RATAPAN 1:6 - Allah Wene Fano Wene Hupla Inane

⁶ O kota Yerusalem enu werek welagaikhe mene a'nogo re, we attak andoma hilingita mene iluk tindelharek mene hangge hilingik. O andiba inogogwi ferinarek welagaikharek mene re no rusa amburu nele nen omame lek welagarek andi hak inomame mondogat lek werek. A'nogo hilingik logolik it inaselei mene nen muginarek wagunem yi'nogo ti'nogo hilingisu mondogat elo'lek.

RATAPAN 1:6 ပူးပေါင်းရင်းမြစ်များ

2 RAJA-RAJA 19:21

Holhirik he, wene at Sanherib faget mel igi: Afuni o kota Yerusalem mene nen hat Sanherib inane asegen wokhiiki logolik hobaget endo yakhabugun o.

2 RAJA-RAJA 25:4

ap tentara Babel mene omanogo nen leget pa'leget wurik a'nogo meisalogo kwisukwa. A'nogo meisalogo kwisukwasik he, o hubanggo it ap tentara Babel mene yining-haning kagalek werek kwelegat he, it tentara Yehuda mene mondogat heise o i Yordan tonggoma andoma louwogeluk, kwe ap raja eabukwe nen leget pa'leget elugun fena-fena heget fei lagaukwaba, kwe ambe palek were'ma wulifukwasik he, hela lagaukwa.

2 RAJA-RAJA 25:5

A'nogo lagaukwa meneat he, ap tentara Babel mene omanogo nen, ap raja Zedekia a'nogo mu'luk lagaukwasik, ebe o Yerikho tonggo enagoma andoma nen fakfei lagaukwama, agoromi tentara omanogo mondogat inoe herakfisaluk heise pugulhukwa.

MAZMUR 50:2

O kota Sion mondok fani-fanore'ma omanogo nen, At Allah aselek ombak-bak oba weinam asi weri'lago.

MAZMUR 96:9

Hit hinebe mondogaren Tuhan awe a'ma hineindep awi yagaisogo hinasu Tuhan obaget hilingisuogeluk labetarek mene laberogo At faget fogerati logoni! Hit afuni o kweangma yoma welagep mene re At elokhoma nen hinoak leigeti logoni!

YESAYA 1:21

Hit afuni o Yerusalem welagep mene yoma sani! Hit hinobabut attak he hinebe Allah ba katokhogo welagik, higithogo hilingitik, hilingiti lagagip oba nen, yogondak he hemi uang helouwogeluk yanani hilingirik nikharek mene hak a'luk hilingiti lagepkwe omanogo re, ap ware mene nen sebelfakhilik lagaikha andi.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

YESAYA 4:5

A'nogo hilingfuluk he tom Sion oba afuni mondogat andoma kabogesugun mene inom he Tuhan nen linggene re ohena hilingfigik, nen hubanggo re endu so'le inom ombak-bak eterek mene inom hilingfigik igin. Allah onggwarek ebe nenat o kota andi sebelogo logolik along palogo fisogo logogin.

YEREMIA 13:18

Tuhan nen an noba ikhi logolik, ”Raja inom at agaisa inom takhta ba re mahkota ebe mene at ungguloba puksegengge a'nogo waganogo pikhenggere hurek werek oba andoma nen puakhogo yagaisan o.

YEREMIA 29:4

”Tuhan Omame Mondok Hokho mene, Allah Israel mene ineisena a'nogo nen he, afuni o Yerusalem en o Babel huginabi lagaukwa mene inoba yi'nogo ikhe:

YEREMIA 47:3

Iren he wam kuda eisok abolok ugu mene inom, kereta kilit samok erik lagu mene inom, roda abolok folongum-folongum lagu mene inom holugun. Afuni inaluendek mene re inomame legasimbik he inagainafuri inoba ekhe eberisogoin lek.

YEREMIA 48:41

At awi kota inom, along palogo leget omamerogo waganek mene omanogo inom he aben hugul kugun, at agoromi tentara mene re hemi ineagwi takhouwogeluk hilingitarek hak inailo nen hilingiti logogun.

YEREMIA 52:11

A'nogo inoatukwasik, at Zedekia a'nogo eilenggen hulel isasukwasik he, enggi hele warogo, o Babel waluk lagaukwa. Andoma nen he, at ebe hele warogo fisagarek oba fesukwama re, wulifi'lek were'ma nen enek he andoma nen wa'lagaikhe.

YEREMIA 52:13

At Nebuzaradan nen he Tuhan awi a'nogo inom, raja awi sili inom, o Yerusalem oba nen ap yi kaindek ti kaindek inaiba inom he mondogat endu nolhikhe.

YEHEZKIEL 24:21

wene yi'nogo hilingisuageluk yagaisano iluk yaganetemo, iren he Tuhan Awi wurik a'nogo faget foget fakhikhi lagep. Hiren he hineilenggen kwelakhikhi logolik o ebe wuri'mo omanogo laga lagep, oba nen Tuhan nen At aiba andi emerogo mondogat weaget fagain. Nen hit hineisok erokwe mene inebe yenggerek oan meneba nen o Yerusalem yoma werek mene re weim yafi logolik inoasugun o, iluk igi.

YEHEZKIEL 24:25

Tuhan ane an noba yaganeti logolik, ”Afuni wa'lagaikharek mene yi re, An nen he o An naiba omamerogo wurik mene faget hit hinamolo agik, hinagaiyegetik, hilingiti logolik ineilenggen kumut haluk inanggilukhogo o wuri'mo lagaikharek aiba andi inomat, it inanggele'ma nen wanigin. Andi nen ekhe it inagainafuri inom woginabiginat.

ULANGAN 28:25

Hiren At hineisena Tuhan Allah ane hologo hilingiti lagep lek halok he hit hinaselei mene nen hinomame leget hinobagakhi logogun. Nen hiren fanorogo hinebe eratfuluk weim yabi laga logogun oba nen wulifi logolik he hesangge nalek-falek wulifi logogun. Hit a'nogo hilingitunem weak mene hinoba nek aga logogin mene andi faget, it afuni inunggulenu amu mene nen hit hinoba inamel-melhogo nek kwelakhisikhi logogun.

ULANGAN 32:30

Ap ebe misigat mene nen, inebe seribu mene, ninggi'nogo nen mugisikhe, Ap inebe pire mene nen he, inebe sepuluh ribu mene, ninggi'nogo mugusogo wulakfisaga, Nineisena Tuhan nen, inebe onggo palogo woginafemo, Allah omame hokho a'nogo nen, inebe herakfisikhemo.