PENGKHOTBAH 9:10 - Allah Wene Fano Wene Hupla Inane

¹⁰ Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

PENGKHOTBAH 9:10 ပူးပေါင်းရင်းမြစ်များ

KEJADIAN 37:35

A'nogo weregen, it againafuri ap inom, hemi inom, Yakub endawimo fanorasuogeluk ugunem, aren he, ”Hiren an nendawimo fanot nabugun he, nabit,” iluk isikhesik he, mel isikhe, ”An namlogo faget, ouwak le agu mondok were'ma nen huli nebe wa'lasigin o,” iluk isikhesik, amlogo faget asu weak mene laberogo pelagwi fesikhesik welagaikhe.

1 TAWARIKH 22:19

Enggere, hiren hineisena Tuhan Allah ba nek, hinendawinggen inom, hinebe inom mondok abirengge At oba nek eberek logolik hilingiti logoino. Peti Tuhan nen Wene warogo wo'ninafikhe mene a'nogo inom, samban uogeluk kabogeti logolik, hilingitu mene yi mene ti mene omanogo inom, o wuri'mo andoma fikhi logogun nen he, Tuhan Awi andi wusugun mene erora'ni,” iluk yagaisasikhe.

1 TAWARIKH 28:20

Andi nen at Daud en amlogo Salomo ba ekhe inom yagati logolik he, ”Hat he hendawinggen hambuk haluk hailo lekhogo hilingi'no. Amu meneba ekhe hailo asu fuk, yabu andi re erorano at. Tuhan Allah an nen fogerati lagi mene andi nen hat lebethiikhi logogin. Nen, Aren he hat herakhobagaluk lagain mondok lek, we hat hera'lu werek kwelek enek yabu andi mondogat eil homokhogo wusigin.

NEHEMIA 2:12

A'nogo logolik, an nen he,” Allah nen o kota Yerusalem meisalhukwa a'nogo hobuk ambotkwe legeisogo wusuagaluk yaganetemo nen wagarigo,” iluk afuni mondogat yagaisigi'lek welagagi. A'nogo welagagisik, nenggi ekhe sambul nogo iluk o hubanggoat neluk agagisik, nagaila'lak inebe pire, henagan, ekhe inayonggo fesigisik he, wam amboloba nikharek mene ekhe welagaikhe le'ma re, we, wam keledai an amboloba hurek lagain mene nek waluk, o kota abel endakwe wulifugu.

NEHEMIA 4:2

Wene a'nogo esanggo holhikhesik he, ap at inom ineabu misigat mene inom, ap tentara Samaria mene inom, ineilhanem mel yagaisasikhe: ”It afuni Yahudi mene andi nen yabu andi katokhogo hilingisugun iluk a? elo'lek meneat hilingiri'lagwi andi isikhi lageba? O kota mesalhukwa mene andi, iren elok ambotkwe legeisogo wusugun nogo? It inendawimo nen he, niren wam, yi mene ti mene Allah faget warogo noleti logolik, leget andi ninenggi hup misik sambul obaat arat wusugun, iluk anggili'lagwi andi inenggali lega? O kota leget pa'leget wurik welagaikhe mene meisalogo potfisasukwama mondok weak agarikhe mene andi, iren helep hilingisogo leget pa'leget wusugun nogo? Mondok elo'lego,” iluk isikhe.

NEHEMIA 4:6

A'nogo yaganisugu kwelegat halolot fisaluk, nit leget pa'leget a'nogo wuti lagaguat. A'nogo wuti logolik, afuni nit mene mondogat ninomamerogoat wuti lagagu andi nen he, leget pa'leget andi mondogat weak-weagat wurogo obakheba fei lagasugu andi.

AYUB 10:21

Eil misik wela'luk he an nebe mondogat lagainmo re, nekhengge nambotkwe lagokhogo wesigin lek, o kweangma mondok mum hikhak se'ma andoma lagain.

AYUB 10:22

O hik weak hilingi'mo mondok nong-hongsekma andoma re, o selek werek oba nen he selek a'nogo mum hangge hilingi'mo andoma lagain,” iluk ikhi laga.

AYUB 21:13

Iren he linggene hundik-hundik omanogo inagaiyek hikhi logolik enek welagaikharesigen legasi lagunem he, it inebe ogore enggin-fenggin inoba legengge wa'lari'lagwiat.

MAZMUR 6:5

Tuhan, hambotkwe nambit we'luk he, Hat hendawi hundik hilingnabimbik lisogo wulak nobagai wagik, nagap telogo nobagagik in o.

AMSAL 3:28

Haren yogondak leberisa elok werek kwelek oba nen, it hat hinom logogun mene a'nogo inoba, hobit lebethisagain enggere nenangot hikhi logoni o, iluk yagaisa fuk.

PENGKHOTBAH 11:3

Nen, ohena higet hikheresik meiso pogoroba nen pelabi wagarek. E sanokhogo afe halekwe a'nogoat lagaresik, sanokhogo lagarek oba aremnogoat hulamberek logolik welagarek.

