PENGKHOTBAH 8:8 - Allah Wene Fano Wene Hupla Inane

⁸ Ap misik ekhe nen wa'lagu mene faget oanma iluk senfigik, higilogo fei lagik u lek hak, Andi re afuni mondogaren inebe lombok hogoin enek hilingi'mo re, We ineranen wene agarek oba inom henarogo wene agarek oba inom, wa'lagaikharek mene andiba nen ogalogo la lek hak.

PENGKHOTBAH 8:8 ပူးပေါင်းရင်းမြစ်များ

2 SAMUEL 14:14

Nit ninebe mondogat he i kweangma kweisalisaluk nekhengge andogosu lek a'nogo hak hilingi'mo re, ninebe mondogat he wa'lasugun enek, nen Allah nen ogore ap mondogat wa'lagu mene hobuk ineluget fou lek hak. Arigini'mo re noe haren ap longgo i lagaikha mene omanogo nekhengge inambotkwe inaiba wesuageluk ebesin.

2 RAJA-RAJA 7:15

A'nogo lakfisasikhemo, lagaukwasik inombo'ne lagaukwa-lagaukwa re, i Yordan ima lagaukwa. A'nogo laga logolik, kwe ebekwe ap tentara Siria mene a'nogo heise laga logolik, inasu inom, yi mene ti mene ekhe inom, ebekwe ya pelafik, ta pelafik, lagaukwama ineilenggen hasukwa. A'nogo ineilenggen haluk, it ap lagaukwa mene aremnogo inambotkwe inoe raja ba yagasi wagaukwa.

AYUB 14:5

Afuni inebe lombok umur inenggi yi huli logogun, iluk andi re Haren wenagaisogo fesiginmo werek, tugi huli taba foleligin iluk andi re tukhumhogo fesiginat, ap misigen iluk ogo huli warek mene andi taganhogo ineluk ekhe inom logogun mondok lego.

AYUB 34:14

At Allah nen it afuni ineluk a'nogo waganogo, it mene set a'nogo lisogo wanumo nen he,

MAZMUR 89:48

An nebe horogat wa'lasuhak welagi andi noba ebesin o, Nit afuni ninebere, we, elama faget welagoresigen wa'lagorek mene elalninafigin andi.

MAZMUR 9:17

At Tuhan ebe weinam aga logolik he, Aren wene mondok katokhogo palherek andiba, it afuni weak hilingitarek mene re it inonggwaregen hilingituba ambisangma saburagarek.

AMSAL 12:3

Ap misik ekhe aweak hilingiterek mene a'nogoba femhogo welagarek mene ekhe werek lek, oba nen he ap ekhe eberogo anggikherek mene re taloti'lek abolo'lek logogin.

AMSAL 14:32

Ap obaharo weak mene alomat lakhagain andi re onggwarek aweak oba, ap fano hilingiterek mene inili waganogo logogun andi re it fano hilingisugun oba.

PENGKHOTBAH 3:21

Nit afuni ninebe wa'la'luk ninareagun selokhogo kwe ponggwe lagogorek, nen, it wa'la'luk inareagun selokhogo kweangma pagarek, iluk nit tukumhogo ninonggoro.

PENGKHOTBAH 8:13

Agaumhogo re ap kwanirogo hilingitarek mene re enggin-fenggin hokhorogo hikhi logogun. At ebe eluk werek mene re inafumagengge palago lagarek hak weak-weak legasigin. Andi re aren eisena Tuhan oba tiphogo hilingiti logogin lek andi nen at ebe umur oan werek kwelek wa'lasigin andi.

PENGKHOTBAH 9:12

Yi sambul hilinglasigin ti sambul hilinglasigin iluk inonggot were'ma, sue hele fagarek oba ke'nok igik, nen ikan onggotma su webet fagarek oba elema kwalagik ikherek hak, nit afuni ninoba ogo ninonggot were'ma enggin mene ninoba asi wagarek andi o,” iluk isikhe.

YESAYA 28:15

Hiren ikhi logolik, ”Nit he afuni inebe wa'lagaikharek ero andi ninom wene mondogat wat-wat agosigo. Nen afuni inebe wa'la'luk lagaikharek oba andi ninom wenenggak arat ogosigaro,” iluk ikhi lagep andi. Hit hinebe telouwogeluk he ineranhogo weneba lalinafi lagep andi nen he hobuk mondok weak mene it ekhe inoba agunem, ”Nit he ninoba asigin lego,” iluk anggikhi lagep.

YESAYA 28:18

Hiren afuni wa'la'luk lagaikharek mene hinom wene watik, nen wa'lagaikharek mene hinom hinane seberogo matik, ikhi lagep mene andoma sugwi asigin andi nen he, enggin mene hinoba asi wesumo re hit mondogat alperelogo sebel hisogoin o.

YESAYA 47:10

Haren kwanirek mene hilingiti logolik andoma a'ma fano welagi iluk anggikhi lagen, Hat hobabut hilingiti lagen mene andoma re fut fili'lagwi lek anggikhi lagen. Hebelek welagen andiba inom helu mondok welagen andiba inom nonghonget hobagali'lagwi, haren anggikhi logolik he ap amu mene re an higit mene ekhe werek lek anggikhi lagen.

1 KORINTUS 15:43

Ninebe warek ninomame lek inabit agarek mene andi, kweangma salninabumo re, hobuk ninebe ninomame werek fogetninabugun mene nineluget ninabigin o.

2 KORINTUS 13:4

At Kristus ebe lebelek were'ma eba menfuluk watukwa meneat he, at Allah omameba eluget fesikhemo elugat welagarek. Andi hagat he, nit at ni nom hundik logolik lebelek welago meneat he, at Kristus ninom hundik nineluk logolik he, Allah omameba hit faget hilingisi wesugun o.

IBRANI 9:27

Nit afuni misigam faget wa'lagunem en, hobuk wene ninoba figik, kotik, igin iluk, at Allah nenat isikhe andi hak,