PENGKHOTBAH 9:5 - Allah Wene Fano Wene Hupla Inane

⁵ Afuni ineluk werek mene andi re wa'lasugun iluk he inelu logoumo fano, nen it afuni arat wa'lagaikha mene nen he yi'nogo ti'nogo mondogat inonggot werek. It inobaget wogisugu mene inom inoba eberek werek aple inom ekhe werek lek, nen inenu ogore inonggot agaikharegat.

PENGKHOTBAH 9:5 ပူးပေါင်းရင်းမြစ်များ

2 SAMUEL 14:14

Nit ninebe mondogat he i kweangma kweisalisaluk nekhengge andogosu lek a'nogo hak hilingi'mo re, ninebe mondogat he wa'lasugun enek, nen Allah nen ogore ap mondogat wa'lagu mene hobuk ineluget fou lek hak. Arigini'mo re noe haren ap longgo i lagaikha mene omanogo nekhengge inambotkwe inaiba wesuageluk ebesin.

AYUB 14:21

Lakfisugunem werek kwelek, it inagainafuri omanogo re wene ero mel inonggot kwelek, it inebe kaindek logouwagaluk menfisigik egendek, Nen it inoba inabok palogo weaget fisugunem he, it ekhe nen iluk ogo yagaisagarek mondok lek.

AYUB 30:23

Haren it afuni ineluk werek mene wa'laluk lagaikharek oba mondogat kaboget fisikhi lagen oba andoma, wo'narek laga lagen mene andi re an mondok nelu o.

MAZMUR 109:15

It inaweak andoma At Tuhan nen he eberek mondok logouwak, it inobaget afuni kweangma yoma nen ekhe ebet isanogo.

MAZMUR 6:5

Tuhan, hambotkwe nambit we'luk he, Hat hendawi hundik hilingnabimbik lisogo wulak nobagai wagik, nagap telogo nobagagik in o.

MAZMUR 88:13

Nen Haren elalin mene hilingiti lagen andoma o mum oba andoma nen inelu agaikha mene ekhe werek nogo a? Athe o afuni nen inonggora'luk lagaikharek oba omanogo Haren fano mene nek hilingfisikhi lagen mene andoma futfou hak nogo? Elo'lego.

PENGKHOTBAH 1:11

Afuni nen attak hilinglaga lagaikhe mene andomaba ebeti logogun lek. Andi hakhogo re yi wene ti wene yogondak ari'lago mene inom, hobuk asigin mene inom, andoma it ap hobuk logogun mene nen he ebeti logogun legat.

PENGKHOTBAH 2:16

Ap kembu mene nen he weak-weagat inoba inonggot agaikharek, oba nen he ap hebelek meneba nen ogore weak-weak eberisikhi logogun legat. We hilinghiling mene ogore nit mondogat ninoba ebet nisikhi logogun lek enek. Ap hebelek meneet nen morue meneat he ninebe higithogo nek wa'lasugun.

PENGKHOTBAH 7:2

Seni isatukwe lagaikharek andi re harek oba nen fong wari'lagwi kwe lagaikharek andi nek he mondok fano. Andi re wa'lari'lagwi mene andi nen afuni inebe lombok nenangorinafu werek higi, iluk wenggel hikhi logogun.

PENGKHOTBAH 8:10

Nen ekhe sambul hugunemen he ”Ap ekhe kwanirogo hilingiterek mene ebe wa'lagama re salinafuba omanogo salhi lagaikha. Oba nen ap sali lagaikha mene omanogo inambotkwe inaiba waga logolik he, ap wa'laga mene a'nogo ebe o kota logolik kwanirogo hilingiti laga mene omanogo faget fogerarik lagunem isigi. Arigini'mo re andi ogore we alomarogoat.

PENGKHOTBAH 9:10

Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

PENGKHOTBAH 9:4

Oba nen he inebe inareagun were'ma andem enek he nineluk welago anggagarek. Andi hak he singa wa'lagarek andi re mondok-mondogat wa'lagarek, oba nen mene eluk werek mene nek he eluk agaiyekhogo welagarek.

YESAYA 26:14

It inebe re Haren mondogat leget fisegenma wa'lagaikha, it inareagun nekhengge inelugasugun lek, nen it inebe ogo ineluk asugun legat. Nen it inoba ogo ekhe eberisogoin mondok legaro.

YESAYA 63:16

Hat he nit nineisena lek nogo? Nit nineisenaat welagen o. Abraham inom Yakub inomen he nit he inonggot meneat he, nineisena Tuhan Hat enek he, nit nineisena welagen, o eroma nen engge ninagap telninafendek mene welagen.

LUKAS 20:32

Nen, hobuk, he andi ebe wa'lagaikheat.

IBRANI 9:27

Nit afuni misigam faget wa'lagunem en, hobuk wene ninoba figik, kotik, igin iluk, at Allah nenat isikhe andi hak,