RATAPAN 1:1 - Allah Wene Fano Wene Hupla Inane

¹ O attak kota Yerusalem oba anggiluk welagaikhe aiba a'nogo re yogondak mondogat areng tiring-tereng ikhe yi, attak he yi afuni ti afuni inunggulenu lombok inanggele'ma nen at enu nek poksek welaga awi a'nogo yogondak he hemi sogwe higit aga. O kota andi attak he enu lego ratu higit welagaba nen, yogondak he enu sebelek inamingmingengge higit hilinglaga.

RATAPAN 1:1 ပူးပေါင်းရင်းမြစ်များ

1RAJA-RAJA 4:21

Afuni omanogo ineisok erokwe tomogen he ineabu anggur yabu inom, ara yabu inom welagaikhe. At Salomo eluk werek oba re, raja i Efarat fena fikhit welagaukwa mene omanogo mondok lambukhogo re at Salomo a'ma sebe uluk logolik, nen afuni inunggulenu kerajaan aren melalinafukwe andoma era'lukwe welagaukwa mene omanogo re at Salomo inom hundik were'ma re, afuni Yehuda mene inom, Israel mene inom he, o Dan oba nen he o Bersyeba huli andoma inailo legengge inendawinggen serogo nek welagaukwa. Kweang i Efrat fena fikhiren mo ubuk ikherek fikhit o Tifsah i Efrat aik oba andoma nen he hiling-hiling mo ubuk i lagarek fikhit kota Gaza o Filistin oba andoma nen he o Mesir huli andoma, abirengge re at Salomo nen sebelek welagaikhe. A'nogo were'ma re afuni inunggulenu o andoma werek mene re Salomo a'ma sebe iluk logolik he kweang onggo fei waga lagaukwa. At Salomo nen lingge hundik-hundik nunggu mene faget kabogeti lagaukwa mene re: tepung al mene re 5.000 liter en inom, tepung al inom mene re 10.000 liter en inom, sapi oloba tatu mene re 10 nen inom, sapi leimo tatu mene re 20 nen inom, domba re 100 nen inom, isati lagaukwa. Andem werek kwelek wam rusa inom, kijang inom, kemejangan, unggas, inom andoma.

2 RAJA-RAJA 23:33

At Yoahas ebe re raja Mesir mene Nekho a'nogo nen o Ripla nen o Hamat oba andoma sebeli laga logolik ane omameba re it afuni Yehuda mene a'nogo nen at oba onggo perak mene enggin he 3.400 kilogram en hilingik mene inom, emas enggin he 34 kilogram en hilingik mene inom fouwageluk yagaisasikhe.

2 RAJA-RAJA 23:35

Raja Mesir mene nen onggo fogoin iluk inoba ikhi lagaikhe mene a'nogo ane hologo iluk he, raja Yoyakim en he it afuni holhu mene nen yi mene ti mene faget onggo fugu mene omanogo re, it inangge inoba werek mene higithogo fikhi logouwageluk yagaisugunem kabogeti lagaukwa.

2 TAWARIKH 9:26

It ap o wilayah i Efrat lili'lago huli andoma nen he o afuni Filistin mene were'ma o Mesir huli-hulimo andomaba welagaukwa mene andi re at a'ma nek welagaukwa.

EZRA 4:20

Attak andoma ap raja-raja mondok lego mene andoma mendek were'ma o propinsi Efrat barat fikhit mene a'nogo it inomame a'ma were'ma iren kweang onggo figik, it ina'ma welago iluk raja ba onggo fei lagik, hilingiti lagaukwa.

NEHEMIA 5:4

Nen, it ekhe nen ikhi logolik he, ”Nit he at raja nen nineabu inom, ninagayo anggur yabu inom faget kweang onggo pajak yi'nogo fikhi logogun iluk ninoba fikhe mene omanogo fugu mene iluk ap inoba niren hobuk obali'mo wogisogoin nen iluk kino ogo igik, ikhi lagaukwa.

NEHEMIA 9:37

Nit weak hilingiti lago mene andi faget wene ninoba fou hak it ap ekhe mene inogogwi raja fetninarek logouwagaluk menfisugunem fetninarek were'ma, yi mene ti mene yago mene ebe tatik, palhik, ugunem, it inane ninghogo, nit ninobaget ninobagakhi logoino, iluk ugunem fisikhi lago. Iren fetninarek logolik he, ninebe inom, ninanggo inom, yigit feni, tigit feni, iluk inonggwarek inendawimo nen anggaluk hilingninabi'lagwi andi. Andi nen he, nit yogondak weak mondok logolik, yi enggin ti enggin hikhi lago, neisena,” iluk ayonggo fesukwa.

MAZMUR 122:4

Nineisena Tuhan nen he, ”Hit yi'nogo waga logoino,” iluk isikhe higithogo, At againafuri Aren wenaginafe mene inunggulenu lombok hai wati logouwogeluk o yoma waga logogun.

