PENGKHOTBAH 9:7 - Allah Wene Fano Wene Hupla Inane

⁷ Halok he nunggu mene ninggi logolik he hagaiyegeti logoino, nen, hagai anggur amusu ninggi logolik hagaiyekhogoat ninggi logoino. Allah nen a'nogo hilingitu mene faget he enggin anggili'logo lek, oba nen Aren anggikhi logolik he ari fano hilingiri'lago anggikherek.

PENGKHOTBAH 9:7 ပူးပေါင်းရင်းမြစ်များ

KEJADIAN 12:19

Haren he, he yi an nombo'ne mene, iluk egenma an wanhi andi nenahalok? Hagwe ebe yi, helaluk he, lan o,” iluk yagatikhe.

1RAJA-RAJA 8:66

A'nogo inenggi 7 ba hilingiti lagaukwasik, inenggi ekhe 8 oba at Salomo nen it afuni omanogo inawilokwe pugulogo lakfisasikhemo, mondogat pugulhi logolik, nineisena Tuhan nen amingmingengge Daud inom, againafuri inunggulenu Israel mene inom, yi mene ti mene wogisasikhe andi nen Salomo agaukhogo fogeratukwasik he, inendawimo inagaiyegen inagayegerik lagaukwa.

PENGKHOTBAH 10:19

Seni isago werek halok he inagaiyegen endo agik, anggur agai werek halok he inendawimo hai agik agarek, oba nen andoma mondogat he a uang lombok werek.

PENGKHOTBAH 11:8

Hat hebe umur ekhe inom to'mot hobagagu halok he hai wati logoino. Andiba re hat hebe o kweangma yoma aninurogo logogin mene andi re horok harek hak oba nen, wa'la'luk lagaikharek oba andoma laluk logogin andi nek he mondok aninurogo logogin. Arigini'mo re andoma faget hendawimo eberek logou hak nogo? Mondogat andoma re we alomarogo werek.

PENGKHOTBAH 5:18

Ap ekhe angge Allah nen wogeterek meneba enggi werek agunem helikhi logolik, at enggi werek a'nogo asuageluk wogetunem helikhi logolik andi re, at oba hilingfikhe mene andi faget Allah hai wati logogin. Andi ogore Allah nenat wogisikherek.

PENGKHOTBAH 7:14

Andi nen he hat hoba fano mene ekhe agu halok he hagaiyek anggikhi logoino. Oba nen hat enggin mene hoba agu halok he, fano mene inom weak mene inom andoma re Allah nenat wokheri'lago hilingi'mo re honggorasu fuk. Nit afuni re hobuk asigin mene andi re ninggi'nogo hilinglasigin iluk ninonggot welago hilingi'more.

PENGKHOTBAH 8:15

Wene ambisangma elugun warogo re afuni nen he inendawimo inagaiyek enek anggikhi logogun. Andi re at ebe o kweangma yoma logolik, agaiyek amu mene faget ekhe hikhi logogin lek, we inamburu ninggik, inagai ninggik, inagaiyegetik, hilingitarek mene andem enek werek. Eluk Allah nen wogete mene andem oba logolik he, aren hilingiterek mene omanogo oba nen we andem enek hikhi logolik logogin.

BILANGAN 6:20

A'nogo fugunem it imam en he nunggungge andoma re Tuhan obaget enogo wogotu mene iluk ebikhit inukhikhi logogun. A'nogo hilingisugun mene andi re domba ai mene a'nogo elonggo palek oba inom, ago palek inom wene melalek oba it imam inangge mene logogin iluk hilingik mene a'nogo werek kwelek he, enogo wesa fikhit mene andem imam inangge aga logogin. Andi mondogat hilingfuluk enek he ap ane menfagain mene andi anggur agai ninggi logogin fano.

MARKUS 7:29

at Yesus nen he, mel yagatikhe: ”Hane higit egen andiba nen, munggwarengge obabut weak mene heak endawimo nen he, arat henegeisogo wulifemo werek andi. Halok haiba lan o,” iluk yagatikhe.

LUKAS 11:41

Halok he, hit mene yi mene ti mene piring elonggoma fikhi lagep mene andi, afuni inagarek lek mene sumburogo wogisegep halok he, hit faget yi mene ti mene mondogat fenakwe sobalek logou hak fano logogin o.

YOHANES 4:50

at Yesus nen he, mel yagatikhe: ”Hamlogo andi arat se asigin. Hobuk he, hambotkwe lan o,” iluk yagatikhemo, ap a'nogo endawimo nen anggikhi logolik he, ”Wene yaganete andi eberogoat yaganete higi,” iluk, endawinggen Yesus oba himbiret fuluk lagaikhe.

KISAH PARA RASUL 10:35

Afuni inunggulenu yi awi ti awi mene at ebe inailo logolik inobabut higithogo hilingitarek mene halok woginaferek enek higi o.

ULANGAN 12:12

O hit logogun oba andoma, it afuni Lewi mene kweang ekhe eise asugun lek andi nen he, it inebe hit hinaiba kota lombok logogun mene inom, hit hinebe inom, hinagainafuri inom, hinamingmingengge inom, hinom lambukhogo nen nineisena Tuhan eilhanem hinendawimo hinagaiyek hikhi logoino o.

ULANGAN 12:7

Nen, At nineisena Tuhan Allah nen, hit hinebe fanothinafik, hinamburu hinangge yi mene ti mene fanotfigik, ugunem he, hiren yi mene ti mene hilingitunem fano nek aga logogin andi nen, hit hinebe hinagainafuri hinom misigat lambukhogo o andoma nineisena Tuhan eilhanem andogetfuluk, hinendawimo hinagaiyek hikhi logolik, hinaggo hinamburu yi mene ti mene mondogat andoma ninggi logoino o.

RUT 3:7

At Boas sumburu inom, i inom, alabut ninghogo nasikhesik, oba hambuk isikhemo re, gandum enggen palogo fesukwaba era'lu horokhogo andoma nogo i kwisikhe. Nogo a'nogo i kwisikhemo, at Rut a'nogo ling long kwisikhesik he, Boas aselimut salek mene lekhasikhesik he, eiso'ma horokhogo weinglasi kwisikhe.