PENGKHOTBAH 8:12 - Allah Wene Fano Wene Hupla Inane

¹² Ap weak enek hilingitarek mene nen weak ero seratus nen hilingirik lagain meneba nen ogore at ebe eluk uanhogo werek. Oba nen he ap Allah faget inailo anggagarek mene halok he ineluk fano inagaiyekhogo nek logogun.

PENGKHOTBAH 8:12 ပူးပေါင်းရင်းမြစ်များ

1RAJA-RAJA 21:25

At Ahab Allah eilhanem onggwaregen ebe weak hilingirikhi logogiluk wenagaisogo fakhaluk weak hilingiti lagaikhe andi hangge afuni nen ekhe hilingiti'lek. At Ahab mondok weak hilingiti lagaikhe andi mondogat he, agwe Izebel en endawimo kagalhu kwelek hilingiti lagaikhe andi.

1 TAWARIKH 16:30

Yago, hit afuni o kweangma yoma mondogat, At elokhoma nen hinoak leigeti logoni! Kweang hambuk lele warek mene re abolok u lek hak.

AYUB 35:15

Haren anggikhi logolik he, an weak hilingiti lagi mene inom, wene melalek taganhogo hilingiti lagi mene inom, oma re At Allah nen unggum wo'nesigin lek, iluk anggikhi logolik ikhi lagen a?

MAZMUR 112:1

It afuni wene melalek futfuluk hilingitik, Tuhan awene melalek inamolorogo hilingitik, hilingitarek mene andoma re inagaiyek hikhi logouwak.

MAZMUR 115:13

Hit afuni nineisena Allah hinailorogo welagep mene yi, hinenu werek mene inom, hinenu lek sebelek welagep mene inom, At Allah nen higithogo nek fanothinafi logogin o.

MAZMUR 128:2

Hat he honggwaregen waganogo yakfakhugu mene enggen palek ninggi logogin, nen hebe fanorogo welagik, hangge yi mene ti mene mondogat were'ma welagik, hilingik logogin.

MAZMUR 37:11

Oba nen it afuni inendawinggen sebe iluk logogun mene re, kweang andi eise asimbik logolik he, fano mene hokhorogo oba heilarogo helikhi logogun o.

MAZMUR 96:9

Hit hinebe mondogaren Tuhan awe a'ma hineindep awi yagaisogo hinasu Tuhan obaget hilingisuogeluk labetarek mene laberogo At faget fogerati logoni! Hit afuni o kweangma yoma welagep mene re At elokhoma nen hinoak leigeti logoni!

KELUARAN 1:20

It hemi omalik tatunem leberisikhi lagaukwa mene andi, Allah inailorogo hilingiti lagaukwa andi nen, Allah nen inebe fanorinafik, iren tagongge mene wogisigik, ikhi lagaikhe. Nen, afuni Israel mene ogore, inebe mondok hokhorogat aga logolik, inomame hokho aga lagaukwa.

AMSAL 13:21

It afuni inobabut weak hilingitarek mene andi, weak mene inoba agu mondok welagarek. Nen, it ekhe inobabut fano hilingitarek mene andi, yi mene ti mene helikhi logolik inendawimo inagaiyekhogo nek welagaikharek.

AMSAL 28:14

Hineisena Tuhan legeisogo fikhi logogun halok, ambisangma fano logogun. Nen haren At ane oak sagaligin halok, hat hebe alomat lasigin.

PENGKHOTBAH 12:13

Andoma mondogat an nen wil-wal hasigisik, wene andi ambisangma lambulogo an nen anggasigi mene re yi: Allah nen afuni elalinafe andi re At oba inailorogo logolik hilingiti logouwageluk elalninafikhe hilingi'mo re, afuni inebe lombogen At awane fano wene pukhogo fisogo logolik hilingiti logogun andi esin o.

PENGKHOTBAH 3:14

At Allah nen yi'nogo ti'nogo hilingiterek mene andoma re mondok-mondok logogin andi nen he an nelu o. Nit afuni nen ekhe oba to'motfigik, misik ekhe pelakfigik hilingisu mo re elo'lek. Nen At Allah nen a'nogo hilingiterek mene andi re niren At oba ninailorogo logouwageluk hilingiterek.

PENGKHOTBAH 5:16

Nit nineluk logolik oba re, mum hikhaksekwe yafak tafak laga logolik, ninendawinggen fitik, ninobaharo agik, ninendawimo ou higik, ogorek andi.

