RATAPAN 1:4 - Allah Wene Fano Wene Hupla Inane

⁴ Linggene hokho meneba re, afuni misik iluk ogo ekhe Allah Awi wuri'mo omanogo weri'lagwi lek. Helime wuni watarek mene omanogo re enggin-fenggin hili'lagwi, nen it imam-imam omanogo re inendawimo weakhogo limamit falhu werek. O kwe ambe palek hokho meneba omanogo re afuni ekhe werek mondok lek, nen o kota Sion a'nogo re fong warogo werek.

RATAPAN 1:4 ပူးပေါင်းရင်းမြစ်များ

YESAYA 3:26

O kota kwi lagaikharek oba kwe ambe hokho mene pale'ma andoma re afuni nen le yagaisogo fong wati logogun, nen inawi kota andi re hemi inalfulukwa kogouk hilingfisugunem kweangma hurek welagaikharek hak hilingik logogin.

YEREMIA 10:22

Holini! Unggulenu misik ekhe utara fikhiren inane a'mit suphogo weri'lagwi. Agoromi tentara sikhe fisogo inap andoma nen he o Yehuda kota oma mondogat afuni inane mondok tingi-tongorogo hilingisogo fisamo mondogat inobalik enek tereng igin. A'nogo hilinglasumo re o andoma re mene olomene hinago werek oba asigin.

YEREMIA 14:2

”Yehuda re awi kota omanogo wa'lasu hak hilingitu nen endawinggen heiselhi logolik werek. Afuni o andi mene re kweangma wengik logolik limamit fali'lagwi, Yerusalem he lebetnabuageluk oak heinet wari'lago.

YEREMIA 9:11

An nen a'nogo ugunem he, Tuhan ane ikhi logolik, ”O Yerusalem meisa'lambukhogo hilingisogo figik, mene olomene enggama mene ebe hinago werek oba hangge hilingisogo figik, igin o. Nen, afuni Yehuda mene inawi kota mondogat he afuni inebe le'ma somung logouwageluk hilingisogo fagain aro,” iluk ikhe.

RATAPAN 1:21

Tuhan neisena! An limamit falhu welagi mene andoma nane hesanggo holin o, Aben an konnafu mene ekhe werek lek. Haren an alomat lasuageluk nobagegenma re, it naselei mene nen inagaiyek hili'lagwi. Linggene haren abok isigin mene a'nogo wesuak. An enggin mondok elo'lekhogo hikhi lagi mene ya re, it inoba ogo a'nogoat hoageluk hilingfisano.

RATAPAN 5:13

Nit ninagainafuri ap souge mene re enggen ugu sagalhigik pelafarek oba omanogo yabu hilingisuageluk inomameba inane nen ninghogo yagaisugu kwelek hilingiri'lagwi, ninagainafuri ap omalik he e hatarek mene omanogo enggin nen sebelinafunem ineil furuk fili'lagwi.

RATAPAN 5:14

Ap yaman mene re o kota solombonma kabogeti lagaikha aremnogo hakhogo kabogeri'lagwi lek, ap souge mene inanggelek kwe omanogo nen pinggong ane ekhe watunem holi'lagwi lek.

HOSEA 2:13

Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.

IMAMAT 26:22

An nen maro aik anini mene hit hinanggelekwe lakfei wesumo maro andoma nen hinagainafuri senggelogo pilisigik, hinanggo senggelinafik, hilingitunem hit hinebe endebengge were'ma hinaiba ebekhe kwe andoma mondogat tiring tereng ikhi logogin.

MIKHA 3:12

Nen, hiren weak mondok hilingiti lagep andiba, o Sion oba yoma re, yabu wanharek andi hak hilingitik, nen o Yerusalem oba mondok meisak langgukhogo figik, nen punu o Tuhan awi wuri'mo yoma re, e alok-alok agayo ogoi hilingisogo figik, igin o.