PENGKHOTBAH 9:16 - Allah Wene Fano Wene Hupla Inane

¹⁶ Andi nen an nen wenggel hikhi logolik he, hebelagaikharek andi re inomame mene inom higitsek lek mondok along werek. A'nogo hilingik oba nen ap inenggi lek mene nen hebel-hebel aple hilingitu mene a'nogo re legeisogo fagarek lek. Nen, at ane ikherek mene ogo futfagarek legat.

PENGKHOTBAH 9:16 ပူးပေါင်းရင်းမြစ်များ

AMSAL 10:15

Ap angge hokhorogo werek mene andi re angge yi mene ti mene omanogo a'ma along palogo fakhaluk werek, oba nen inangge lek andi nen he it inenggi lek mene andi weagerinafarek.

AMSAL 21:22

Ap hibil-hebelhogo hilingitarek mene nen he o kota ap tentara mondok inaninirogo kagalek werek oba nen ogore pin ku hagat, aren he leget pa'leget inendawinggen yamukhogo waganek mene omanogo langgu-langgarogo pelabu hagat.

AMSAL 24:5

Ap inomame hokho welagaikharek andi re we harek hak oba nen he, it ekhe inobabut hebelek logolik hilingitarek andi nek he mondok esin. Nen ap omame welagarek andi re we harek hak oba nen he, inelu welagaikharek mene andi nek he mondok esin.

AMSAL 8:14

Komo wene inom, walhugungge inom andoma re an noba nek werego, fut fugungge inom, inomame agarek mene inom andoma re an nobaat werek.

PENGKHOTBAH 10:10

Henggarok enggat lek kwelek mati lagen lek halok, haren yabu hilingisigiluk he honggwarek homameba fukfakhogo hilingisigin. Oan hilingiti'lek logolik attak-attak he hilingisugun mene fanorogo wenggelogo feino.

PENGKHOTBAH 7:12

Andi re uang inagap telengge wogisagarek a'nogo inom higitse'ma re, endawinggen kagalek mene andi re mondogat esin! Aren andi mene eiserogo logogin halok he agap telek logogin.

PENGKHOTBAH 7:19

Hebelek mene andi nen he onggwarek agun a'nogo omame hokhorogo wogeterek, nen ap o kota misik ekheba inomame werek inap inebe 10 nen werek oba nen ogore hebelek mene andi nek he omame mondok hokho werek.

PENGKHOTBAH 9:18

Sige sikhe wanharek andi sebelek hak oba nen he inendawinggen kagalek welagaikharek andi nek he mondok esin, oba nen weak mene endebat ekhe tephogo pigin mene nen amusu fano mene belanga misik keralek weagerogo fou hak.