PENGKHOTBAH 5:7

Ap kain inenuwerek mene logolik melalinafarek mene nen ap kunggu inenggi lek mene sebelogo fisigik, it inobaget katokhogo hilingfisigi'legengge hilingitik, hilingitu werek halok he wene andi faget fogerinabu fuk. Ap pegawai werek mene re inogogwi it inunggul mene nen kagalinarek werek, andi hakhogo it ineabu legoma werek inaben ogore it inagoromi kagalinarek weregat.

PENGKHOTBAH 7:15

An neluk he we alomarogo hak welagiba nen, an nebe neluk logolik oba ekhe hilingitunem hikhi lagi re yi: Ap ekhe weak hilingiti'lek werek oba nen ap fano mene a'nogo ebe wa'lagarek. Nen, ap ekhe kwanirogo hilingiti logolik weak mondok hilingiterek oba nen eluk uanhogo werek.

PENGKHOTBAH 7:18

Wene ero pire andem oba nen ogalikhi logoino. Nit Allah ba ninailorogo logogun halok he ambisangma fano hiliglaga logogun.

YEREMIA 44:10

A'nogo hilingiti lagagip oba nen, yogondak yi huli nen enggere hit hinendawinggen sebelfakhikhi lagep lek. Hiren he, An esinet nobagaluk legeisogo nobagagik, nen Nawene melalek hit hinoba inom, it hinombawi inoba inom, wogisasigi mene a'nogo higithogo hilingiti lagep legat.

MATIUS 25:34

A'nogo tegelogo fisambik he, an nebe kain nenupogorat andi nen he, it nenggi ebekwe fisagain mene andi, wene mel yagaisagain: An neisena nen fanothinafemo welagep mene andi we'ni o. An sumburu nele were'ma hiren mela'netik, i nele were'ma hiren wo'netik, an ap pogat were'ma hiren wo'nafik, nasu laberek lek were'ma hiren labetnobagagik, ou warek were'ma hiren nea wagik, nenggi hele warek were'ma nea wagik, isigip andi nen he, an neisena nen pogot kweang oan elalhi'lek logolik, hit kain hinenu werek logobagaigeluk wenagaisogo hinobagasikhe mene yi hela we'ni o, iluk yagaisugunem,

LUKAS 1:50

Afuni mondogat, attak ta'lagaukwa mene inom, ket ta'lagaikha mene inom, hobuk ta'lasugun mene inom, at ebe inailo were'ma endawi nen fano hilinginafi logogin o.

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

ROMA 9:22

Andi hak, at Allah endawimo anggikhi logolik he: ”Afuni an nen elalinafigi meneat he, it ekhe na'mage liabi'lagwi andi nen, weagerinabigeluk, na'mage lagaikhe mene andi, iren nobabut palhik, nomame werek mene andi inelu agik, uago,” iluk afe morogo welagarek.

ULANGAN 12:25

An nen, yi'nogo hilingiti logoino, iluk yagahisigi andi, hiren hologo hilingiti logogun halok he, nineisena Tuhan endawimo agaiyek agunem he, hit hinebe inom, hiren tagongge mene inom, hinom fano mondok logogun o.

ULANGAN 12:28

An nen, Hit yi'nogo hilingiti logoino, ti'nogo hilingiti logoino, iluk wene mondogat yagahisigi andi, hinesanggo hologo hilingiti logolik, fano mondok hilingiti logogun. A'nogo hilingiti logogun halok, nineisena Tuhan Allah nen hit hinebe oba liok ugunem he, hit hinebe inom, hiren tagongge mene inom, fano mondok logogun o,” iluk yagaisasikhe.

ULANGAN 4:40

An nen wene hit hilingiti logogun mene yogondak yagahisigi andi, mondogat hinesanggo hologo higithogo hilingiti logoino o. A'nogo hilingiti logolik, hit hinebe inom, hiren tagomangge mene inom, hinom o nineisena Tuhan Allah nen hit mondok logouwageluk wokhisagain oba andoma eise asimbik fano logogun o,” iluk yagaisasikhe.

2 PETRUS 2:9

A'nogo meneat he, afuni ekhe Allah amolo mene hilingitunem inendawimo kagaligeluk wagunem, nineisena Allah Enupogoren telinafik, nen it ekhe weak hilingiri'lagwi mene halok, wene hobuk inoba feigeluk ferinarek welagik, a'nogo hilingisigin elu logoligat elok hilingisigin o.