiren he ilah amu mene omanogo punukwe inom, yabukwe inom murok laga logolik, aben inagaila'lak inagagwi faget inendawinggen naluk inamururuweak muginapluk nikharek hak, at he wam kuda ai mene nen kuda holou meneba amol-moletunen hilingiterek hak, hiren a'nogo hilingitunem hisikhi lagi. Hit afuni o Yerusalem welagep mene re alomat laga logoni! Hit he ki huli nen weak mondok hilingitu welagep mene andomaba nen fikhalogo wulibi wesugun nogo?”

YEREMIA 16:7

Nen, aben ekhe it faget fong warogo logolik iluk seni ekhe isasugun mondok legat. Nen afuni inom inendawinggen sebe iluk werek mene ogo, athe ineisugwi inagaisalak wa'lagunem fong warogo inom werek mene ogo logogun legat.

YEREMIA 2:34

Hit hinasuba mep yugulik andoma re ap hinatunem fakfisugunemen he fuk, athe ap enggi lek mene inom, weak hilingiri'lagwi lek mene inom inameben yugulik werek. A'nogo hilingiti lagep meneat he,

YEREMIA 48:26

Tuhan nen ikhi logolik, ”Moab he, An neilhanem legetfakhugu nen he, at ebere lugulugwi palik higit hilinglasuago. At ebe re, onggwaregen hebak wurik meneba limbil-lambelengge lagunem afuni nen endo yati logogun.

YEREMIA 5:31

Andi re it ap nabi nen he ineranhogo wene igik, nen it imam en he inendawimo nen anggaluk hilingisugun mene nek hilingitik ugunem, hit An nagainafuri nen ogore ariginik mene andoma faget hinagaiyekhogo nek hilingiti lagep. Oba nen he hobuk wurep kobok i wesigin oba re hiren ninggi'nogo mene ekhe hilingisugun nogo?” iluk ikhe o,

YEREMIA 50:29

Tuhan nen ikhi logolik, ”Ap ekhe sikhe inenggi puk mene andoma nen Babel oba weim sineli kuakhogo yagaisani o. Ap sikhe wanhu aple hebelek inap andoma mondogat lirinapni. O kota andiba sali laluk he ap misik iluk ekhe polokhogo wilibuageluk herakfisa fuk. Aren he An Mondok Namu Horek welagi mene, Israel mene ineisena Allah a'nogo noba mondok nonghongsek mene hilingitenggere, at obabut hilingik mene andi higithogo, nen aren hilingite mene inom hilingiri'lago mene inom andem higithogo ambisangma at oba ogo hilingfeino aro.

RATAPAN 1:17

An nen nenggi liakfuluk lebetnabuageluk hilingiti lagiba nen, an konnabu mene ekhe werek lek. Yi kwe ti kwe mondogaren he Tuhan nen naselei mene lakfisa wagunem, it we'luk an noasi weri'lagwi. An he ologoilong engge hugisagarek mene hak hilingnobagali'lagwi, it inanggele'ma nen he hebak inafe mene hangge hilingik welagi.

RATAPAN 1:21

Tuhan neisena! An limamit falhu welagi mene andoma nane hesanggo holin o, Aben an konnafu mene ekhe werek lek. Haren an alomat lasuageluk nobagegenma re, it naselei mene nen inagaiyek hili'lagwi. Linggene haren abok isigin mene a'nogo wesuak. An enggin mondok elo'lekhogo hikhi lagi mene ya re, it inoba ogo a'nogoat hoageluk hilingfisano.

RATAPAN 2:13

O Yerusalem, kota Sion nendawi hundik mene yi, hat hebe wolelenggenhogo hilinglagen mene andi re i laut yenggelek esanggo mondok wurilik welagarek andi hak agen o. Hat hendawimo konogo iluk An nen ninggi'nogo yagahesu hak anggegen? Hat enggin hikhi lagen ari hak mene enggin a'nogo haga mene ekhe werek le'ma, hat hilingik welagen mene andi eberogo nen he ap ekhe nen halogo hobagaumo re elo'lego.

RATAPAN 4:1

Emas eil tibelenggeri'lago mene yi nogo re hobuk eil lombugikhe, helep o Allah Awi wuri'mo omanogo molulukhogo ebekhe kwe telfol ikhe.

RATAPAN 5:1

Tuhan neisena, nit ninoba hilinglaga mene ari faget futninobagain o, nit mondogat sebelek mene hangge agosik welago mene yi faget heilenggen wo'ninabin.

HOSEA 2:14

Tuhan nen afuni Israel mene faget a'nogo ikhesik he, ekhe mel ikhe: ”Andi nen he, An nen at he andi o leimo andoma waluk lambik he, nane amusuba endawinggen paligin o.

ZEFANYA 2:10

It afuni Moab mene inom, Amon mene inomen inonggwarek leget fakhigik, winik-wonok igik, nen At Tuhan Omame Mondok Hokho mene a'nogo againafuri omanogo sebelogo fisikhi lagaukwa andiba re unggum a'nogo inoba fagain andi.

YOHANES 11:19

it afuni Yahudi mene hokhorogo, he Maria inom, Marta inom, inerei Lazarus ware'ma inendawimo fanorogo iluk, inoba wagaukwasik welagaukwa.

ULANGAN 26:7

A'nogo hilingninafunem, ninombalak ineisena Tuhan Allah nen telninabinogen iluk ninane hokhorogo hayonggo fesugu andi. A'nogo yagahetugumo, haren ninane hesanggo holhigindik, yi enggin ti enggin hilingninafunem heilenggen nisigik, set kwil-kwalhogo hilingninafunem nisigik, inendawimo seramet ninobagaluk sebelogo ninobagauwogoluk ugunem nisigik, isigin andi.

ULANGAN 32:27

A'nogo meneat he, Israel inaselei mene, fogerakhogoin nabit anggigi, An nen hilingitu kwelek meneat he, it inendawimo weak ebeti logolik, Allah againafuri andi, niren mabenetfisogo, iluk inendawimo angganogo, iluk Allah nenat isikhe.

ULANGAN 32:29

Inendawimo kagalek logoilepma re, yi'nogo hilinglasugun higi, iluk futfeilebo.

1 PETRUS 4:17

Allah nen ninanema waganogo wene ninoba figik, kotik, igin andi arat horogat asi waga. A'nogo hilingiti logolik he, nit Allah againafuri mene tak ninanema waganogo wene ninoba figik, kotik, igin halok, hobuk it afuni ekhe Allah ane fano wene wanhi'lek mene ninggi'nogo hilinginabigin anggegep.

1 SAMUEL 1:11

Werek kwelek, at Hana nen samban Allahba wene yi'nogo waretikhe: ”Neisena Tuhan Homame Mondok Hokho mene a'nogo nen an hamingmingengge heilenggen wo'nabin o, neisena. An hamingmingengge yi mondok weak welagi andi heilenggen neambik hera'nobagagi'lek, noba ebe'no o, neisena. Haren an neak ap ekhe wo'neten halok, an nen at andi ebe hat faget mondok logouwageluk ambotkwe wokhesigin o, neisena. Nen, at ebe ta'laga halok, esi re palhi'lek herakfikhi logogiluk wene watheti o, neisena,” iluk yagatikhe.