PENGKHOTBAH 8:4 - Allah Wene Fano Wene Hupla Inane

⁴ Raja omame werek mene a'nogoba yi wene ti wene hilingitunem he, sa nen ailo legengge ane oak sagalu hak nogo?

PENGKHOTBAH 8:4 ပူးပေါင်းရင်းမြစ်များ

2 SAMUEL 24:4

Oba nen he at raja a'nogo re aren hilingisigiluk wene lenggalogo wulafikhe mene a'nogo faget enek hilingiti lagaikhe mo re, at Yoab inom, it perwira fena omanogo inom he, it afuni Israel mene wenaginabugun iluk lagaukwa.

1RAJA-RAJA 2:25

Andi isikhemo at raja Salomo nen he Benayaba mimingitikhe mo re, At Benaya ebe lagaikhesik Adonia a'nogo wasi lagaikhe.

1RAJA-RAJA 2:46

A'nogo yagatikhesik he, at raja nen Benaya mimingitikhe mo Benaya lagaikhesik Simei pinggi wasi lagaikhe. A'nogo watikhe mo re andem sambul at Salomo alegenek aren melalinafi lagaikheba andoma enu werek mene welagaikhe.

EZRA 6:13

Wene onggo a'nogo lakfei wagaikhemo, at raja Darius nen melalfesikhe mene a'nogo re at Tatnai gubernur o Efrat barat oba welagaikhe agun a'nogo inom, Syetar-Boznai a'nogo inom, inagaila'lak ekhe inomen he, wene inoe kain Darius nen yagaisasikhe mene a'nogo higithogo nek hilingitukwa.

AYUB 9:12

Aren telhunem he, ap sa nen ambong serogo At oba nangge iluk ili wanu hak nogo? Athe at heinok wokhikhi logolik, ”Ao, Hat he, ningginhi lagen,” iluk heinok wanu hak nogo?

KELUARAN 1:18

A'nogo hilingiti lagaukwa andi nen at kain nen hemi pire omalik taginafunem leberisikhi lagaukwa mene aremnogo wolisasikhesik he, heinok yi'nogo wogisasikhe: ”Hiren omalik ap mene inoati'lek ineluk herakfisikhi lagep andi nenahalok?” iluk yagaisasikhe.

AMSAL 19:12

Raja a'mage re mene singa nen ngineterek andi higit lagaikherek, oba nen he at raja nen fano hilingiterek mene andi re lilengge enggabene sakhoraterek andi higit werek.

AMSAL 20:2

Mene singa ane kwerik lagunem inailo agarek andi hak at raja a'mage lagagunem he a'nogoat inailorogo welagaikharek. Ap ekhe nen raja a'mage lagau hak mene hilingite halok he, inonggwarek inebeat weaget fakhogoin.

AMSAL 30:31

kambing ai mene kwe lagarek andi inom, ayam ai mene mendek lagarek andi inom. raja ekhe afuni inelokhe kwe lagarek mene andi inom, andem.

DANIEL 3:15

Eberogoat halok, yogondak pinggong omanogo anethugu kwelek an nen tugwi kembu wuti mene andi hineindep awi yagaisogo sagaum iluk fogerasugun a? Hinabira? Hinabit halok he, an nen hit hinebe endu amulok wabunak nunggunem hambokhogo kwelakhinobagaumo re kembu ningginik mene nen an nenggim engge andi elok telhinabu hak anggegep? Mondok elo'lego,” iluk yagaisasikhe.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

ROMA 9:20

Eige! Nagot yi. At Allah ane ugunem, haren at ane oak lagaligin nogo? Elo'lego. Afuni nen iwak temul mene hilingitunem kweang temul andi nen he, at hilingite mene andi yagati logolik: ”Haren an yi'nogo nenahalok hilingnafen,” iluk yagasigin nogo? Elo'lego.