PENGKHOTBAH 11:6

Yi mene ti mene awi hubet yasugun mene fano asigin he a? Hu'mokokwe yasugun mene fano asigin he a? Emberegat fano nek asigin he a. Hinonggot andi nen he, hubet yati la'luk hu'mokokwe set warigi'legat yati logoino o,” iluk isikhe.

YESAYA 38:10

”An nen ikhi logolik, nebe umur tulem hilingik kwelek lagain andi re, nebe neluk ambisangma logogin iluk mene andem he, afuni wa'la'luk lagaikharek oba omanogo nen, legasi lagain anggigi o.

YEREMIA 29:13

Nen hiren hinendawinggenma eberogo nenat An heinok wo'nabimbik An nebe hera'nabik wesugun halok, hiren An ninom elok ambi asugun aro.

BILANGAN 13:30

A'nogo yagatukwama, it afuni ekhe nen he, ”Ninggi'nogo hilingisugun, nailo e,” iluk, Musa oba wene palogo yagati lagaukwa mene andi inendawinggen hambuk uageluk, at Kaleb en mel yagaisasikhe: ”Hinailo lek. Nit afuni o andoma mene mabenet fisouwogeluk ninomame elok welago andi nen, yogondak yaat inoasi lambik, inebe mugusogo wulakfisambik he, o andoma nit arat sebeli louwogo,” iluk yagaisasikhe.

MATIUS 20:7

it ap omanogo nen he, ”Yabu ekhe wanuageluk ninayonggo figi'lek andi nen welago o,” iluk yagatukwa. A'nogo yagatukwama re, at ap eabu eisewerek a'nogo nen he, ”Halok he, hit hinomat an neabumo anggur yabumo andoma hilingisi lano o,” iluk inayonggo fesikhe.

MATIUS 6:33

Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

YOHANES 4:34

A'nogo isukwama at Yesus nen he, mel yagaisasikhe: ”At an laknobagai wagaikhe mene a'nogo endawimo anggikherek mene higithogo hilingiti lagi andi inom, an hilingisuageluk nayonggo fesikhe mene andi elugun warogo katokhogo hilingisigeluk ikhi lagi andi inom, an namburu re, andi aro.

YOHANES 9:4

ekhe mel yagaisasikhe: ”Hobuk o mum asigin o. A'nogo mum agunem, afuni ekhe nen yi mene ti mene hilingisu lek hak asigin andi nen he, At laknobagai wagaikhe mene hilingiterek mene andi, o yogondak o selek werek kwelek yagaat hilingiti logouwogo.

ROMA 12:11

Allah Areagun en hinendawimo agaiyegeratu kwelek, nineisena Tuhan faget hinaberali agi'lek, ninghogoat hilingiti logoino o.

1 KORINTUS 15:10

A'nogo igin elo'lek meneat he, Allah obabut fano nen nayonggo fesikhemo yi'nogo agagisik welagi o. Nayonggo fesikhe andi we tulemat fesikhe lek andi nen he, it ekhe mondogat yabu endebat hangge wanhu kwelek, an enek he, hokho hangge wanhi lagi o. Mene re, a'nogo wanhi lagi andi re, an nen wanhi lagi fuk. Allah obabut fano nen nemberegat logolik wili'logo o.

1 KORINTUS 16:10

At Timotius a'nogo, an nen ninoe Enupogot faget hilingiti lagi hak hilingiri'logo mene hit hinoba wesigin andi, ebe waga halok he, hit hinom ailo lekhogo logouwagen he, ebe fanorogo wanino o.

1 KORINTUS 9:24

Sa awewerek-sa awewerek louwogeluk he, inebe logoin mene andi, inebe mondogat lagaikharek meneat he, misik agun tak lagunem onggo fano mene wogotarek iluk hinonggot nogo? Andi hagat, onggo fano mene wokhisoageluk he, fungusek hinomamerogo laga logoino o.

1 KORINTUS 9:26

Andi nenat, an laga lagi andi re, ka lagain he, hesanggeat laga lagi fuk. Nelokhe tukum laga lagi o. Andi hagat he, afuni inenggi yinggilogo at ekhe nen ekhe watik, ekhe nen ekhe watik, ikhi logolik alemarogo ekhema inoatarek lek andi hak, an we hesanggeat hilingiti lagi fuk.

EFESUS 5:16

O yogondak obabut weagenek hilinglari'lago andi nen he, hit hinobabut we tulemat alemarogo hilingiti logoinogo iluk, fano hilingisu werek yabaat hinobabut fano mene andiat hilingiti logoino o.

KOLOSE 3:23

Yi mene ti mene hilingiti logolik hinendawimo nen he: ”Afuni faget hilingiti lago lego. We ninoe Enupogot fageraro,” iluk, hinendawinggen oba nen hilingiti logoino o.

1 SAMUEL 10:7

A'nogo mondogat hilinglagunem hegen halok he, Allah hat setharek mondok logogin andi nen, haren he, Fano yi'nogo hilingisugun, iluk anggegen halok he, andiat hilingi'no o.