PENGKHOTBAH 9:12 - Allah Wene Fano Wene Hupla Inane

¹² Yi sambul hilinglasigin ti sambul hilinglasigin iluk inonggot were'ma, sue hele fagarek oba ke'nok igik, nen ikan onggotma su webet fagarek oba elema kwalagik ikherek hak, nit afuni ninoba ogo ninonggot were'ma enggin mene ninoba asi wagarek andi o,” iluk isikhe.

PENGKHOTBAH 9:12 ပူးပေါင်းရင်းမြစ်များ

MAZMUR 11:6

Afuni weak hilingitarek mene halok he Aren enggin-fenggin ekhe mene-ekhe mene inom, endu oba inom, helebenggen endu meneba inom, nen sogoi aganhan nen nolinaferek meneba inom unggum inoba fikherek.

AMSAL 24:22

Andi re At Allah nen inom raja nen inom wene inoba fagain mene andi re endep mene inoba fagain legenggere, ap ariginik mene andoma re eilabut kulunghogo leget fisagain.

AMSAL 29:6

Ap higithogo hilingitarek mene re inagaiyek oba fanorogo welagaikharek, oba nen he ap inanini weak mene re inaweak oba inonggwarek yebet fakhagarek.

AMSAL 6:15

Andoma mondogat he ferekhogo at onggwarek oba asumo re, at ebe mondok alperelogo foumo, eiloak legasigin.

PENGKHOTBAH 3:19

Nit, wam, sue, paik, ninom higirat hilinglagorek. Nineluk, we, welagoresik he, nit afuni wa'lagik, it wam, sue paik wa'lagik, ninom wa'lagoregenek. Nit afuni ekhe saburogorek mondok lek. Ninom higithogoat, we, tulemat nineluk welagoresik wa'lagoregenek andi.

PENGKHOTBAH 8:11

Nena mene faget afuni nen inailo anggigi'legengge weak mene nek hilingitarek nogo? Andi re unggum weak-weak wogisagarek lek andi nen hilingitarek.

PENGKHOTBAH 8:8

Ap misik ekhe nen wa'lagu mene faget oanma iluk senfigik, higilogo fei lagik u lek hak, Andi re afuni mondogaren inebe lombok hogoin enek hilingi'mo re, We ineranen wene agarek oba inom henarogo wene agarek oba inom, wa'lagaikharek mene andiba nen ogalogo la lek hak.

PENGKHOTBAH 9:13

Ombo'ne yi ogore walhogo wene misik ekhe ebe fi-furogo afuni hebelagaikharek mene andi omame werek anggigi mene faget he yi'nogo.

YESAYA 24:18

Ap inoak leigeti logolik heise lagaikharek mene re sapnaba alperelaga logogun, nen ap sapna ambisangma agu mene andi re hele yepse'ma ke'nok ikhi logogun. Meiso hokho mene re pogoroba nen pelabi wesigin, nen kweang timuk warek mene re leik waririm eti logolik abolok igin.

YESAYA 30:13

Andiba re hiren weak mondok hilingiti lagep andi. Hit he o leget esiale uanhogo liabe'ma po'lima nen halet erik a'ma fikhit pikherek hakhogo hilingik welagep. Hit he ferekhogo aremnogoat wolelenggenhogo hinoasigin.

YEHEZKIEL 32:3

Yi afuni ti afuni inunggulenu lombok andoma kabogesugun sambul andi re An nen hat su ikan kwalharek asu meneba kwalhobagambik it ap inunggulenu andi nen litharek esanggoma hobagai wulibi wesuageluk herakfisagain.

HOSEA 7:12

Oba nen he iren hundik-handik a'nogo logoin iluk lagunem he, afuni nen hele webet fugunem sue ke'nok ikherek hak An nen it inebe elema kwalasuageluk su ugu legeisogo fuluk logogin. Iren inaweak hilingiri'lagwi mene andi An nelu welagimo re An nanini mene hilingiri'lagwi mene andem faget unggum wogisagain.

HOSEA 9:8

An he, nebe nabi logolik hit Tuhan againafuri hineluet hinobagakhi logouwageluk Allah nen la'nobagai wagaikhe, oba nen an o ekhema-ekhema laga lagikwe omanogo re, sue faget hakhogo an nobaget hele webet nobagakhi lagep. O kweang Allah onggwarek anggweangma a'nogoba nen afuni nit nabi ninap omanogo eil ninabi'lagwi.

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

LUKAS 12:39

”Wene yi hinendawimo eberek logoino. Ap awi eisewerek mene ekhe endawimo anggikhi logolik, o yogondak hubanggo re, jam tiba an inaiba yoma ap ekhe yogot wanigeluk kwi wesigin, iluk elu logolik aiba kagalek logoilepma re, o pin talogo yogot wani kwilep lek.

1 TESALONIKA 5:3

Afuni nen he: ”Nit fano lioksek welago,” iluk, ugu kwelegat, hemi ineagwi ina'ma mene inonggorat were'ma inebe taginabuogeluk horokse'ma inambot heinet weak watarek hak, a'nogoat it inonggot were'ma ferekhogoat weagerinafunem heise wulibu elo'legat asigin o.

2 TIMOTIUS 2:26

A'nogo komorinafunem, at Iblis endawimo anggikherek mene hilingiti logouwageluk inebe paik hele fugunem ke'nok ikherek hak ke'nok uba nen, hobuk inobabut hebelumo Allah nen fikhalogo wulakfisagain aro.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.

2 PETRUS 2:12

It ap Allah ane yagaisagarek mene hangge ineranenat yagaisikhi logogun mene andi re, wam endawinggen lek mene ebe fakfuluk wasuagelugat ebe ta'lagarek andi hak, it ap andi nen wene futfigi'lek logolik inabok weak palhi logogun andiba, inonggwarek inebe wam watarek andi hagat Allah nen inoasigin andi.