PENGKHOTBAH 8:1 - Allah Wene Fano Wene Hupla Inane

¹ Ap hebelogo nek hilingiterek mene andi re agaiyek mondok hikherek, aren he yi wene ti wene faget onggo higithogo nek ikherek. Endawinggen kagalek mene a'nogo nen elokheba heanetfigik, nen elokhe haro mene a'nogo oba heanetfigik, ikherek.

PENGKHOTBAH 8:1 ပူးပေါင်းရင်းမြစ်များ

KEJADIAN 40:8

A'nogo wogisasikhemo, iren he: ”O yogondak hubanggo ninabi hogo mene re, ebe yi'nogo mene faget hegep, iluk yaganisogoin mene afuni mondogat inonggot enegen welago o,” iluk yagatukwama at Yusuf en he: ”Allah nen yagaisugunem enek he, ebe yi'nogo mene faget hegep, iluk u hak, ma re hinabi hegep mene andi pilingisogo yagane'ni o,” iluk yagaisasikhe.

AYUB 33:23

At Allah nen yonggo malaikat inebe 1.000 nen mene omanogo inanggele'ma nen he we misigen enek, afuni nen At eabu hilingitunem eberisa wagarek mene a'nogo nen enek leberisa wagarek.

AMSAL 1:6

A'nogo yanggulugun halok he, iren wene elonggoma hinago werek mene omanogo ebe yi'nogo faget iluk inelu agik, nen it afuni inendawinggen kagalek mene nen agarek mene omanogo inelu agik, wene onggo yaganisoageluk heinok wanhunem elok yagaisigik, ikhi logogun.

AMSAL 12:8

Ap ekhe at hilingiterek mene faget legeisogo fagarek, nen ap ekhe inali'no weak wenagisagarek mene andi re iren ogo li'norogo fisagaregat.

AMSAL 17:24

Ap ungguloak kagalek mene nen he hebelek mene helelo anggagarek, oba nen ap morue mene nen wenggelharek mene andoma re higithogo wenggelharek lek.

AMSAL 21:29

Ap higithogo hilingiterek mene re onggwarek ebeba hilingik mene elu werek, ap ina'mage weak mene re inelokheba ambumsek.

AMSAL 24:5

Ap inomame hokho welagaikharek andi re we harek hak oba nen he, it ekhe inobabut hebelek logolik hilingitarek andi nek he mondok esin. Nen ap omame welagarek andi re we harek hak oba nen he, inelu welagaikharek mene andi nek he mondok esin.

DANIEL 2:22

Arenat yi wene ti wene elonggoma hinago mene ebe yi'nogo asigin iluk mel fakhogo yagaisigik, ikherek. At ebe o selek ombak-bak oba huli'liphogo logolik yi'nogo ti'nogo o mum oba agarek mene andi re At mondok elu nek.

DANIEL 2:47

A'nogo yagaisasikhesik, Daniel mel yagatikhe: ”Daniel. Afuni nen hunogo mene faget, Nineisena ebe yi aro, iluk fogeratarek mene andi, elo'lego. Mene re, we hat heisena Allah andi nek he, mondok esin lego mene werek. Ap raja-raja nen afuni inawe a'ma ferinarek welagaikharek mene andoma re, At enggiba nek welagaikhare'ma o. Haren he, wene hinago mene andi, Ebe yi'nogo hilinglasigin mene faget hegenma, iluk fakhogo yaganeten andi nen, Allah nen yi wene ti wene hinago mene fakhogo eberogoat yagaisikhere'ma higi, iluk futfigi o,” iluk yagatikhe.

MATIUS 17:2

at ebe it ineilhanem, hunogoat hilinglaga logolik he, elokhonggen mo eil hangge hilinglagik, asu laberek mene kut mondok amulit hokhorogo hilinglagik isikhe.

KISAH PARA RASUL 4:13

It Petrus Yohanes emberek inailo lek logolik, wene fakhogo a'nogo yagaisugunem he, it ap omanogo nen fogerinafi logolik he, ”Ap yi sekolah yanggulhi'lek. We, inonggot meneat he, Yesus inom nikhi lagaikha mene a'nogo nen higi,” iluk futfisasukwa.

KISAH PARA RASUL 4:29

Mene re, Nineisena. Nit ninoasuogeluk ili'lagwi andi heilenggen isan o. Nit hagoromi yoma wene haren isigin mene andi, ninailo lekhogo yagaisikhi logouwageluk homame wo'nisan o.

KISAH PARA RASUL 6:15

A'nogo ikhi lagaukwama, it ap wene ero pilingiti lagaukwa mene omanogo inebe mondogat inom hurek logolik he, ineilenggen at Stefanus oba lurogo yethugunem he, at elokhonggen malaikat Allah nen yonggo pelakfisa wagarek mene omanogo inelokhonggen hangge hilinglagaikhemo ineilenggen hasukwa.

ROMA 13:5

Halok he, it inane hologo hilingisugun o. Kamo ugun elo'lego. Allah a'mage lagainogo iluk, inane hologo hilingisugunat mene re, andiba nek inane hologo hilingisugun fuk. Hinendawinggen enggin lek serogo logouwogeluk, it inane hologo hilingisugun aro.

EFESUS 6:19

Ayonggo a'nogo fikhi logolik, an nen fano wene Allah endawimo hinago welagaikhe mene andi, aren yaganetu kwelek, nane fakhogo yagaisikhi logoigen he, hiren ayonggo fikhi logoino aro.

ULANGAN 28:50

It andi re inobabut mondok weak logolik he ap yaman mene iluk ogo, yenggerugwi magendek mene iluk ogo, inendawit inabugun lek.

2 TIMOTIUS 4:17

A'nogo meneat he, an nen ebe wene furogo yagaisugunem, it endakwe mene inebe mondogat inesanggo holuageluk, ninoe Enupogot an nera'lu logolik, nomametnafesik, mene olomene anini weak mene a'nogo ambelema were'ma telnabu hak, noasu mene telnafe andi.

2 PETRUS 1:20

Wene Allah ane andi re, it afuni inendawimo kagalogo ekhe isukwa lego. We, inebe afuni meneat he, Allah Areagun en inendawimo kagalogo yagaisugu kwelek, Allah nen isikhe wene andi yagaisikhi lagaukwa andi nen, wene Allah ane lisu palogo fesukwa mene werek andi, Allah Areagun en ninendawimo kagalhi'le'ma, ninonggwarek ninalegaren furogo futfogoin elo'lego.