YESAYA 14:12

Raja Babel mene yi re, attak hat hebe re hesagal wab o weigiluk ugu kwelek tilelherek a'nogo hanggge welagagin, meneat he yogondak he pogoroba nen halokhogo kweangma mondogat pi wagen! Attak haren ap inunggulenu lombok omanogo sebelogo fisikhi lagagin oba nen, yogondak he hat hebe kweangma hambokhogo pelakhabi wagaikha andi.

YESAYA 22:2

It kota andoma nen seni-seningge isati logolik inagaiyekhogo hilingitu werek andoma re hilingisu elo'lek oba nen hilingiri'lagwi o. A'nogo andi re hit hinogogwi weim inanini mene inebe wa'lagaukwa andoma re weim yafunemen inoatama wa'lagaikha re lego?

YESAYA 3:26

O kota kwi lagaikharek oba kwe ambe hokho mene pale'ma andoma re afuni nen le yagaisogo fong wati logogun, nen inawi kota andi re hemi inalfulukwa kogouk hilingfisugunem kweangma hurek welagaikharek hak hilingik logogin.

YESAYA 49:21

A'nogo yagahetunem hat hendawimo nen anggikhi logolik he, ”An nobaget yenggerugwi andi re sa nen taginafe nogo? An neagwi re longgo aga lek nogo a? nen hobuk ekhe taginabigin elo'lek a'nogo re lek nogo? An nebe hele warogo hu'nabi lagaukwama higilagarik namunek heraknobagasukwama welagirek. A'nogo hilingi'mo re yenggerugwi andoma re sani nogo, sa nen inebe kulinafe nogo? Iluk igin aro,” ikhe.

YESAYA 50:5

Tuhan nen an wenggelhu mene wo'netunem he, At ane oak sagalogo fuluk At werek oba nen sugulogo laga lagi lek.

YESAYA 52:2

Hat Yerusalem yi re, helokhoma wengik welagen oba andoma nen menlame o, wul age hagap oba yugul aga mene andoma horisan. Afuni Sion mene hele warek logolik, inalonggopma posiemanggen hele kelik mene andoma re lolisani o!

YESAYA 52:7

Ap yonggo lakfisugu mene wagunem ineilenggen eberogo nenat hambik he inagaiyek asugun, at wesigin he tom unggulkwe andoma yaning-haning wesigin. Aren he wene fano lioksek awene waluk wesigin, wene o Sion agap teligin mene faget waluk wesimbik yi'nogo igin, ”Hit hineisena Allah andi re Raja werego!” iluk yagaisagain.

YESAYA 54:4

Hat henggalirogo hilinghobagagun lek enggere hailo su fugo, nen inane aik weak wenakhetik, yinggilogo hilinglagik igin mondok lego. Hat hebe sougwe logolik tiphogo hilingiti lagagin lek mene omanogoba honggoragik, nen hane tingi tongorogo welagagin mene a'nogo oba ekhe ebet higi'lek welagik, igin o.

YEREMIA 31:7

Tuhan nen ikhi logolik, ”An nagainafuri Israel mene andoma re hinagaiyekhogo wuni wati logoni o, afuni inunggulenu ekhe re abelma hangge meneat he hit hinunggulenu Israel mene andi nek he esin mondok andi nen he, nineisena Tuhan nen it Israel mene abu'nengge ineluk werek mene omanogo inagap telinafe iluk wuni warogo fageti logoino o.

YEREMIA 40:9

Lagaukwama Gedalya nen it inoba yagaisikhi logolik, ”Hit he raja Babel mene enggiba asugunmo re hinailo asu fugo. Hit he nit ninonggwarek ninanggweang oba yoma logobagaigen he raja Babel mene amingmingengge a'ni o. Hit hinagap telek logogun iluk andi re an nenat yagahisikhi lagi.

YEREMIA 42:2

an nambit wagaukwasik inane ikhi logolik, ”Nineisena haren heilenggen nisikhi lagen hakhogo re nit attak he ninebe hokhorogo welagagu, nen yogondak he ninebe endebengge nek welago. Ma re nit ninobaget nineisena haren heisena Tuhan Allah fogerati lagen mene andiba samban inogen iluk kino yagaheti lago o. Nit ninebe we endebat agosik welago mene ya ninobaget samban i'ninobagagain o,

YEREMIA 44:2

At Tuhan Omame Mondok Hokho mene, Israel mene ineisena Allah a'nogo nen it faget ikhe mene re yi, ”An nen afuni Yerusalem mene inom Yehuda ba nen o kota-kota amukwe omanogo inom oba enggin mene lakfei wagi aple andi re hiren ogo hineilenggen enek hegebat. Yogondak huli nen ogo o kota andoma mondok wolelenggen tagalogo hilingi'mo re afuni welagaikharek legat.

YEREMIA 44:6

Andiba re, An na'mage a'nogo o kota Yehuda ba inom o Yerusalem oba ebekhe kwe andoma inom inoba figi andi. Andoma mondogat he An nen endu nolhimo re, mondogat endu hali nonggo nek kabok lagagunem yogondak hiren ogo hineil hikhi lagep aro.

YEREMIA 50:23

O kweangma mondogat he Babel en telisugunem mondogat alperelogo fisikhi laga mene a'nogo yogondak he louk a'nogo somboikhe! O kweang andiba hilinglari'lago mene andoma ap inunggulenu mondogaren hol haluk he youk logoin.

YEREMIA 9:11

An nen a'nogo ugunem he, Tuhan ane ikhi logolik, ”O Yerusalem meisa'lambukhogo hilingisogo figik, mene olomene enggama mene ebe hinago werek oba hangge hilingisogo figik, igin o. Nen, afuni Yehuda mene inawi kota mondogat he afuni inebe le'ma somung logouwageluk hilingisogo fagain aro,” iluk ikhe.

RATAPAN 1:19

An nen nagaila'lak ninom hundik welago mene omanogo wolinafi lagi oba nen iren an hembelnafi lagaikha. Ap imam inom inunggulenu ari mene ferinarek inap omanogo inom mondogat he, o kota ebekhe kwe omanogo nen wa'lagaikha. Nineluk logogun nen iluk nunggu mene herakhugunemen wa'lagaikha.

RATAPAN 2:1

Tuhan a'mageba hilingitunem, Sion he Aren mum meneba sebeli weri'lago. Israel enu legeisogo pogot lego welagarek po'li hak hilingik mene a'nogo re, Aren kweangma woukmirogo hugisa pi waga. At Tuhan anini nen hilingisigin sambul andi re, At aiba Sion a'nogo ogore ogal fou lek hak.

RATAPAN 2:10

O kota ba ap yi kain ti kain omanogo re inane igi'lek kweangma hurek mondok werek; it he fong warogo iluk he wul inunggulkwe liakfigik, su karung mene labetik, agasik werek. Nen helime tugum he inunggul wamborogo kweangma pelakfuluk werek.

RATAPAN 4:1

Emas eil tibelenggeri'lago mene yi nogo re hobuk eil lombugikhe, helep o Allah Awi wuri'mo omanogo molulukhogo ebekhe kwe telfol ikhe.

RATAPAN 5:16

Nit ninamolo hikhi lago mene omanogo re mondogat lek aga, nit weak hilingitoba re mondogat alomat lago.

YEHEZKIEL 26:16

Hat hoba asigin mene andoma heambik, it raja inunggulenu ekhe mene ekhe mene i laut esanggokwe werek mene omanogo re takhta hurek werek oba andoma nen siakhogo menlasimbik he, inasu fano mene raja nen laberek mene omanogo re nonggologo herakfembik inoak leikhogo kweangma hu'lasugun. It inailo hokho mene asimbik inebe hambukhogo welagi'lek logogun.

YEHEZKIEL 26:2

”Afuni wa'lagaikharek mene yi re, it afuni o Tirus werek mene nen it inagaiyek hokhorogo hilingitik, a'mit sup-sap liafik hilingiti logolik inaneba re Yerusalem a'nogo mondogat wolelenggenhogo hilinglaga o! Yi mene ti mene onggo palhi logolik omame werek awi a'nogo re mondogat longgo ikhe. At he nit ninom walhamo re elo'lego! Iluk ili'lagwi o,” yaganete.

YEHEZKIEL 5:5

Tuhan Omame Hokho mene a'nogo nen ikhi logolik, ”Kwelakhan, o kweangma mondogaren inom nen o kota ekhema-ekhema haningisogo werek mene andomaba nen inom he o Yerusalem yi re enggen tulem logouwageluk hilingisogo figi.

IMAMAT 26:31

Hit hinawi kota mondogat he An nen meisalogo foumo o meisalek enek kabok lagakhi logogin, hiren fogerasi laga-lagep kwe andoma re An nen halik halokhogo fagain, nen hinanggo warogo noli waga lagep mene re An nen wanigin lek.

IMAMAT 26:33

Hineabu helikhi legep kwe andoma hesangge linisikhi logogun, nen hinawi wurik he we meisalegenek kabok lagakhi logogin. An nen hit hinaiba eroma andoma weim liabumo hit hinailo nen linggi longgo ugun.

ZEFANYA 2:15

A'nogo o kota mondok inagaiyekhogo logolik fani-fanorogo logogun anggagarek mene andoma inoba a'nogo hilinglasigin. Afuni andoma logogun mene nen anggikhi logolik he, it inawi kota andi re kota amukwe o kweangma yoma werek mene nen he kota andi nek hokho mene werek anggagarek awi a'nogo. Oba nen he o andoma afuni le'ma we yi mene ti mene enggama mene nek he andoma inawi wurogo logogun! Afuni o kota andi kwe laga logogun mene nen he ineilenggen haluk youk laluk he inamel-mel eti logogun.

WAHYU 18:7

At he andi onggwaregen ikhi logolik: An nebe kain logolik, afuni nawe a'ma fisaluk ferinarek logolik he, sogwe nobagagama nen nendawimo weak a'luk le aga logogin nogo? Lego, iluk yi mene ti mene oba peterogo logolik onggwaregen hokhorogo fogerakhugu mondok werek andi hagat, heinet hokhorogo wati logolik, endawimo weak a'luk le aga logouwageluk unggum wogo'no o.